ROMANOS 13:4 - Xochapa Mixteco

⁴ Saa chi na chiñu, ta nuu Ndioxi kua xáa chiñu na, ta íkan na saa xaꞌa mií yo. Sundi tá íkan yo ya väꞌa, ta ná ku íꞌvi yo nuu na, saa chi kúu mií na ichí ya xaa nduvaꞌa na xiꞌin yo, ta ndixa saa ikan na xiꞌin yo, xaꞌa ya väꞌa íkan yo. Na xáa chiñu nuu Ndioxi ku na, ta íyo ichí na xaa nduvaꞌa na xiꞌin naꞌa, na íkan ya väꞌa.

ROMANOS 13:4 ပူးပေါင်းရင်းမြစ်များ

ROMANOS 12:19

Ñani yo, xiꞌin kuꞌva yo, ndüku ndo kuꞌva ya sindiko koo ndo ya väꞌa nuu taꞌan ndo, chi mií Ndioxi ku ra chaꞌvi nuu naꞌa xaꞌa ya väꞌa íkan na xiꞌin ndo. Tá kuꞌva káꞌan tuꞌun mií ra, ya káchi saa: “Yeꞌe ku i kúu mií ichí ya xaa nduvaꞌa i xiꞌin naꞌa, chaꞌvi i na tá kuꞌva íkan na”, káchi Iva yo Ndioxi.

1 Tesalonicenses 4:6

Sïndaꞌvi taꞌan ndo käka sěꞌe ndo xiꞌin yá síꞌi ñani ndo, án xiꞌin i̱í kuꞌva ndo. Saa chi ndiꞌi na íkan saa ta sindoꞌo ni Ndioxi na. Tá íyo ya xa ndi̱kaꞌan ni nde xiꞌin ndo yachi, saa íyo ya.

ROMANOS 13:6

Nda ni mií ndo ta kákuꞌun ndo, cháꞌvi ndo nuu na chiñu. Saa chi na xáa chiñu nuu Ndioxi ku na, yakan kúu mií na ichí kiꞌin yaꞌvi na xaꞌa chiñu íkan na, chi táxi ndiꞌi na tiempo kúu mií na xaꞌa ya síxinu na chiñu na.

1 Pedro 2:14

Ta saa tu ndá ka mií na chiñu na táxi ra rey ichí ndaꞌa ya sindoꞌo na naꞌa, na íkan ya väꞌa, ta kaꞌan vaꞌa na xaꞌa naꞌa, na íkan ya vaꞌa.