San Marcos 9:32 - Xochapa Mixteco

³² Ta ni köo ndi̱kundaa ini nda xaꞌa ya káꞌan ra xiꞌin nda, ta saa köo ndi̱ndakan tuꞌun nda ra chi íꞌvi nda ndakan tuꞌun nda unkua kúni kachi ya ndi̱kaꞌan ra xiꞌin nda.

San Marcos 9:32 ပူးပေါင်းရင်းမြစ်များ

San Marcos 16:14

Tá sindiꞌi ta ndi̱tuvi ra nuu uxi iin saa nda, tá ndóo nda xíxi nda nuu mesa. Ta saa ndi̱ndaꞌi ra xiꞌin nda xaꞌa ya tuun nima nda, ya köo ndi̱xiin nda kandixa nda ya ndi̱kaꞌan na taꞌan nda xiꞌin nda ya ndi̱taku ra.

San Marcos 7:18

Saa ndi̱kuiin ra, káꞌan ra: ―¿Án ndóꞌo̱ köo ndi̱kundaa ini ku tu ndóꞌo̱ va? ¿Án köo xíni ndo ndiꞌi ya kuakee yuꞌu na ivi ta küvi ndasa väꞌa ya na nduyakua na nuu Ndioxi?

San Marcos 8:33

Saa ndi̱ko koo Jesús ta ndi̱koto ra nuu ndiꞌi nda ítaꞌan xiꞌin ra. Nuu ndiꞌi nda ikán ndi̱ndaꞌi ra xiꞌin ra Pedro, káchi ra saa: ―¡Timiaꞌan, kuataꞌa nuu i! Chi yóꞌo̱ ta köo ndíkani ini un tá kuꞌva ndíkani ini Ndioxi, tá kuꞌva ndíkani ini na ivi yóꞌó va ndíkani ini un ―káchi Jesús xiꞌin ra.

San Marcos 9:10

Xaꞌa ya ikán kua köo ndi̱tuꞌun nda xiꞌin nda iin naꞌa, sundi ndákan tuꞌun taꞌan mií nda chi köo ndi̱kundaa ini nda xaꞌa ya ndi̱kaꞌan ra ya nditaku ra tañu na ndíi.

San Lucas 18:34

Ta ni köo ndi̱kundaa ini nda unkua kúni kaꞌan ya ndi̱kaꞌan ra xiꞌin nda, ni köo ndi̱kiꞌin xiní nda xiꞌin ya chi ndi̱xiyo sêꞌe ya nuu nda.

San Lucas 2:50

Ta ni köo ndi̱kundaa ini na unkua kúni kachi ya ndi̱kaꞌan ra xiꞌin na.

San Lucas 24:45

Saa ta̱xi ra ndi̱xuna ya xínituni na, ya kuchiñu kundaa ini na xaꞌa tuꞌun Ndioxi.

San Lucas 9:45

Ta ni köo ndi̱kundaa ini nda xiꞌin tuꞌun ikán, chi xi̱ndasi va ya xínituni nda yakan köo ndíkundaa ini nda xiꞌin ya. Ta ni köo ndi̱xaꞌa ndee ini nda ndakan tuꞌun ñaꞌa nda unkua kúni kachi ya ndi̱kaꞌan ra xiꞌin nda.

San Juan 12:16

Ta nda ítaꞌan xiꞌin ra, ta köo ndi̱kundaa ini nda ya káꞌan tuꞌun ikán. Tá sindiꞌi nda̱a ra kuaꞌan ra nuu ndivi saa vi kua ndi̱kaꞌán ini nda ya ndo̱ꞌo ra, ta xa yachi vi íyo ya xaꞌa ra ya saa kundoꞌo ra káꞌan tuꞌun Ndioxi.

San Juan 16:19

Saa ku̱ndaa ini Jesús ya kúni ndakan tuꞌun ñaꞌa nda ítaꞌan xiꞌin ra. Saa ndi̱kaꞌan ra xiꞌin nda, káchi ra saa: ―¿Án kúni ndo kundaa ini ndo xaꞌa tuꞌun ya ndi̱kaꞌan i xiꞌin ndo: Siloꞌo kivi ta küni ka ndo yeꞌe ta sindiꞌi saa kuni tuku ndo yeꞌe?, káchi i. ¿Án xaꞌa ya ndi̱kaꞌan i xiꞌin ndo ndákan tuꞌun taꞌan ndo xaꞌa?

San Juan 4:27

Saa káꞌan na xiꞌin taꞌan na ta xa̱a va nda ítaꞌan xiꞌin ra. Ta ndi̱kanda ni ini nda xíto nda nuu ra xaꞌa ya káꞌan ra xiꞌin iin ñaꞌa, ta nda iin nda köo ndi̱ndakan tuꞌun ñaꞌa unkua kúni ra án ndá xaꞌa kua káꞌan ra xiꞌin yá.