Santiago 4:3 - Xochapa Mixteco

³ Tá ndúku ndo ya nuu Ndioxi, ta köo níꞌi ndo ya ndúku ndo nuu ra, chi ya ndúku ndo ta ndisaa xaꞌa ya kútoo mií va ndo kua ndúku ndo nuu ra.

Santiago 4:3 ပူးပေါင်းရင်းမြစ်များ

San Mateo 20:22

Saa ndi̱kuiin Jesús káꞌan ra xiꞌin yá, káchi ra saa: ―Nana, ni köo kúndaa ini ndo unkua ndúku ndo nuu i. ¿Án kuchiñu ndo koꞌo ndo vaso nuu koꞌo i ta kuchi ndo tá kuꞌva kuchi i? ¿Án xáꞌa ndee ini ndo ndoꞌo ndo xiꞌin i? Chi yeꞌe ta yáꞌa ni vi ndee tixuꞌvi i? ―káchi ra xiꞌin nda. Saa ndi̱kuiin nda, káꞌan nda: ―Kuchiñu va nde, Tata ―káchi nda xiꞌin ra.

San Marcos 10:38

Saa ndi̱kuiin ra, káꞌan ra xiꞌin nda: ―Ni köo xíni ndo unkua ndúku ndo nuu i. ¿Án kíꞌin ndo kuenta kundee ndo ndoꞌo ndo tá kuꞌva ndoꞌo i? ―káchi ra xiꞌin nda.

San Lucas 11:10

Saa chi ndiꞌi na ndúku ndá ka ñaꞌa ta níꞌi na ya, ta na ndúku ndá ka ñaꞌa ta ndítaꞌan na ya. Ta ndiꞌi na káni ndaꞌa yeꞌe ta xúna yeꞌe nuu na.

San Lucas 15:13

Saa ku̱u ta ndi̱yaꞌa uvi ndaa kivi ta iin ndi̱xiko yaa ra ñaꞌa ya ndi̱niꞌi ra. Saa ndi̱kiꞌin ra kuaꞌan xika ra. Kuaꞌan ra inka ñuu xiꞌin xuꞌun ikán, ta ikán ti̱in ndiꞌi ra ya, iin si̱siki ndikuu mií ra ya.

San Lucas 15:30

Sundi tá ndi̱ko koo seꞌe un ra ti̱in yaa xuꞌun un si̱siki ndiꞌi ra ya xiꞌin ná ñaꞌa ta xáꞌni ka un sindiki xaꞌa ra”, káchi ra ikán xiꞌin iva ra.

Santiago 4:1

Ñani yo, ¿mií chí káku kuachi xiꞌin ndo ya xáa ndo káni taꞌan ndo, túvi ndo? Ndiꞌi ya väꞌa, ya kútoo ni ndo ikan ndo, ta chí nima mií va ndo kána ya väꞌa, ya ñaa kua síkani taꞌan ndóꞌo̱.

1 Juan 3:22

Ta saa ndá ñaꞌa ndúku yo nuu ra ta taxi ra ya ndaꞌa yo, saa chi xáa súvi yo ya káꞌan ra xiꞌin yo. Ta íkan yo ya vaꞌa nuu ra tá kuꞌva kúni mií ra.

1 Juan 5:14

Kándixa yo Ndioxi ta xíni yo tá ndá ñaꞌa ndúku yo nuu ra tá kuꞌva kúni mií ra ta kuni soꞌo ra ya kaꞌan yo xiꞌin ra.