San Marcos 9:47 - Xochapa Mixteco

⁴⁷ Tá tu nduchi nuu va tu ndo kua xáa kíꞌvi xiꞌin ndo ya íkan ndo ya väꞌa, ta vaꞌa ka tava ndo ri nuu ndo, chi vaꞌa ka koo ndo kutaku ndo xiꞌin Ndioxi nuu xáꞌnda chiñu ra. Süvi ka vi ya íyo uvi saa nduchi nuu ndo, ta kuꞌun ndo ndaya nuu köo ndáꞌva ñu̱ꞌu̱.

San Marcos 9:47 ပူးပေါင်းရင်းမြစ်များ

San Mateo 18:9

Tá tu iin nduchi nuu ndo kua chíndaꞌa ndóꞌo̱ ndikava ndo nuu ya väꞌa, ta vaꞌa ka tava ndo ya sikana xika ndo. Kuchiñu ka ndo koo ndo xiꞌin Ndioxi tá tu köo iin nduchi nuu ndo, süvi ka vi ya íyo uvi saa ya, ta kuꞌun ndo xiꞌin ya ndaya ―káchi Jesús.

San Mateo 5:22

Ta vitin káꞌan yeꞌe xiꞌin ndo, tá ndá ndóꞌo̱ sáa ni ini xíni ndo ñani ndo, ta ndóꞌo̱ ta ìyo ni kixi tindoꞌo nuu ndo. Tá ndá ndóꞌo̱ káꞌan xiꞌin ñani ndo, ra kíꞌvi ku ra káchi ndo, ta ndóꞌo̱ ndíso ndo kuachi nuu na chiñu naꞌnu ni. Tá ndá ndóꞌo̱ távi chiꞌña ñani ndo, ta ìyo ni kuꞌun ndo ndaya nuu xíxi ñu̱ꞌu̱ xaꞌa ya káꞌan ndo saa.

San Marcos 9:43

Saa ndi̱kaꞌan ka ra xiꞌin nda káchi ra saa: ―Saa tu ndóꞌo̱ va, tá tu ndaꞌa ndo kua xáa kíꞌvi xiꞌin ndo, ya íkan ndo ya väꞌa, ta vaꞌa ka kaꞌnda ndo ya chi vaꞌa ka koo ndo kutaku ndo xiꞌin Ndioxi tá tu íyo iindaa ndaꞌa ndo, süvi ka vi ya íyo uvi saa ya, ta kuꞌun ndo ndaya nuu köo ndáꞌva ñu̱ꞌu̱,

San Marcos 9:46

Chi ni kiti tikuxi ta köo xíꞌi ri, ni ñu̱ꞌu̱ ta köo ndáꞌva ya ndaya ikán.

San Lucas 14:26

―Tá tu ndá ndóꞌo̱ kúni kundikun yeꞌe, ta xíniñuꞌu ni ka ndo kuꞌvi ini ndo kuni ndo yeꞌe nuu tata ndo xiꞌin siꞌí ndo tin yá síꞌi ndo xiꞌin seꞌe ndo, saa tu ñani va ndo xiꞌin kuꞌva ndo. Nda ni mií ndo ta xíniñuꞌu ndo koo ndúvi ndo ndoꞌo ndo xaꞌa i. Tá tu köo xáꞌa ndee ini ndo ikan ndo ya yóꞌó, ta küvi kundikun ndo yeꞌe.

San Juan 3:3

Saa ndi̱kuiin Jesús káꞌan ra: ―Ya ndaa ni káꞌan i xiꞌin un, ndiꞌi na täꞌan kaku uvi, ta küchiñu na kiꞌvi na nuu xáꞌnda chiñu Ndioxi ―káchi Jesús xiꞌin ra.

San Juan 3:5

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin un, ndiꞌi na täꞌan kaku xiꞌin tikuii ni xiꞌin Tachi I̱í Ndioxi ta küchiñu na kiꞌvi na koo na nuu xáꞌnda chiñu Ndioxi.

Gálatas 4:15

Ta ndee ni va vaꞌa ku̱sini ndo xi̱ni ndo yeꞌe, ta ¿mií chí ki̱ndoo ya i̱kan ndo saa xiꞌin i? Chi tiempo ikán ta nda nduchi nuu va ndo ku̱ni ndo tava ndo taxi ndo ndaꞌi tá ya ndíkuvi kua.