San Marcos 9:29 - Xochapa Mixteco

²⁹ Saa ndi̱kaꞌan ra xiꞌin nda, káchi ra saa: ―Taꞌan tachi nduvaꞌa kúu mií ra loꞌo ikán, ta xíniñuꞌu ni ndo kaꞌan ndo xiꞌin Ndioxi tin kuxi suꞌun ndo saa kuchiñu ndo tava ndo ya ―káchi ra xiꞌin nda.

San Marcos 9:29 ပူးပေါင်းရင်းမြစ်များ

San Mateo 12:45

Saa kuaꞌan tachi nduvaꞌa ikán ndúku ka ya tachi nduvaꞌa, ñaa ndítaꞌan ya uxa nuu tachi nduvaꞌa, ya kini ni ka nuu mií ya, ñaa ndíko koo tuku ya xiꞌin uxa mií tachi nduvaꞌa ikán, saa kuandee ndiꞌi ya ini na íyo ya xiꞌin na. Ta na ikán ndee ni ka ndóꞌo na, chi tá núnu̱ú ta iindaa va tachi nduvaꞌa ku̱u mií na. Saa kundoꞌo ndóꞌo̱ ñuu ivi yóꞌó, tá tu köo xíin ndo kuni soꞌo ndo tuꞌun i ―káchi Jesús xiꞌin na.

San Mateo 17:20

Saa ndi̱kaꞌan ra xiꞌin nda, káchi ra saa: ―Köo kándixa ndo Ndioxi yakan köo ndi̱kuchiñu ndo tava ndo ya. Saa chi vani loꞌo ni kándixa ndo ra án nda tá káa iin ndikin loꞌo mostaza kuꞌva saa kándixa ndo ra, ta kuchiñu ndo kaꞌan ndo xiꞌin iku yóꞌó ya kutaꞌa ya, ta xaa súvi ya tuꞌun káꞌan ndo xiꞌin ya, kutaꞌa ya. Saa chi tá kándixa ndo Ndioxi, vani loꞌo ni kándixa ñaꞌa ndo, ta kuchiñu ndo xaa súvi ndiꞌi ndo ya, chi nda iin ñaꞌa köo uꞌvi tá kándixa ndo ra.

San Mateo 17:21

Saa chi tachi nduvaꞌa taꞌan ya yóꞌó, ta xíniñuꞌu ndo kaꞌan ni ndo xiꞌin Ndioxi tin kuxi suꞌun ndo, saa kuchiñu ndo tava ndo ya ―káchi Jesús xiꞌin nda.

San Marcos 9:28

Sindiꞌi saa ndi̱kiꞌvi Jesús ini veꞌe xiꞌin nda ítaꞌan xiꞌin ra, saa ndi̱ndakan tuꞌun sěꞌe ñaꞌa nda, káchi nda saa: ―¿Ndachu köo ndi̱kuchiñu ndeꞌe tava nde tachi nduvaꞌa ikán? ―káchi nda xiꞌin ra.

San Marcos 9:30

Saa tá ke̱e nda ñaꞌñu ikán kuaꞌan nda, ta ndi̱yaꞌa nda chí Galilea, ta köo ndi̱xiin Jesús ya kundaa ini naꞌa mií chí kuaꞌan ra.

San Lucas 11:26

Ñaa kuaꞌan ya ndúku ya uxa ka nuu tachi nduvaꞌa ya kini vaꞌa ka. Saa kuakiꞌvi ndiꞌi ya íyo ya xiꞌin na. Ta saa kua ndixa ni ka tíxuꞌvi na íkan ya, saa chi ya núnu̱ú ta iindaa va ku ya ndi̱xiyo xiꞌin na ta sindiꞌi kuaꞌa ni kua yakan tíxuꞌvi ni na íkan ya ―káchi Jesús.

Los Hechos 14:23

Ta iin iin ñuu nuu ndi̱yaꞌa ra Pablo xiꞌin ra Bernabé ta xi̱xi suꞌun nda saa ndi̱kaꞌan ni nda xiꞌin Ndioxi xaꞌa na xikuaꞌa ndi̱kaxin nda ya kundaa chiñu na xiꞌin na ndíkun Jesús. Ñaa ndi̱kaꞌan nda xaꞌa na xikuaꞌa ikán xiꞌin Iva yo, ra chee, ra káñuꞌu na.

1 Corintios 9:27

Sundi yeꞌe, ta síndoꞌo ni va i ikin kuñu i, saa xáa nduxa i xiꞌin ya ná kandixa ya yeꞌe. Saa xáꞌa ni i ndee xiꞌin mií i ya xaa súvi ni i ya kúni ra, koto ka ndïkiꞌin i ya vaꞌa taxi Ndioxi ndaꞌa i nuu ndivi, vani ra ndi̱kaꞌan ndoso tuꞌun ra ndi̱xiyo i.

2 Corintios 11:27

Ndee ni ndee xa̱a chiñu i nda ku̱naa ni i, kuaꞌa ni ñǔu ndi̱xiꞌi i maꞌna, ndo̱ꞌo ni ini i, ta sava ichí kúni kuxi ni i saa ndi̱ndichi ni i tikuii, ta sava ichí ndee ni vixin xíꞌi i, ta ni köo toto kundixi i.

2 Corintios 12:8

Ta xa uni ichí ndi̱xikan ni i ya mani nuu Tata yo Jesucristo ya ná sindaꞌa ra yeꞌe xiꞌin kueꞌe ndóꞌo i.

2 Corintios 6:5

Ta sava ichí káni ni naꞌa ndeꞌe, táan na ndeꞌe veꞌe kàà xaꞌa tuꞌun ra. Sava naꞌa síkitaꞌan na naꞌa ya kani taꞌan na xiꞌin nde. Ndee ni ndee xáa chiñu nde, sava ichí ta ni köo kíxi nde, ni köo xíxi nde.

Efesios 6:18

Ta xïkuiin ndo, kaꞌan ni ndo xiꞌin Ndioxi ndiꞌi saa ichí ya ná chindee taꞌan Tachi I̱í ra xiꞌin ndo. Koo ndúvi ni ndo, ta ndïkava ini ndo, kaꞌan ni ndo xiꞌin Ndioxi xaꞌa ndiꞌi na ñuu Ndioxi, na i̱í.

Santiago 5:15

Tá ndáa ni ini mií na xikuaꞌa ikán Ndioxi ta sinduvaꞌa ra mií na kúꞌvi, nduvaꞌa na. Saa tá ndá ya väꞌa i̱kan na ta xaa kaꞌnu ini Ndioxi xaꞌa kuachi na.