San Marcos 9:18 - Xochapa Mixteco

¹⁸ Nda mií nuu íin ra, ta xáa ya tíin ñaꞌa ya, kíꞌin ya ra síkana ya nuu ñuꞌú, ta táva ya chiñu yuꞌu ra, ta síkaꞌi ya nuꞌu ra, ñaa iin ndúu itun ra íkan ya. Xa ndi̱kaꞌan i xiꞌin nda ítaꞌan xiꞌin un ya tava nda ya, ta köo ndi̱kuchiñu nda ―káchi ra xiꞌin Jesús.

San Marcos 9:18 ပူးပေါင်းရင်းမြစ်များ

San Mateo 15:22

Ta iin ñaꞌa yá kúu seꞌe sikua na Canaán, süvi yá judío ku yá, ta vitin íyo yá inka ñaꞌñu náni Sirofenicia yati ñuu Tiro xiꞌin Sidón. Saa ndi̱xaa yá nuu Jesús ndee ni ndee ndi̱kaꞌan yá xiꞌin ra, káchi yá saa: ―¡Tata, seꞌe sikua ra David! ¡Kundaꞌvi ini un kuni un yeꞌe, ta chindee un yeꞌe xiꞌin seꞌe i! Ndee ni ndee ndóꞌó seꞌe síꞌi loꞌo i, tachi nduvaꞌa ki̱ꞌin yá ―káchi yá xiꞌin ra.

San Mateo 17:16

Yakan ndáka i ra vaxi xiꞌin i nuu nda ítaꞌan xiꞌin un, ta köo ndi̱kuchiñu nda sindaꞌa nda ra ―káchi ra xiꞌin Jesús.

San Mateo 8:12

Ta na chi̱tuni Ndioxi koo xiꞌin ra nuu xáꞌnda chiñu ra ku na judío, sundi kuaꞌa ni na ikán köo xíin kandixa ñaꞌa. Xaꞌa ya ikán kua kuꞌun na kee na nuu naá ni, ta kuaku ni na xaꞌa ya tixuꞌvi na, saa ndakua ndikaxi nuꞌu na ―káchi Jesús xiꞌin naꞌa.

San Marcos 11:23

Saa chi tá tu ndinuꞌu ni ini ndo ndáa ini ndo xíni ndo ra, ta ná kaꞌan ndo xiꞌin iku yóꞌó, kachi ndo saa: “Kuataꞌa nuu íin un ñaa, ta keta kuáꞌan ini nduta ñûꞌu”, ná kachi ndo xiꞌin ya, tá tu ndinuꞌu ini ndo kándixa ndo Ndioxi, köo xíka uvi ini ndo ya káꞌan ndo xiꞌin ya, ta keta ndixa ya kuꞌun ya.

San Marcos 9:17

Saa ndi̱kuiin iin ra ndíkaa tañu na ikán káꞌan ra: ―Tata Maestro, yóꞌó ndáka loꞌo i seꞌe i xa̱a xiꞌin i nuu un. Ki̱ꞌin tachi nduvaꞌa ra ta ki̱ndoo meꞌme ra i̱kan ya.

San Marcos 9:19

Saa ndi̱kuiin ra, káꞌan ra xiꞌin nda: ―¿Ndachu tuun ni nima ndo köo kándixa ndo? ¿Án nda iin ya köo kúchiñu ndo ikán mií ndo? ¿Án ndiꞌi saa ichí koo i xiꞌin ndo káꞌan ndo? Taxi ndo ra loꞌo ñaa ná kixi ra chichoꞌo ―káchi ra xiꞌin nda.

San Marcos 9:20

Saa ndi̱kundaka nda ra kuaꞌan ra nuu Jesús. Tá xi̱ni mií tachi nduvaꞌa ikán Jesús, ñaa xa̱ꞌni too tuku ñaꞌa ya, ndi̱kava ra kuaꞌan ra nuu ñuꞌú, ndakua iin ndíkutuvi mií ra, ta kée chiñu yuꞌu ra índuꞌu ra.

San Marcos 9:26

Saa iin ndi̱ndaꞌi koꞌo ya, ñaa xa̱ꞌni toꞌo tuku ñaꞌa ya, nda tá káa ra ndi̱xiꞌi saa ndu̱u ra, saa si̱ndoo ñaꞌa ya, ta ke̱e ya kuaꞌan ya. Ta kuaꞌa ka vi na káꞌan xaꞌa ra: ndi̱xiꞌi vaꞌa ra, káchi na.

Los Hechos 7:54

Tá xi̱ni soꞌo na ya ndi̱kaꞌan ra Esteban xiꞌin na ta kini ni ndi̱saa na xiꞌin ra, ndakua ndíkaxi nuꞌu na xíto na nuu ra.

Judas 1:13

Tá kuꞌva xíto yo ndee ni ndíkanda nuu nduta ñûꞌu ta iin kána koo ndiꞌi chiñu nuu ra ya kána koo ñaꞌa yakua ñúꞌu ini rá maá, ta kuꞌva saa íkan nda ikán ndínaꞌa nda ya yakua íyo nima nda. Tá ndo̱ꞌo kiti kimi, kiti nda̱ñuꞌu, ta ke̱e ri kuaꞌan ri ndi̱koyo ri nuu naá ni va, saa íin nda ikán. Ta saa kundoꞌo nda ndiꞌi saa kúu kivi.