San Marcos 9:25 - Xochapa Mixteco

²⁵ Ñaa xi̱ni Jesús xa̱á ndíkutu kuaꞌa ka naꞌa, saa ndi̱ndaꞌi ra nuu tachi nduvaꞌa ikán, káchi ra saa: ―Yóꞌo̱ tachi nduvaꞌa xa̱a soꞌo ra yóꞌó tin xa̱a meꞌme un ra, yeꞌe xáꞌnda chiñu nuu un, keta kuaꞌan un, ta saña un ra loꞌo yóꞌó, ndïko koo ka un tiin ñaꞌa un ―káchi ra xiꞌin ya.

San Marcos 9:25 ပူးပေါင်းရင်းမြစ်များ

San Mateo 12:22

Saa ndáka na iin ra kuáa̱ ta meꞌme tuku ra xaꞌa ya kúu mií ra tachi nduvaꞌa. Yakan ndáka na ra kuaꞌan ra xiꞌin na nuu Jesús. Saa si̱ndaꞌa Jesús ra, ndi̱koto vaꞌa ra tin xa̱á vaꞌa káꞌan ra.

San Mateo 17:18

Saa xa̱ꞌnda Jesús chiñu nuu tachi nduvaꞌa ikán, ndi̱kaꞌan ra xiꞌin ya keta ya kuꞌun ya. Saa ke̱ta ya kuaꞌan ya, ta ndikun ndu̱vaꞌa ra loꞌo ikán mí hora ikán.

San Marcos 9:15

Ñaa tá xi̱ni ndiꞌi na ikán ndi̱xaa Jesús, ta iin ndi̱kanda ini na, saa ka̱na koo na xínu na ndi̱xaa na chi̱ndee ñaꞌa na.

San Marcos 9:24

Saa iin ndi̱ndaꞌi koꞌo mií iva ra loꞌo ikán káꞌan ra: ―Kándixa va i, tata, ta chindee ka un yeꞌe ná kandixa ka i ―káchi ra.

San Marcos 9:26

Saa iin ndi̱ndaꞌi koꞌo ya, ñaa xa̱ꞌni toꞌo tuku ñaꞌa ya, nda tá káa ra ndi̱xiꞌi saa ndu̱u ra, saa si̱ndoo ñaꞌa ya, ta ke̱e ya kuaꞌan ya. Ta kuaꞌa ka vi na káꞌan xaꞌa ra: ndi̱xiꞌi vaꞌa ra, káchi na.

San Lucas 11:14

Iin kivi táva Jesús tachi nduvaꞌa ya kúu mií iin ra meꞌme. Saa tá ke̱e soꞌva ya ta ndikun xáa̱ vaꞌa káꞌan ra. Ñaa ndi̱kanda ni ini naꞌa tá xi̱ni na xaá vaꞌa káꞌan ra.

San Lucas 4:35

Ta saa ndi̱ndaꞌi ra xiꞌin ri, kachi ra saa: ―Kasi yuꞌu un, ta saña ra, tïin ka un ra ―káchi Jesús xiꞌin ri. Ñaa chi̱ndaꞌa ri ra ndi̱kava ra nda nuu ñuꞌú. Ta saa ke̱e tachi nduvaꞌa kuaꞌan ya, nda iin ka ya köo ndi̱ndoꞌo ra.

San Lucas 4:41

Ta kuaꞌa ni na kúu mií tachi nduvaꞌa ta̱va ra ya kúu mií na ndi̱ndaꞌi koꞌo ya, káchi ya saa: ―¡Yóꞌo̱ ku Seꞌe Ndioxi! ―káchi ya xiꞌin ra. Ta xa̱ꞌnda Jesús chiñu nuu ya ná kutaxin yuꞌu ya, köo ndi̱taxi ra kaꞌan ya, saa chi xíni ya, ya ti̱ꞌvi Ndioxi ra vaxi ra ñuu ivi yóꞌó ya sikaku ra na ivi.

San Lucas 8:29

Saa ndi̱kaꞌan ra ikán, chi Jesús ta xáꞌnda ra chiñu nuu tachi nduvaꞌa ya kee ya kuꞌun ya, chi xa naꞌa ni ichí níꞌi ñaꞌa ya. Ta ka̱tun na ra xiꞌin cadena ta nda iin ya köo ndi̱kan ya xiꞌin ra. Saa chi mií tachi nduvaꞌa ku ya ta̱xi ndee ndaꞌa ra xáꞌnda ra cadena ya kátun ñaꞌa na, ta kuaꞌa ni ichí ndi̱saña ra. Sava ichí xáa nduxa ya xiꞌin ra kuaꞌan ra xiꞌin ya iku yuyu.

San Lucas 9:42

Ñaa ke̱e ra ikán ndi̱xaa yati ra xiꞌin seꞌe ra nuu Jesús, saa iin ki̱ꞌin tuku tachi nduvaꞌa ikán seꞌe ra si̱kana ya nda nuu ñuꞌú, xa̱á kísi niꞌni tuku ñaꞌa ya kúni kuvi ndiuu tuku ra ikan ya. Ta saa xa̱ꞌnda chiñu Jesús nuu ya ya ná saña ñaꞌa ya. Ta sa̱ña ya ra. Ñaa ndikun ndu̱vaꞌa ra, saa ta̱xi Jesús ra ndaꞌa iva ra.

Los Hechos 16:18

Kuaꞌa ka kivi íkan yá saa xiꞌin nde. Ñaa xa̱á sáa ra Pablo xiꞌin yá ta ndi̱ko koo ra ndi̱kaꞌan ra xiꞌin tachi nduvaꞌa kúu mií yá, káchi ra saa: ―Xiꞌin ndee Jesucristo xáꞌnda chiñu i nuu un, vaꞌa keta kuaꞌan ―káchi ra xiꞌin ya. Ta saa ndikun si̱ndoo ñaꞌa ya.

Judas 1:9

Ni mií tatun Ndioxi ya núnu̱ú ya ndee ni ndee kúu mií ya Miguel ya xáꞌnda chiñu nuu kuaꞌa ni tatun Ndioxi, ta köo ndi̱xaꞌa ndee ini ya tavi chiꞌña ya kiti nǎꞌa tá kivi ka̱nitaꞌan ya xiꞌin ri xaꞌa ikin kuñu ra Moisés. Ta ya ndi̱kaꞌan ya xiꞌin ri kua ka̱chi ya saa: “Mií Iva i Ndioxi ná xaa nduvaꞌa ni xiꞌin un”, ka̱chi ya xiꞌin ri.