San Marcos 9:43 - Xochapa Mixteco

⁴³ Saa ndi̱kaꞌan ka ra xiꞌin nda káchi ra saa: ―Saa tu ndóꞌo̱ va, tá tu ndaꞌa ndo kua xáa kíꞌvi xiꞌin ndo, ya íkan ndo ya väꞌa, ta vaꞌa ka kaꞌnda ndo ya chi vaꞌa ka koo ndo kutaku ndo xiꞌin Ndioxi tá tu íyo iindaa ndaꞌa ndo, süvi ka vi ya íyo uvi saa ya, ta kuꞌun ndo ndaya nuu köo ndáꞌva ñu̱ꞌu̱,

San Marcos 9:43 ပူးပေါင်းရင်းမြစ်များ

San Mateo 17:27

Ni saa va íyo ya, ta ya ná sïsaa yo nda ndíkaya xuꞌun, ta vaꞌa kuaꞌan yuꞌu nduta ñûꞌu chikaa un iꞌva ya tíin kàà chikiꞌi yuꞌu. Tá ka̱kuꞌun iin tiaka saa kuna un yuꞌu ri, ta ikán nditaꞌan un xuꞌun ndíkaa ya yuꞌu ri. Nani ya ikán chaꞌvi un nuu i xiꞌin nuu mií un ―káchi Jesús xiꞌin ra Pedro.

San Mateo 25:41

Sindiꞌi saa kaꞌan i xiꞌin naꞌa, na väꞌa, na ndóo ñaꞌñu ítín i, kachi i saa: “¡Kuátaꞌa ndo nuu i, ndóꞌo̱ ndi̱tavi chiꞌña ku ndo! Kuáꞌan ndo ndaya, nuu xíxi ñu̱ꞌu̱ ndiꞌi saa kivi ta köo ndáꞌva ya. Chi ikán ku nuu ndi̱kuaꞌa kuꞌun kiti nǎꞌa xiꞌin ndiꞌi tachi nduvaꞌa ndikun ñaꞌa.

San Mateo 3:12

Ta xa íyo tuꞌva ra kixi ra, tá ná kixi ra, ta ikan ra tá íkan na ndítivi nuni. Chívaꞌa na nuni ini yaka na, ta táan na xeꞌe xíxi ya. Kuꞌva saa íyo nduvi ra ikán, ikan ra xiꞌin naꞌa kuꞌun na koko na nuu xíxi ñu̱ꞌu̱.

San Mateo 5:22

Ta vitin káꞌan yeꞌe xiꞌin ndo, tá ndá ndóꞌo̱ sáa ni ini xíni ndo ñani ndo, ta ndóꞌo̱ ta ìyo ni kixi tindoꞌo nuu ndo. Tá ndá ndóꞌo̱ káꞌan xiꞌin ñani ndo, ra kíꞌvi ku ra káchi ndo, ta ndóꞌo̱ ndíso ndo kuachi nuu na chiñu naꞌnu ni. Tá ndá ndóꞌo̱ távi chiꞌña ñani ndo, ta ìyo ni kuꞌun ndo ndaya nuu xíxi ñu̱ꞌu̱ xaꞌa ya káꞌan ndo saa.

San Marcos 9:44

chi ni kiti tikuxi ta köo xíꞌi ri, ni ñu̱ꞌu̱ ta köo ndáꞌva ya ndaya ikán.

San Lucas 14:13

Vaꞌa ka tá íkan un viko veꞌe un, ta kuáꞌan kana un na ndaꞌvi, na köo ndaꞌa, na küvi kaka xiꞌin na kuáa̱.

San Lucas 14:21

Saa ndi̱ko koo ra moso ikán veꞌe ndi̱tuꞌun ndiꞌi ra xiꞌin xitoꞌo ra unkua ndi̱kaꞌan na xiꞌin ra. Ñaa ndi̱saa ni xitoꞌo ra, ndi̱kuiin ra káchi ra saa: “Ná koo na saa tá tu köo kúni na kixi na. Kuáꞌan ndiꞌi ni kúu ichí naꞌnu tin ichí vali, ndikuiso ndiꞌi un na ndaꞌvi, na köo ndaꞌa xiꞌin na küvi kaka xiꞌin na kuáa̱. Na ñaa kundaka un kixi xiꞌin un”, káchi ra xiꞌin moso ra.

San Lucas 3:17

Ta xa íyo ndúvi ra xiꞌin ñaꞌa ya nditivi ra trigo ra chivaꞌa ra ya nuu ndúvaꞌa ñaꞌa ra, ta taan ra xeꞌe ya kee ya koko ya nuu ndee ni xíxi ñu̱ꞌu̱ nduvi niuun, ta ni köo ndáꞌva ya ―káchi ra Juan xiꞌin na.

ROMANOS 8:13

Saa chi tá íkan yo ya kúni kuñu yo, ta saa kua ku̱aꞌan yo ichí nuu ndíꞌi xaꞌa yo, kuvi yo. Ta saa ni, tá xiꞌin ndee Tachi Ndioxi síndiꞌi xaꞌa yo ya väꞌa, ya kúni ikin kuñu yo, ta saa kua ndixa kutaku yo nuu Ndioxi.

1 Corintios 9:27

Sundi yeꞌe, ta síndoꞌo ni va i ikin kuñu i, saa xáa nduxa i xiꞌin ya ná kandixa ya yeꞌe. Saa xáꞌa ni i ndee xiꞌin mií i ya xaa súvi ni i ya kúni ra, koto ka ndïkiꞌin i ya vaꞌa taxi Ndioxi ndaꞌa i nuu ndivi, vani ra ndi̱kaꞌan ndoso tuꞌun ra ndi̱xiyo i.

Gálatas 5:24

Ta saa ndiꞌi yo íyo xiꞌin Jesucristo xaꞌa ya ndi̱xiꞌi ra nuu cruzin xaꞌa yo, ta saa iin káchi ndi̱xiꞌi tu ikin kuñu yoo va xiꞌin ndiꞌi ñaꞌa väꞌa ya ndee ni ku̱too ikin kuñu yo xaa súvi ya yachi.

Colosenses 3:5

Ta vitin köo ka ndo tá kuꞌva ndi̱xiyo ndo yachi. Vaꞌa sindiꞌi xaꞌa ndo ya chíndaꞌa ndóꞌo̱ ikan ndo ya väꞌa, tá kúu nda taa ta küvi kiꞌvi nda xiꞌin inka ñaꞌa tá tu süvi yá síꞌi nda ku yá, ni ná síꞌi ta ná kïꞌvi ná xiꞌin inka taa tá tu süvi i̱í ná ku nda, ta saa küni ndo ikan ndo ndá ka ñaꞌa ya väꞌa, kütoo ni ndo ndikani ini ndo xaꞌa ya väꞌa, ta ni kütoo ni ndo koo kuaꞌa ni ñaꞌa ndo, chi tá íkan ndo saa, ta tá íin naꞌa, na xáa kaꞌnu ndioxi ndíi, saa íin ndo.

Tito 2:12

Xaꞌa ya kúꞌvi ni ini Ndioxi xíni ra yoo kua sínaꞌa ra nuu yo ya xíniñuꞌu yo sindoo yo ndiꞌi taꞌan ya väꞌa íyo ñuu ivi yóꞌó, ta ná ndïkani ini yo ikan yo ndá ka ya väꞌa, saa ná koo káxin ni ini yo, ta ndaa ni ná koo ini yo, i̱í ná koo yo nuu ra.

HEBREOS 12:1

Ta xa xíni yo yáꞌa ni kuaꞌa ku naꞌa, na xi̱ndaa ni ini xi̱ni Ndioxi. Ta saa ná ikan yoo tá kuꞌva i̱kan na ikán. Ta ná xaꞌa ni ka yo ndee xiꞌin mií yo, ndinuꞌu ni ini yo ná kaka yo ichí Iva yo Ndioxi, ta saa ná sindoo ndiꞌi yo ya sási nuu yo, xiꞌin ya väꞌa ya síkoyo yoo nuu kuachi.

1 Pedro 2:1

Xaꞌa ya ñaa kua sindikoo ndo ya väꞌa íkan ndo, sïndaꞌvi taꞌan ka ndo, köo ka ndo na uvi ini, ta ni kûni ini ndo kuni taꞌan ndo, ni käꞌan vata ka ndo xaꞌa taꞌan ndo.