1 Corintios 12:17 - New Testament Psalms and Proverbs in Mixtec Magdalena Peñasco

¹⁷ Te chukan kúu ja jín ndasa'a maa o kuenda ja nú ni‑ka'nu yikikuñu o a, nanimaa nduchinuu ko kuu i, te ¿naxe kuniso'o o? Te nú ni‑ka'nu yikikuñu o a, nanimaa so'o ko kuu i, te ¿naxe xtatachi o xi ni'i o xiko sukan sa'a xitni o a?

1 Corintios 12:17 ပူးပေါင်းရင်းမြစ်များ

Salmos 94:9

¿Xi ka jani ini ni ja iya ni sa'a so'o o ya, te ñatuu nde jiniso'o ya nawa ka ka'an o a? ¿Xi ka jani ini ni ja iya ni sa'a nduchinuu o ya, te ñatuu nde nde'ya ya nawa ka sa'a o a?

Proverbios 20:12

Su'si ma ni sa'a so'o o a sukan‑va'a koniniso'o o, te ni sa'a ya nduchinuu o a sukan‑va'a konde'ya va'a o. ¡Vivii kúu ja ni sa'a ya a!

1 Corintios 12:16

Te ni a so'o o a, nuna kuña'a i nuu nduchinuu o a: “Vaa masu kúu sa'a ri sukan sa'a ro ja kúu ro nduchinuu a, te chukan kúu ja masu jin koo kaa‑ka o”, kovaa masu kuu sa'a tna i sukan, vaa in‑ni yikikuñu ka kuu i te ka jiniñu'u tna'a tna i.

1 Corintios 12:18

Kovaa sukan ni sa'a ña'a maa Su'si ma, ja ni tenee ya so'o o a, xitni o a, nduchinuu o a, ji'in ndaka‑ka ja ni taa maa Su'si ma, sukan‑va'a koo va'a yikikuñu o a, vaa sukan ni kuu ini maa ya.

1 Corintios 12:21

Ni a nduchinuu o a, masu kuu kuña'a i nda'a o a: “Masu nde jiniñu'u ña'a ri”, te ni a xini o a, masu kuu kuña'a i ja'a o a: “Kuán ndiyo, ki'in ro, vaa masu nde jiniñu'u ña'a ri.”

1 Corintios 12:29

¿Te naxe ka jani ini ni? ¿Ndaka ñayii ma ka kuu apóstol ni tetniñu Jesucristo ma? ¿Xi ndaka i ka kuu ñayii ka ndakaxtnu'u tnu'u ni wa'a Su'si ma? ¿Xi ndaka i ka kuu teskua'a ja ka kaxtnu'u nuu in‑ka ñayii ma? ¿Xi ndaka i ka kuu ñayii ka sa'a milagru?