Santiago 2:8 - Xochapa Mixteco

⁸ Tá tu ya ndixa ni kua kándixa ndo ley Ndioxi ya ndee ni ndáa yaꞌvi, ta vaꞌa ni va íkan ndo, chi soꞌva káꞌan ley ikán: “Ná kuꞌvi ni ini ndo kuni ndo naꞌa tá kuꞌva kúꞌvi ini ndo xíni ndo mií ndo”, káchi ya.

Santiago 2:8 ပူးပေါင်းရင်းမြစ်များ

San Mateo 22:39

Tá kuꞌva káa ley ya núnu̱ú, saa káa tu ya uvi va, káchi ya saa: “Tá kuꞌva kúꞌvi ini yo xíni yo mií yo, saa xíniñuꞌu yo kuꞌvi ini yo kuni yo na taꞌan yo”.

San Mateo 25:21

Saa ndi̱kaꞌan xitoꞌo ra káchi ra saa: “Vaꞌa ni i̱kan un, vaꞌa ni moso kuu mií un, vaꞌa ni kundaa ini i kuni i yóꞌo̱. Sikuiso chiñu i yóꞌo̱ nuu kuaꞌa ni ka ñaꞌa i, saa chi vaꞌa ni xa̱a súvi un chiñu loꞌo yóꞌó. Ta vitin naꞌa kiꞌvi un veꞌe i, ta kusini ni un xiꞌin i”, káchi patrón ra xiꞌin ra.

San Mateo 25:23

Saa ndi̱kaꞌan ra xitoꞌo ra, káchi ra saa: “Vaꞌa ni xa̱a súvi un chiñu, vaꞌa ni moso ku mií un. Vaꞌa ni kundaa ini i kuni i yóꞌo̱. Sikuiso chiñu i yóꞌo̱ xiꞌin kuaꞌa ni ka chiñu i, chi vaꞌa ni xa̱a súvi un chiñu loꞌo yóꞌó. Ta vitin naꞌa kiꞌvi un veꞌe i, nuu kusini ni un xiꞌin i”, káchi xitoꞌo ra xiꞌin ra.

San Mateo 7:12

’Yakan tá kuꞌva kúni ndo ikan naꞌa ya vaꞌa xiꞌin ndo, saa xíniñuꞌu ndo ikan ndo ya vaꞌa xiꞌin na. Saa kua xáa súvi ndo ley ya ta̱a ra Moisés xiꞌin nda profeta xinaꞌa ―káchi Jesús xiꞌin na.

ROMANOS 13:10

Yakan naꞌa na kúꞌvi ni ini xíni taꞌan, ta köo xáa nduvaꞌa na xiꞌin taꞌan na, tá ndixa kúꞌvi ini yo xíni taꞌan yo, ta saa kua xáa súvi yo ley Ndioxi.

Gálatas 5:14

Chi ley Ndioxi ya ta̱a ra Moisés, ta xiꞌin iin tuꞌun yóꞌó kua xáa súvi ndo ndiꞌi ya káꞌan ya, káchi ya saa: “Kuꞌvi ni ini ndo kuni taꞌan ndo, tá kuꞌva kúꞌvi ini ndo xíni ndo mií ndo”, káchi ya.

Gálatas 6:2

Ta chindee taꞌan ndo xiꞌin taꞌan ndo xaꞌa ndá ka tindoꞌo ya ndóꞌo̱ ndo, chi tá íkan ndo saa xiꞌin taꞌan ndo, ta saa kua xáa súvi ndo ley mií Cristo.

Filipenses 4:14

Vani köo ndíꞌi ini i xaꞌa ñaꞌa ya xíniñuꞌu i, ta ndóꞌo̱, ta vaꞌa ni i̱kan ndo xiꞌin i, ti̱ꞌvi ndo ya xa̱a ya ndaꞌa i. Xiꞌin ya yóꞌó chi̱ndee ndo yeꞌe xaꞌa tindoꞌo ya ndóꞌo i vitin.

1 Tesalonicenses 4:9

Ta köo xíniñuꞌu ka i kaꞌan i xiꞌin ndo ya kuꞌvi ini ndo kuni taꞌan ndo, saa chi xa mií Ndioxi ku ra si̱naꞌa ndóꞌo̱ kuꞌvi ni ini ndo kuni taꞌan ndo.

Santiago 1:25

Sundi naꞌa, na köo ndi̱ndoso ini xaꞌa tuꞌun Ndioxi ya xíni soꞌo na, ta xáa súvi na ya káꞌan ya, ta vaꞌa ni kée na, chi sáña ndíka na xaꞌa kuachi na.

Santiago 2:12

Xaꞌa ya ñaa kua vívií ndituꞌun ndo, ta vívií koo ndo ñani yo. Chi ndóꞌo̱ ta tá íin naꞌa, na xaa nani Ndioxi kuachi xiꞌin xaꞌa ley ra ya sa̱ña ndíka ndóꞌo̱, saa íin ndo.

Santiago 2:19

Ta vaꞌa ni va íkan ndo xaꞌa ya kándixa ndo iindaa kú Ndioxi, túvi ndo. Ta ¿án köo xíni ndo nda mií kiti nǎꞌa ta kuꞌva saa íkan ri kándixa ri ya íyo iindaa Ndioxi, ta nda kísi ni̱nù ñaꞌa ya, xaꞌa ya íꞌvi ri.

Santiago 4:11

Ñani yo xiꞌin kuꞌva yo, käꞌan väꞌa ndo xaꞌa ñani taꞌan ndo. Chi ndiꞌi ndóꞌo̱ íkan saa, ta tá íin ndo xáa nani kuachi xiꞌin taꞌan ndo, saa íin ndo, tá káꞌan väꞌa ndo xaꞌa ley saa xáa nani ndo ya káꞌan ya. Chi tá káꞌan väꞌa ndo xaꞌa ya ta köo xáa súvi ndo ya káꞌan ya, saa ndúu ndo tá íyo na xáa nani ya káꞌan va ya.

1 Pedro 2:9

Sundi ndóꞌo̱, ta mií Iva yo Ndioxi ku ra ndi̱kaxin ndóꞌo̱ ndu̱u ndo seꞌe mií ra, saa nda̱sa ra ndóꞌo̱ sutu na xáa chiñu nuu rey, ra kúu Tata yo Jesucristo, ta ndu̱u ndo iin ñuu na i̱í ni, na kúu kuenta mií Ndioxi. Ta mií Iva yo Ndioxi ku ra ndi̱kaxin ndóꞌo̱, ta̱va ra ndóꞌo̱ ichí nuu naá nuu xi̱ndoꞌni ndo, saa chi̱ndoo ra ndóꞌo̱ nuu luvi ni káa nuu íyo ñu̱ꞌu̱ yéꞌe̱ ya kúu mií ra. Ta ndi̱kaxin ra ndóꞌo̱ ya kaꞌan ndoso ndo tuꞌun ra ya ndee ni ndee kúu mií, ya kaꞌan ndo ya xiꞌin naꞌa ya kundaa ini na xaꞌa ya vaꞌa ni íkan Ndioxi.