Santiago 3:2 - Xochapa Mixteco

² Chi ndiꞌi yo ta yo yáꞌa yuꞌú ku ndiꞌi va yo, ta naꞌa, na köo yáꞌa tuꞌun káꞌan, na ñaa ku na xa ndi̱xinu íyo vaꞌa ni nima na xiꞌin ra, yakan kuchiñu na kaꞌnda chiñu na nuu ndiꞌi ikin kuñu na.

Santiago 3:2 ပူးပေါင်းရင်းမြစ်များ

San Mateo 12:34

Saa ndóꞌo̱, káꞌan i xiꞌin ndo: ¡Tá íin seꞌe kiti ko̱ó saa íin ndo, káchi i! Chi süvi ndóꞌo̱ vaꞌa ku ndo, yakan küvi kaꞌan ndo ya vaꞌa. Chi tá kuꞌva íyo nima ndo, saa íyo tuꞌun káꞌan ndo.

San Mateo 12:37

Chi Ndioxi ta xaa nani ra kuachi xiꞌin iin iin ndo xaꞌa tuꞌun ya ndi̱kaꞌan ndo. Tá ndi̱kaꞌan ndo tuꞌun vaꞌa ta kaku ndo, tá tu ndi̱kaꞌan ndo tuꞌun väꞌa, ta niꞌi ndo nuu ndoꞌo ni ndo ―kachi Jesús xiꞌin na.

ROMANOS 3:10

Tá kuꞌva káꞌan tuꞌun Ndioxi ya ta̱a na xinaꞌa, káchi ya saa: “Köo nda iin mituꞌun naꞌa, na ndaa ni ini nuu Ndioxi, nda iin mituꞌun na köo.

ROMANOS 7:21

Ta xa ku̱ndaa ini i ya ndixa kua ndóꞌo i saa: chi tá kúni i ikan i ya vaꞌa, ta ya väꞌa íyo xiꞌin i kua köo táxi ikan i saa.

1 Corintios 9:27

Sundi yeꞌe, ta síndoꞌo ni va i ikin kuñu i, saa xáa nduxa i xiꞌin ya ná kandixa ya yeꞌe. Saa xáꞌa ni i ndee xiꞌin mií i ya xaa súvi ni i ya kúni ra, koto ka ndïkiꞌin i ya vaꞌa taxi Ndioxi ndaꞌa i nuu ndivi, vani ra ndi̱kaꞌan ndoso tuꞌun ra ndi̱xiyo i.

Gálatas 3:22

Chi tuꞌun Ndioxi ta káꞌan ya xaꞌa yo ya íin yo tá íin naꞌa, na núꞌni ndaꞌa kuachi na, saa íin ndiꞌi ni kúu yo ndaꞌa kuachi ya xáꞌnda chiñu nuu yo. Ta ndisaa naꞌa, na kándixa Jesucristo ku na kúchiñu ndíkiꞌin ya vaꞌa, ya ndi̱kaꞌan Ndioxi niꞌi yo nuu ra.

Gálatas 5:17

Chi ñaꞌa ya kútoo ni ikin kuñu yo xaa súvi ya ta köo íyo yuꞌu ya xiꞌin Tachi I̱í Ndioxi. Saa tu mií Tachi I̱í Ndioxi va, köo íyo yuꞌu ya xiꞌin ñaꞌa väꞌa ya kúni ikin kuñu yo xaa súvi ya. Káni taꞌan va uvi saa ya xiꞌin taꞌan ya. Xaꞌa ya ñaa kua köo kúchiñu ndo xaa súvi ndo ya ndixa kúni ndo xaa súvi ndo.

Colosenses 1:28

Ta ndeꞌe káꞌan ndoso nde xaꞌa ra xiꞌin ndiꞌi naꞌa, ndíkani nde nuu na, saa sínaꞌa nde na xaꞌa ndiꞌi tuꞌun ra ya ndíchi táxi Ndioxi ndaꞌa nde. Chi kúni i sinaꞌa i na yóꞌó nuu Ndioxi ya nduu na naꞌa, na ndǎku ni ini nuu ra, ta xa ku̱ndaa vaꞌa ini na xiꞌin tuꞌun ra.

Colosenses 4:12

Saa tu ra Epafras, ra ñuu mií ndo, tíꞌvi ni ra tuꞌun mani xaa nuu ndo. Ta ndiꞌi saa ichí ndee ni káꞌan ra xaꞌa ndo xiꞌin Ndioxi ya ndee ni ná koo vaꞌa ndo, ta ná kuaꞌnu ni ka ndo xiꞌin tuꞌun Ndioxi ya kundaa vaꞌa ini ndo xiꞌin ya, saa xaa súvi ndo ya kúni mií Ndioxi.

HEBREOS 13:21

Xaꞌa ya ikán kua káꞌan ni i xiꞌin ra ya ná chindee taꞌan ni ra xiꞌin ndo ya kuchiñu ndo xaa súvi ndo ndiꞌi ya vaꞌa kúni mií ra. Ta saa xáku ndaꞌvi ni i nuu ra ya ná chindee ra ndeꞌe ikan nde ndisaa ya kúni mií ra tixin Tata yo Jesucristo. Saa ná kunuu sukun ni ya toꞌo Tata yo Jesucristo ndiꞌi saa ichí, ndiꞌi saa kivi. Saa ná koo ya.

Santiago 1:26

Tá ndá ndóꞌo̱ ndíkani ini ndee ni vaꞌa kándixa ndo Ndioxi, ta köo ndi̱xita ndo mií ndo nuu ya väꞌa káꞌan ndo, ta síndaꞌvi ndo mií va ndo, chi süvi ya ndaa kua káꞌan ndo ndíkun ndo Ndioxi.

Santiago 1:4

Chi tá köo ndíko koo ini ndo nuu tindoꞌo ya vaxi nuu ndo saa kua kuchiñu ndo xinu ndo nduu ndo tá kuꞌva kúni mií Ndioxi, nduxuxa tuꞌun ra ini ndo ta nda iin ñaꞌa kümani nuu ndo.

Santiago 2:10

Saa chi tá ndá naꞌa vaꞌa ni xáa súvi ndiꞌi ley Ndioxi, ta yáꞌa na nuu iin mituꞌun loꞌo ya káꞌan ya, tá íkan na saa ta kuakiꞌvi na kuachi xiꞌin ndiꞌi ni kúu ya káꞌan ya.

1 Pedro 3:10

Saa chi saa káꞌan tuꞌun Ndioxi, káchi ya saa: Tá ndá na kúni kutaku koo vií na xiꞌin ya vaꞌa, Ta kuenta ná koo na xiꞌin yuꞌu na, ná käꞌan na tuꞌun vata.

1 Pedro 5:10

Sundi ndóꞌo̱ ta kündiꞌi ini ndo chi tá sindiꞌi ndi̱yaꞌa uvi ndaa kivi ya ndi̱xuꞌvi ni ndo, ta mií Ndioxi ku ra ndasa xuxa ini ndo, ta saa taxi ra ndee ndaꞌa ndo ya tuun ni kundikun ndo ra, saa niꞌi ndo ndee nuu ra ndundee ini ndo ta ta̱xi ra ichí ndaꞌa ndo tuun ni koo ndo xiꞌin ra.