1 Corintios 11:12 - New Testament Psalms and Proverbs in Mixtec Magdalena Peñasco

¹² Vaa sukan ni sa'a Su'si ma ña'a ma ja yiki yika tee ma te ni kuva'a ña ma, te suni ja ña'a ma sana ni kâku tee ma. Kovaa ndaka o chi nuu Su'si ma ve koo o.

1 Corintios 11:12 ပူးပေါင်းရင်းမြစ်များ

Proverbios 16:4

Ndaka ja ni sa'a ya ñuu ñayivi a chi jâ ni jani ini ya naxe jin ko kuu i te ni sa'a ya ma, nawa kúu ja onde ñayii sa'a ja u'vi ma chi jâ ndetu ña'a kivi ndachunaa i ja u'vi sa'a i ma.

Romanos 11:36

Vaa maa ya ni jani ini, te maa ya ni sa'a, te kuenda maa ya kúu ndaka ja iyo a. Te nuu maa ya kóo jayiñu'u ni‑kani ni‑jika. Te sukan kó kuu.

1 Corintios 11:11

Kovaa yo'o ja ka kandija o Iya Tátnuni a, ka jini o ja masu kuu koo tee ma nú masu ja onde ña'a ma, te ni masu kuu koo ña'a ma nú masu ja onde tee ma.

1 Corintios 8:6

Kovaa yo'o chi ka jini o ja in‑ni Su'si iyo, iya kúu Yuva o ma, te maa ya ni sa'a ndaka ja iyo ñuu ñayivi a, te yo'o chi ka iyo o ja jin kunukuechi o nuu ya. Te maa Jesucristo ma kúu Iya Tátnuni, te ja maa ya te ka iyo ndaka ja ka iyo a, te ja maa ya te ka iyo tna o a.

2 Corintios 5:18

Vaa ndaka cha'a chi nuu Su'si ma vee, nuu iya ni ndaka'an‑mani ña'a ma ja maa Cristo ma, te ni tatnuni ya ja jin kunukuechi sa nuu ya ja jin ndakaxtnu'u sa sukan jin ndumani o ji'in ya.