1 Corintios 11:7 - New Testament Psalms and Proverbs in Mixtec Magdalena Peñasco

⁷ Kovaa tee ma, másu ko kasi de xini de ma, vaa Su'si ma chi ni sa'a ya tee ma sukan kaa maa ya ma, te jayiñu'u Su'si ma jini o nuna sa'a de sa'a. Kovaa ña'a ma, jayiñu'u tee ma jini o nuna sa'a ña sa'a, vaa jandetu ña nuu yii ña ma ji'in nuu Su'si ma.

1 Corintios 11:7 ပူးပေါင်းရင်းမြစ်များ

Salmos 8:6

te ni sunkani ni i ja jin ko koto i ndaka ja ni sa'a ni ji'in nda'a ni a. Te ndaka kiti ma ni xndoo ni ja jin tatnuni i nuu ti,

Proverbios 12:4

Te ña'a ñu'u kaji ñu'u va'a ini ma chi ja sa'a ja kúu ña ma te ní'i yii ña ma jayiñu'u, kovaa ña'a ñatuu ñu'u kaji ñu'u va'a ini ma chi sukan kúu kue'e kívi onde yiki ñayii ma sukan kúu ña nuu yii ña ma.

1 Corintios 11:3

Kovaa kúni sa ja jin jaku'ni ini ni ja Cristo ma kúu iya táa ndaka nawa ka jiniñu'u o ma, te maa ya tátnuni nuu o a, te chukan kúu ja kuenda tnu'u ja xini ndaka tee ma kúu Cristo ma. Te sukan kúu ji'in tee ma, vaa maa de ndí ini ndaka nawa jiniñu'u ñasi'i de ma, te chukan kúu ja kuenda tnu'u ja xini ña'a ma kúu tee ma. Te ja sa'a Cristo ma ndaka sukan tátnuni Su'si ma, te chukan kúu ja kuenda tnu'u ja xini Cristo ma kúu Su'si ma.

1 Corintios 11:6

Vaa nú ña'a ma, ma kasi ña xini ña ma, saa‑nka nuna sete yanda xini ña ma. Kovaa nú kukan‑nuu ña ja ka'nde ña ixi ña ma xi sete yanda xini ña ma, va'a‑ka na kasi ña xini ña ma.

2 Corintios 8:23

Te Tito a chi in tee ka ndikin tna'a ji'in maa sa ja ka jinukuechi sa nuu ni a sukan kúni maa Su'si ma kúu de. Te uu‑ka ñani o a chi tee ni ka tetniñu ñayii ni ka nduu sa'ya Su'si o a ka kuu de, sukan‑va'a jin ndakani de ndenda koo de ya'a naxe ka jani ini ni ma, te jayiñu'u maa Cristo ma ko kuu.

Santiago 3:9

Ji'in yaa o a kuu ndachiñu'u o Yuva o Iya Tátnuni ma, te suni maa yaa o a kuu ka'an u'vi o nuu ñayii kaa sukan kaa Su'si ma.