Santiago 4:7 - Xochapa Mixteco

⁷ Yakan nditaxi ndiꞌi ndo mií ndo ndaꞌa Iva yo Ndioxi, ndaku koo ini ndo, täxi ndo sindaꞌvi kiti nǎꞌa ndóꞌo̱, ni xäa súvi ndo ndá ka ya káꞌan ri, ta saa kutaꞌa ri, saa kuxiyo ri kuꞌun ri.

Santiago 4:7 ပူးပေါင်းရင်းမြစ်များ

Efesios 4:27

Ta vaꞌa ka kama ná ndi̱ko̱ ini ndo xiꞌin taꞌan ndo, ta täxi ndo ichí ndaꞌa kiti nǎꞌa ya kuchiñu ri sindiꞌi xaꞌa ri ndóꞌo̱.

1 Pedro 5:6

Ta xaꞌa ya ikán kua xaa ni̱nu̱ xiꞌin mií ndo tixin ndee chee ni kúu mií Ndioxi, saa tá ti̱ndaa kivi ya chi̱tuni mií ra saa kua xaa kaꞌnu ra ndóꞌo̱.

HEBREOS 12:9

Ta xa xíni mií ndo tá ndi̱xiyo vali yo, ndi̱xuꞌvi ni yo nuu iva yo nuu si̱naꞌa nda yoo ikan yo ya vaꞌa, ta saa ni xi̱ni soꞌo yo ya ndi̱kaꞌan nda xiꞌin yo, ta xa̱a toꞌo yo nda. Ta saa tu Iva yo Ndioxi ra íyo nuu ndivi ni̱nù, ná xaa toꞌo yo ra ikán, saa chi ra ikán ku ra táxi ya kutaku yo xiꞌin ra.

ROMANOS 10:3

Täꞌan kundaa ini na ndá kuꞌva kua nduu na, naꞌa na vaꞌa, na köo ka kuachi ku mií nuu Ndioxi. Ta ku̱ni na ikan na ya kúni mií na, süvi tá kuꞌva kúni mií Ndioxi kua.

San Mateo 11:29

Xaa súvi ndo ya káꞌan i xiꞌin ndo ya káa tá káa itun yuku i. Sikuaꞌá ndo tá kuꞌva íyo i, chi yeꞌe ta köo kueꞌe ini i, ndaꞌvi ni ini i, vaꞌa ni taa ku i, ikán ndo saa, ta saa kuchiñu ndo ndikundee ndo.

Efesios 5:21

Xíniñuꞌu ndo xaa ni̱nu̱ ndo mií ndo ya chindee taꞌan ndo xiꞌin taꞌan ndo xaꞌa ya xáa toꞌo ndo Jesucristo.

1 Pedro 2:13

Xaꞌa ya ndíkun ndo Tata yo Jesucristo, ta xaa toꞌo ndo ndiꞌi na chiñu, ni nda rey ku nda án ndá ka na kúu mií chiñu ndee ni nuu ndo ku na, ta xaa toꞌo ndo ndiꞌi na.

ROMANOS 14:11

Tá káchi tuꞌun ra, ya káchi saa: Ya káꞌan i xiꞌin ndo ta chínaꞌa i xaꞌa mií i. Vaxi kivi ta ndiꞌi ni kúu naꞌa sikusiti nuu i. Saa kua kaꞌan ndiꞌi naꞌa ya kúu i Ndioxi, káchi Tata yo. káchi ya ta̱a na xinaꞌa.

Los Hechos 26:19

Saa káꞌan ka ra xiꞌin ra rey Agripa, káchi ra saa: ―Ta yeꞌe, Tata Rey, köo ndi̱xaa soꞌo i xaꞌa ya ndi̱kaꞌan Jesús xiꞌin i tá ndi̱tuvi ra nuu i.

Los Hechos 9:6

Ñaa xa̱á kísi ya ra íꞌvi ka vi ra, saa ndi̱kuiin ra káꞌan ra: ―¿Unkua ikan i kúni un, Tata? ―káchi ra. Ta saa ndi̱kuiin Tata yo Jesús ndi̱kaꞌan ra xiꞌin ra, káchi ra saa: ―Kuandikoo, ta ná xaa un ñuu Damasco, ta ñaa kaꞌan na xiꞌin un unkua xíniñuꞌu un ikan un ―káchi Jesús xiꞌin ra.

Efesios 6:13

Xaꞌa ya ñaa kua xíniñuꞌu ndo ndikundixi níí ndo xiꞌin ndiꞌi ndee ya táxi Ndioxi ndaꞌa ndo kundixi ndo, tá kuꞌva ndíxi nda lapa nda kánitaꞌan, saa koo ndo. Chi tá íkan ndo saa, tá ti̱ndaa ndá ka tindoꞌo ya kánitaꞌan kiti nǎꞌa xiꞌin ndo, ta kuchiñu ndo xaꞌa ndee ini ndo xiꞌin ya. Chi saa kua kuchiñu ndo kundita tuun ndo tá vaxi kiti nǎꞌa kanitaꞌan ri xiꞌin ndo, ta küchiñu ri sindiꞌi xaꞌa ri ndóꞌo̱.