San Marcos 9:23 - Xochapa Mixteco23 Saa ndi̱kaꞌan Jesús xiꞌin ra, káchi ra saa: ―¿Ndachu káꞌan un án kuchiñu i? ¿Án kuchiñu un kandixa un Ndioxi? Ndiꞌi va ya kuchiñu ikan Ndioxi xiꞌin na kándixa ñaꞌa ―káchi Jesús xiꞌin ra. အခန်းကိုကြည့်ပါ။ |
Saa ndi̱kaꞌan ra xiꞌin nda, káchi ra saa: ―Köo kándixa ndo Ndioxi yakan köo ndi̱kuchiñu ndo tava ndo ya. Saa chi vani loꞌo ni kándixa ndo ra án nda tá káa iin ndikin loꞌo mostaza kuꞌva saa kándixa ndo ra, ta kuchiñu ndo kaꞌan ndo xiꞌin iku yóꞌó ya kutaꞌa ya, ta xaa súvi ya tuꞌun káꞌan ndo xiꞌin ya, kutaꞌa ya. Saa chi tá kándixa ndo Ndioxi, vani loꞌo ni kándixa ñaꞌa ndo, ta kuchiñu ndo xaa súvi ndiꞌi ndo ya, chi nda iin ñaꞌa köo uꞌvi tá kándixa ndo ra.
Saa ndi̱kuiin Tata yo Jesús káchi ra saa: ―Tá ndáa ni ini ndo xíni ndo Ndioxi, vani loꞌo paꞌa tíin tá káa ndikin siꞌva mostaza saa ndáa ini ndo ra. Ta saa vaꞌa kaꞌan ndo xiꞌin itun sicómoro, vani kúnu ni ndíkaa tioꞌo nu ta keta nu kuꞌun nu ndikaa nu ini nduta ñûꞌu chi kuni soꞌo nu tuꞌun káꞌan ndo ―káchi Jesús xiꞌin nda.