Santiago 2:3 - Xochapa Mixteco

³ Ta ndee ni va vaꞌa ná káꞌan ndo xiꞌin ra kuika ikán, kachi ndo saa: “Naꞌa koo un nuu tai vaꞌa yóꞌó”, ná kachi ndo xiꞌin ra. Ta ra ndávi ikán ná kaꞌan ndo xiꞌin: “Vaꞌa ñaa kundichi ndaa un, án vaꞌa kunduꞌu tu un nuu ñuꞌú ñaa va”, ná kachi ndo xiꞌin ra.

Santiago 2:3 ပူးပေါင်းရင်းမြစ်များ

San Lucas 23:11

Saa xa̱á ra Herodes xiꞌin nda lapa kúsiki ndaa ñaꞌa nda. Saa si̱kundixi nda ra iin tikoto ya vaꞌa ni náꞌa ya xáku ndaa nda ra. Ñaa si̱ndiko koo tuku ra Herodes Jesús kuaꞌan ra nuu ra Pilato.

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.

Santiago 2:2

Chi tá ná xaa iin ra kuika kiꞌvi ra veꞌe nuu ndíkitaꞌan ndo xáa kaꞌnu ndo Ndioxi, ta ndee ni ndíxi vaꞌa ra ikán, ndíkaa xeꞌe ya oro ndaꞌa ra, sáꞌan ni káa ra. Ta suvi saa kuakiꞌvi tu iin ra ndaꞌvi ndee ni láꞌla toto ndíxi, ná kachi yo.

Santiago 2:6

Sundi ndóꞌo̱, ta köo ndíkuiso vaꞌa ndo na, na xáa nduvaꞌa ndo xiꞌin va ku na. Ta ¿án süvi na kuika ku na táxi kuachi xaꞌa ndo, saa ñúu ndai na ndóꞌo̱ kuaꞌan ndo nuu na chiñu?

Judas 1:16

Ta nda sínaꞌa ya vata xaꞌa tuꞌun Ndioxi ku nda káꞌan kuáchi ni, ndiꞌi saa kivi ndúku nda kuachi naꞌa ya kaꞌan nda xaꞌa na, ta ndisaa ya kúni mií nda kua íkan nda, kútai ni ini nda xíni nda mií nda ya kúni nda sixinu nda ini na, ta saa kuchiñu tava nda ya kúni nda ndaꞌa na.