San Marcos 9:22 - Xochapa Mixteco

²² Kuaꞌa ka vi ichí chíkaa ñaꞌa ya nuu ñu̱ꞌu̱ xiꞌin ini tikuii ya kaꞌni ñaꞌa ya. Yakan kua káꞌan i xiꞌin un, án kuchiñu ikán loꞌo un ya mani sindaꞌa un ra, kundaꞌvi ini un kuni un ndeꞌe, chindee loꞌo un ndeꞌe, ndaꞌvi nde ―káchi ra xiꞌin Jesús.

San Marcos 9:22 ပူးပေါင်းရင်းမြစ်များ

San Mateo 14:31

Saa ndi̱xaa Jesús si̱kaa ndaꞌa ra nuu ra Pedro, ñaa ti̱in ra ndaꞌa ra, saa ndi̱kaꞌan ra xiꞌin ra, káchi ra saa: ―¿Ndachu ndaku ni ini un, köo xíin un kandixa un yeꞌe? ¡Ndá xaꞌa kua ndi̱xika uvi ini un! ―káchi Jesús xiꞌin ra.

San Mateo 17:15

―¡Tata, kundaꞌvi ini un kuni un seꞌe i, ta chindee un ra! Ndee ni ndee ndóꞌo ra, xáꞌni too ya ra. Tá xáa ya xáꞌni too ñaꞌa ya, ta chíkaa ya ra ini tikuii án nuu ñu̱ꞌu̱.

San Mateo 20:34

Saa ku̱ndaꞌvi ini Jesús xi̱ni ñaꞌa ra, ñaa ti̱in ndaa ra nduchi nuu nda. Ta ndikun ndu̱vaꞌa nduchi nuu nda, ndi̱koto vaꞌa nda, ta saa ndi̱kundikun nda sata ra, kuaꞌan nda.

San Mateo 8:2

Saa ku̱yati iin taa kúu mií kueꞌe táꞌi ñii, si̱kusiti ra nuu ra, saa xa̱á ra káꞌan ra xiꞌin ra, káchi ra saa: ―Tata, tá kúni un ta vaꞌa sindaꞌa un yeꞌe xaꞌa kueꞌe ya ndóꞌo i ―káchi ra xiꞌin Jesús.

San Mateo 9:28

Saa tá ndi̱kiꞌvi Jesús ini veꞌe ta ndi̱xaa uvi saa nda kuáa̱ nuu ra, saa ndi̱kaꞌan ra xiꞌin nda, káchi ra saa: ―¿Án kándixa ndo yeꞌe kuchiñu i sindaꞌa i ndóꞌo̱? ―Uun, kándixa va nde yóꞌo̱, Tata ―káchi uvi saa nda xiꞌin ra.

San Marcos 5:19

Ta köo ndi̱xiin Jesús taxi ra kuꞌun ra xiꞌin ra, saa ndi̱kaꞌan ra xiꞌin ra, káchi ra saa: ―Vaꞌa ndiko koo kuanuꞌu veꞌe un, ndituꞌun un xiꞌin na veꞌe un tin na taꞌan un ná kundaa ini na ndá kuꞌva ku̱ndaꞌvi ini Ndioxi xi̱ni ra yóꞌo̱ ―káchi Jesús xiꞌin ra.

San Marcos 9:21

Saa ndi̱ndakan tuꞌun Jesús iva ra loꞌo ikán, káchi ra saa: ―¿Maa vi kua xa̱á ndóꞌo ra saa? ―káchi ra xiꞌin ra. Saa ndi̱kuiin iva ra káꞌan ra: ―Tá loꞌo vi ra xa̱á ndóꞌo ra saa.

San Marcos 9:23

Saa ndi̱kaꞌan Jesús xiꞌin ra, káchi ra saa: ―¿Ndachu káꞌan un án kuchiñu i? ¿Án kuchiñu un kandixa un Ndioxi? Ndiꞌi va ya kuchiñu ikan Ndioxi xiꞌin na kándixa ñaꞌa ―káchi Jesús xiꞌin ra.

San Lucas 7:13

Ta saa ndi̱taꞌvi ni ini ra xi̱ni ra yá. Ñaa ndi̱kaꞌan ra xiꞌin yá káchi ra saa: ―Nana, kuäku un xaꞌa seꞌe un ―káchi ra xiꞌin yá.