San Mateo 23:4 - Xochapa Mixteco

⁴ Saa chi xáꞌnda nda chiñu ya ndee ni uꞌvi xaa súvi ndo, ta nda ni mií nda köo kúchiñu xaa súvi ya ndúku nda nuu ndo xaa súvi ndo. Tá káa ñaꞌa ya vee ni saa káa ya tóso nda sata naꞌa xaa súvi na, nda mií nda ta nda loꞌo köo kúchiñu nda xaa súvi nda ya.

San Mateo 23:4 ပူးပေါင်းရင်းမြစ်များ

San Lucas 11:46

Saa ndi̱kuiin Jesús, káꞌan ra: ―Saa íin tu ndóꞌo̱ maestro, ndóꞌo̱ sínaꞌa ley ya ta̱a ra Moisés va. ¡Ndoꞌo ni tu ndóꞌo̱ va! Saa chi sínaꞌa ndo naꞌa ya ná xaa nduvi ndiꞌi na ley Ndioxi. Tá íkan iin taa ra síkuiso vee ni naꞌa, ta nda loꞌo köo chíndee taꞌan ra xiꞌin na, saa íkan ndo ―káchi Jesús xiꞌin ra maestro ikán.

Los Hechos 15:10

Ta ¿ndachu tuun ni ini ndo köo xíin ndo kandixa ndo Ndioxi ya ndi̱kuiso ra na, saa káꞌan ndo xaa súvi na ley Ndioxi. Ta nda ni mií yo xiꞌin xii sikua yo ta köo ndikuchiñu yo xaa súvi yo ley ikán.

Gálatas 6:13

Ta nda káꞌan xiꞌin ndo ya ndikunuu tuni Ndioxi ndóꞌo̱ ya xaa súvi ndo ley Ndioxi ya ta̱a ra Moisés, ni mií nda ta köo kúchiñu nda xaa súvi nda ndiꞌi ya káꞌan ley. Sundi kúni nda ná xaa súvi ndóꞌo̱ ya, ta saa kuchiñu ndikunuu vaꞌa tuꞌun nda, xaꞌa ya xa̱a nduxa nda xiꞌin ndo ndi̱kunuu tuni Ndioxi ikin kuñu ndo.

San Mateo 23:23

’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Ndóꞌo̱ uvi yuꞌu ku ndo! Saa chi táxi ndo iin koꞌndo ya táva ndo tixin uxi koꞌndo iku kána chíꞌi ndo, ta táxi ndo ya ndaꞌa Ndioxi. Ta köo xáa súvi ndo ñaꞌa ya ndixa xíniñuꞌu ndo xaa súvi ndo nuu Ndioxi. Ya kúni Ndioxi ku ya ikan ndo ya ndaku xiꞌin naꞌa, saa kundaꞌvi ini ndo kuni taꞌan ndo tin kandixa ni ka ndo Ndioxi, ya yóꞌó ku ya ndáa yaꞌvi ni. Xíniñuꞌu ndo xaa súvi ndo chiñu ndee ni yóꞌó nuu ra, ta xïkuiin ndo ikan ndo inka ka chiñu vali nuu ra.

El Apocalipsis 2:24

Saa íyo inka tuꞌun káꞌan i xiꞌin sava ndóꞌo̱ ndóo ñuu Tiatira, ndóꞌo̱ köo kándixa ya vata sínaꞌa yá ñaa, ta ni köo xíin ndo sikuaꞌa ndo ñaꞌa káꞌan na xaꞌa ya ndee ni ndíchi íyo sěꞌe síkuaꞌa na, káchi na. Chi ya ñaa ta ya káku nima kiti nǎꞌa, kiti Satanás va ku ya. Ta köo ka ñaꞌa nduku i nuu ndo.

Los Hechos 15:28

Iin yuꞌu ku nde xiꞌin Tachi I̱í Ndioxi ya sïkuiso vee nde ndóꞌo̱ xiꞌin inka ka chiñu, ndisaa ya yóꞌó kua xíniñuꞌu ndo xaa súvi ndo:

San Mateo 23:3

Yakan ndiꞌi ya káꞌan nda xiꞌin ndo ikan ndo, ta xaa súvi ndiꞌi ndo ya, sundi ïkan ndo tá kuꞌva íkan mií nda, saa chi ya sínaꞌa nda ndóꞌo̱ ta köo xáa súvi nda ya.

1 Juan 5:3

Tá tu xáa súvi yo ya xáꞌnda chiñu Ndioxi nuu yo ta sínaꞌa yo mií yo ya kúꞌvi ini yo xíni yo ra. Saa chi ya xáꞌnda chiñu ra nuu yo ta süvi tá káa iin ya vee ndíso yo káa ya.