1 Corintios 3:17 - New Testament Psalms and Proverbs in Mixtec Magdalena Peñasco

¹⁷ Te nú na in ma konukuiñi va'a nuu Su'si ma chi yikuu i ndákana i ve'e ii Su'si ma, te Su'si ma chi xnaa tna ya i, vaa masu kuu i kituu i ve'e ya ma ja sukan kúu i ma.

1 Corintios 3:17 ပူးပေါင်းရင်းမြစ်များ

Salmos 74:3

Ne'e ni, te kuni ni sukan ni kendoo nda'vi, ni kendoo kee ñuu ni a. Te ñayii ñatuu ka kunimani nuu o a, ni ka xnaa i ndaka ja iyo ini veñu'u maa ni a.

Salmos 79:1

Su'si maa sa, ni ka kenda koo ñayii masu ka kandija ja ká'an ni a, te ni ka ndunda'a i ja kúu kuenda maa ni a, te ni ka sa'a ndeva'a i ini veñu'u ii ni a, te ni ka skendoo nda'vi, ni ka skendoo kee i ñuu Jerusalén ya.

Salmos 93:5

Ndaka ja sa'a ja kúu ni ma chi ja ndaa ka kuu, te chukan kúu ja nuu iyo ni a chi ñatuu na ja u'vi koo. Saa vi, Su'si Iya Tátnuni, sukan kó kuu ni‑kani ni‑jika.

Salmos 99:9

Te chukan kúu ja yo'o chi jín kunukoo jiti o nuu yuku ii ya ma, te jín ndachiñu'u o Su'si o Iya Tátnuni ma, vaa iya ii kúu ya.

1 Corintios 3:16

Vaa jin kona'a ni ja ndaka o, te ka kuu o ve'e Su'si ma. Te Xtumani Ndios ma iyo me'ñu ndaka o a.

1 Corintios 3:18

Máko jin xnda'vi ni maa ni, te máko jin kani ini ni ja in ñayii ndichi ka kuu ni tiempu ya'a. Va'a‑ka ja jin kani ini ni ja in ñayii masu jini kuiti ka kuu ni, sukan‑va'a jin kenda koo ni ja jin ko kuu ni ñayii ndichi ndija.