San Marcos 9:19 - Xochapa Mixteco

¹⁹ Saa ndi̱kuiin ra, káꞌan ra xiꞌin nda: ―¿Ndachu tuun ni nima ndo köo kándixa ndo? ¿Án nda iin ya köo kúchiñu ndo ikán mií ndo? ¿Án ndiꞌi saa ichí koo i xiꞌin ndo káꞌan ndo? Taxi ndo ra loꞌo ñaa ná kixi ra chichoꞌo ―káchi ra xiꞌin nda.

San Marcos 9:19 ပူးပေါင်းရင်းမြစ်များ

San Mateo 17:17

Saa ndi̱kuiin Jesús ndi̱kaꞌan ra: ―¡Ndachu tuun ni ini ndo, köo xíin ndo kandixa ndo Ndioxi! ¿Án ndiꞌi saa vi kivi koo i xiꞌin ndo, kaꞌán ndo? ¡Ni kündee ka ini i xiꞌin ndo! ¡Vaꞌa! ¡Taxi ndo ra loꞌo ñaa ná kixi ra nuu i! ―káchi ra xiꞌin nda.

San Marcos 16:14

Tá sindiꞌi ta ndi̱tuvi ra nuu uxi iin saa nda, tá ndóo nda xíxi nda nuu mesa. Ta saa ndi̱ndaꞌi ra xiꞌin nda xaꞌa ya tuun nima nda, ya köo ndi̱xiin nda kandixa nda ya ndi̱kaꞌan na taꞌan nda xiꞌin nda ya ndi̱taku ra.

San Marcos 9:18

Nda mií nuu íin ra, ta xáa ya tíin ñaꞌa ya, kíꞌin ya ra síkana ya nuu ñuꞌú, ta táva ya chiñu yuꞌu ra, ta síkaꞌi ya nuꞌu ra, ñaa iin ndúu itun ra íkan ya. Xa ndi̱kaꞌan i xiꞌin nda ítaꞌan xiꞌin un ya tava nda ya, ta köo ndi̱kuchiñu nda ―káchi ra xiꞌin Jesús.

San Marcos 9:20

Saa ndi̱kundaka nda ra kuaꞌan ra nuu Jesús. Tá xi̱ni mií tachi nduvaꞌa ikán Jesús, ñaa xa̱ꞌni too tuku ñaꞌa ya, ndi̱kava ra kuaꞌan ra nuu ñuꞌú, ndakua iin ndíkutuvi mií ra, ta kée chiñu yuꞌu ra índuꞌu ra.

San Lucas 24:25

Saa ndi̱kaꞌan ra xiꞌin nda, káchi ra saa: ―¿Ndachu kíꞌvi ni ndo, ta uꞌvi ni kúndaa ini ndo xiꞌin ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa!

San Lucas 9:41

Ta saa ndi̱kuiin Jesús káꞌan ra, káchi ra saa: ―¿Ndá ivi ku ndóꞌo̱? Tuun ni nima ndo chi köo ndáa ini ndo Ndioxi. ¡Kündee ka ini i xiꞌin ndo! ―káchi ra. Ta saa ndi̱kaꞌan ra xiꞌin ra ikán: ―Naꞌa choꞌo xiꞌin seꞌe un ―káchi ra.

San Juan 12:27

Saa ndi̱kaꞌan ka Jesús, káchi ra saa: ―Ta vitin yáꞌa ni ndíꞌi ini i, saa xíka ni ini i unkua nduku i nuu Ndioxi. ¿Án vaꞌa ka kaꞌan i xiꞌin Iva i ya sikaku ra yeꞌe xaꞌa ya kundoꞌo i vitin? Ta küvi kaꞌan i saa xiꞌin ra, chi xaꞌa ya kuvi i kua vaxi i ñuu ivi yóꞌó ―káchi Jesús.

San Juan 20:27

Saa ndi̱kaꞌan ra xiꞌin ra Tomás, káchi ra saa: ―Tuvi nuu ndaꞌa un yóꞌó, ta koto un ndaꞌa i saa taxi un ndaꞌa un tuvi un ya nuu ndi̱kiꞌvi nuu itun íyo kàà nuu, ta köo ka un iin ra köo xíin kandixa, ra kándixa ná nduu un vitin ―káchi Jesús xiꞌin ra.