San Marcos 9:5 - Xochapa Mixteco

⁵ Ñaa ndi̱kaꞌan ra Pedro xiꞌin Jesús, káchi ra saa: ―Tata Maestro, vaꞌa ni ku̱u ndóo nde xiꞌin un, ta sikuaꞌa nde uni veꞌe itun vixin vali, iin ya koo yóꞌo̱, ta iin ya koo ra Elías, inka ya koo ra Moisés ―káchi ra xiꞌin Jesús.

San Marcos 9:5 ပူးပေါင်းရင်းမြစ်များ

San Mateo 17:4

Saa ndi̱kaꞌan ra Pedro xiꞌin Jesús, káchi ra saa: ―Tata, vaꞌa ni ku̱u ndóo nde xiꞌin un. Tá tu kúni un ta sikuaꞌa nde uni veꞌe ita vali, iin ya koo yóꞌo̱ ta iin ya koo ra Moisés inka ya koo ra Elías ―káchi ra xiꞌin ra.

San Mateo 23:7

Saa kútoo nda ya ná kaꞌan toꞌo naꞌa xiꞌin nda tá kuaꞌan nda nuu yaꞌvi, ta kútoo nda kaꞌan na xiꞌin nda “Maestro”.

San Mateo 23:8

’Sundi ndóꞌo̱ ta ïkan ndo saa, täxi ndo kaꞌan naꞌa xiꞌin ndo “maestro”, saa chi iindaa Cristo ku maestro nuu ndo, ta ndiꞌi ndo ta iin káchi íin ndo nuu taꞌan ndo.

San Marcos 9:4

Saa xi̱ni nda ndi̱tuvi ra Elías xiꞌin ra Moisés, káꞌan nda xiꞌin Jesús.

San Marcos 9:6

Ndi̱kaꞌan ra saa xiꞌin Jesús chi ndi̱ndiꞌvi ni nda, xaꞌa ya ikán kua ni köo ndi̱kundaa ini ra unkua kaꞌan ra xiꞌin ra.

San Lucas 9:33

Ñaa nda̱ñuꞌu nda ikán kuaꞌan nda, ta saa ndi̱kaꞌan ra Pedro xiꞌin Jesús, káchi ra saa: ―Tata Maestro, vaꞌa ni ku̱u ndóo nde xiꞌin un. Ta sikuaꞌa nde uni veꞌe vixin vali, iin ya koo yóꞌo̱, ta iin ya koo ra Moisés, inka ya koo ra Elías ―káchi ra Pedro xiꞌin ra. Ta köo ndi̱kundaa ini ra ndá xaꞌa kua ndi̱kaꞌan ra saa xiꞌin Jesús.

San Juan 4:31

Ta nda ítaꞌan xiꞌin ra, ndinuni loꞌo káꞌan nda xiꞌin ra, káchi nda saa: ―Rabí, kuxi loꞌo un ―káchi nda xiꞌin ra.

Filipenses 1:23

Ni köo xíni i unkua vaꞌa ikan i, ¿án vaꞌa ka ya kuvi i, án vaꞌa ka ya kutaku i? Sundi ya ndíkani ini i kua: vaꞌa ni ka kua ná kuvi i, túvi i, chi koo i xiꞌin Cristo.

1 Juan 3:2

Ñani mani, vitin ta xa seꞌe Ndioxi kúu yoo, ta köo xíni yo ndá kuꞌva nduu yo kivi ná ndiko koo tuku Tata yo Jesucristo ñuu ivi yóꞌó. Sundi yoo ta kúndaa ini yo, kivi ná ndiko koo ra ta nduu yo tá kuꞌva káa mií ra, saa chi kivi ikán ta kuni xiꞌin nuu yo ra tá kuꞌva káa ra.