Santiago 1:4 - Xochapa Mixteco

⁴ Chi tá köo ndíko koo ini ndo nuu tindoꞌo ya vaxi nuu ndo saa kua kuchiñu ndo xinu ndo nduu ndo tá kuꞌva kúni mií Ndioxi, nduxuxa tuꞌun ra ini ndo ta nda iin ñaꞌa kümani nuu ndo.

Santiago 1:4 ပူးပေါင်းရင်းမြစ်များ

San Mateo 10:22

Ta ndiꞌi ni kúu naꞌa kundasi nuu kuni ndóꞌo̱ xaꞌa ya ndíkun ndo yeꞌe, sundi ndóꞌo̱ ta sïndoo ndo ichí i ya ndíkun ndo yeꞌe, chi saa kua kuchiñu ndo kaku ndo.

San Mateo 19:20

Saa ndi̱kuiin ra ndi̱kaꞌan ra xiꞌin Jesús, káchi ra saa: ―Tata, nda tá loꞌo vi i xáa súvi i ndiꞌi ley ñaa. Ta ¿án íyo ka inka chiñu kúmani xaa súvi i? ―káchi ra.

San Mateo 5:48

Xaꞌa ya ñaa kua ná koo ndo naꞌa, na ndaa ini, tá kuꞌva íyo Iva yo Ndioxi ra i̱í, ra ndaa ini ―káchi Jesús xiꞌin na.

San Marcos 10:21

Saa ndi̱koto Jesús nuu ra ta ndi̱taꞌvi ni ini ra xi̱ni ñaꞌa ra, saa ndi̱kaꞌan ra xiꞌin ra, káchi ra saa: ―Vani xa íkan ndiꞌi un ya ñaa, sundi kümani ka siin ya ikan un. Kuáꞌan xiko ndiꞌi ñaꞌa ya kúu mií un, ta chindee un na ndaꞌvi. Saa kua kuchiñu ndukuika un xiꞌin Ndioxi nuu ndivi. Xaa súvi ya ñaa, ta saa kixi un kundikun un yeꞌe, vani tixuꞌvi un án nda kuvi un xaꞌa i ―káchi Jesús xiꞌin ra.

San Lucas 18:22

Ñaa tá xi̱ni soꞌo Jesús ya ndi̱kaꞌan ra, saa ndi̱kaꞌan ra xiꞌin ra, káchi ra saa: ―Vani xa íkan ndiꞌi un ya ñaa, sundi kümani ka siín ya ikan un. Xiko ndiꞌi ñaꞌa kúu mií un ta chindee un na ndaꞌvi. Saa ku ndixa ya ndukuika un xiꞌin Ndioxi nuu ndivi. Ikan ya ñaa, tá sindiꞌi un i̱kan un ya, ta saa kixi un kundikun un yeꞌe ―káchi Jesús xiꞌin ra.

San Lucas 21:19

Yakan ndóꞌo̱ ta xaꞌa ndee ni ini ndo saa kuchiñu ndo sikaku ndo ya vaꞌa ndo.

San Lucas 8:15

Ta siꞌva ri ndi̱koyo nuu ñuꞌú vaꞌa ku na kúu mií nima vaꞌa, ndâku ni ini na chívaꞌa na tuꞌun xíni soꞌo na nima na, ta köo ndíko koo ini na ya kuaꞌan na ichí ra, tá íin kuiꞌi vaꞌa ni kána, saa íin na ikán ―káchi Jesús xiꞌin nda ítaꞌan xiꞌin ra.

San Juan 17:23

Yeꞌe ku ra íyo xiꞌin na yóꞌó, ta yóꞌo̱ ku un íyo xiꞌin yeꞌe, yakan vaꞌa ni nduu na iin yuꞌu xiꞌin taꞌan na, ta saa kua kundaa ini na ñuu ivi yóꞌó, ya ti̱ꞌvi un yeꞌe vaxi i. Ta kuni na ya kúꞌvi ni ini un xíni un na ndíkun yeꞌe, tá kuꞌva kúꞌvi ini un xíni un yeꞌe, saa kúꞌvi ini un xíni un na.

1 Corintios 2:6

Ta saa ni, ya ndaa kua ndítuꞌun nde tuꞌun ndíchi xiꞌin naꞌa, na xa xuxa ini xiꞌin tuꞌun Ndioxi. Ta ya ndíchi ndítuꞌun nde xiꞌin na, ta süvi taꞌan ya ndíchi íyo ñuu ivi yóꞌó ku ya, ni süvi taꞌan ya ndíchi kúu mií na chiñu ñuu ivi yóꞌó ku ya, chi ya ndíchi kúu mií na chiñu yóꞌó, ta ya ndíꞌi xaꞌa va ku ya.

Gálatas 6:9

Ta ná künaa yo ya chíꞌi yo ya vaꞌa, ná xaꞌa ni yo ndee ikan yo saa ndiꞌi kivi, saa tá ti̱ndaa tiempo ta niꞌi ni yo ya vaꞌa xaꞌa ya íkan yo saa.

Colosenses 4:12

Saa tu ra Epafras, ra ñuu mií ndo, tíꞌvi ni ra tuꞌun mani xaa nuu ndo. Ta ndiꞌi saa ichí ndee ni káꞌan ra xaꞌa ndo xiꞌin Ndioxi ya ndee ni ná koo vaꞌa ndo, ta ná kuaꞌnu ni ka ndo xiꞌin tuꞌun Ndioxi ya kundaa vaꞌa ini ndo xiꞌin ya, saa xaa súvi ndo ya kúni mií Ndioxi.

1 Tesalonicenses 5:23

Ta mií Ndioxi, ra táxi koo vaꞌa ni ini yo ná xaa i̱í ni ra ndiꞌi ni kúu ya vaꞌa ndo xiꞌin ya xínituni ndo xiꞌin ikin kuñu ndo. Saa ná chivaꞌa ra ndóꞌo̱, nda iin kuachi ná küu mií ndo tá kivi ná ndiko koo tuku Tata yo Jesucristo kixi ra ñuu ivi yóꞌó.

2 Timoteo 3:17

Ta saa kua kuchiñu nduu yo naꞌa, na xa íyo ndúvi, na xa si̱kuaꞌa xaa súvi chiñu vaꞌa nuu Ndioxi.

HEBREOS 13:21

Xaꞌa ya ikán kua káꞌan ni i xiꞌin ra ya ná chindee taꞌan ni ra xiꞌin ndo ya kuchiñu ndo xaa súvi ndo ndiꞌi ya vaꞌa kúni mií ra. Ta saa xáku ndaꞌvi ni i nuu ra ya ná chindee ra ndeꞌe ikan nde ndisaa ya kúni mií ra tixin Tata yo Jesucristo. Saa ná kunuu sukun ni ya toꞌo Tata yo Jesucristo ndiꞌi saa ichí, ndiꞌi saa kivi. Saa ná koo ya.

Santiago 1:5

Tá ndá ndóꞌo̱ kúmani ya ndíchi nuu, ta vaꞌa nduku ndo ya nuu Ndioxi chi vaꞌa ni ra, ta küxinda ra ya nuu ndo taxi va ra ya ndaꞌa ndo.

Santiago 3:2

Chi ndiꞌi yo ta yo yáꞌa yuꞌú ku ndiꞌi va yo, ta naꞌa, na köo yáꞌa tuꞌun káꞌan, na ñaa ku na xa ndi̱xinu íyo vaꞌa ni nima na xiꞌin ra, yakan kuchiñu na kaꞌnda chiñu na nuu ndiꞌi ikin kuñu na.

1 Pedro 5:10

Sundi ndóꞌo̱ ta kündiꞌi ini ndo chi tá sindiꞌi ndi̱yaꞌa uvi ndaa kivi ya ndi̱xuꞌvi ni ndo, ta mií Ndioxi ku ra ndasa xuxa ini ndo, ta saa taxi ra ndee ndaꞌa ndo ya tuun ni kundikun ndo ra, saa niꞌi ndo ndee nuu ra ndundee ini ndo ta ta̱xi ra ichí ndaꞌa ndo tuun ni koo ndo xiꞌin ra.

2 Pedro 1:9

Tá ndá naꞌa köo íkan taꞌan ya yóꞌó, ta tá íin na kuáa̱ va saa íin na, küvi koto xíka ni va na, loꞌo ni va xíto na, ta xa ndi̱ndoso ini na ya xa̱a kaꞌnu ini Ndioxi xaꞌa kuachi na.