Santiago 4:2 - Xochapa Mixteco

² Kútoo ni ndo koo kuaꞌa ñaꞌa ndo, ta köo kúchiñu ndo niꞌi ndo ya. Nda ìyo kaꞌni ndo naꞌa xaꞌa ya köo kúchiñu ndo niꞌi ndo ya kúni ndo, saa xáa ndo sâa ndo síkuaꞌa ndo kuachi ta xáa ndo kánitaꞌan ndo. Köo kúchiñu ndo niꞌi ndo ya kúni ndo, chi köo ndúku ndo ya nuu Ndioxi.

Santiago 4:2 ပူးပေါင်းရင်းမြစ်များ

San Juan 16:24

Nda kivi vitin ta nda iin ñaꞌa täꞌan nduku ndo nuu ra tixin kivi yeꞌe. Nduku ndo ya nuu ra ta taxi ra ya ndaꞌa ndo, ta saa kua ndixa ni ka kusini ndo.

San Juan 4:10

Saa ndi̱kuiin Jesús káꞌan ra: ―Tá tu xíni un unku ya vaꞌa kúni Ndioxi taxi ra ndaꞌa un ta kundaa ini un unku yeꞌe, ndíkuu. Ta saa nduku un tikuii nuu i, ta taxi i rá ndaꞌa un, ta tikuii rá taxi i ndaꞌa un kúu mií rá ndee taxi rá kutaku na ivi ―káchi ra xiꞌin yá.

Santiago 1:5

Tá ndá ndóꞌo̱ kúmani ya ndíchi nuu, ta vaꞌa nduku ndo ya nuu Ndioxi chi vaꞌa ni ra, ta küxinda ra ya nuu ndo taxi va ra ya ndaꞌa ndo.

Santiago 5:6

Saa ta̱xi ndo kuachi xaꞌa naꞌa, na köo kuachi ta xa̱ꞌni ndo na, ta na i̱kan ndo saa xiꞌin ta ni köo ndi̱kaꞌan kuachi na xaꞌa na nuu ndo.

1 Juan 3:15

Ndiꞌi na kúndasi nuu xíni taꞌan ta tá íin na xáꞌni ndìì saa íin na. Ta ndóꞌo̱ xa xíni ndo ndiꞌi na xáꞌni ndìì ta küchiñu na kutaku na xiꞌin Ndioxi nda iin tiempo.