San Marcos 8:34 - Xochapa Mixteco

³⁴ Sindiꞌi saa ka̱na Jesús nda ítaꞌan xiꞌin ra xiꞌin ka naꞌa ikán, saa ndi̱kaꞌan ra xiꞌin na, káchi ra saa: ―Tá ndá ndóꞌo̱ kúni kundikun yeꞌe ta ïkan ka ndo ndisaa ya kúni mií ndo, xaꞌa ndee ini ndo ndoꞌo ndo xaꞌa i ta kundikun ndo kixi ndo sata i.

San Marcos 8:34 ပူးပေါင်းရင်းမြစ်များ

San Mateo 10:38

Ndiꞌi na köo xíin kusoko cruzin mií na, ta xïin na xaa súvi na tuꞌun i, ta na yóꞌó, ta köo kúu mií na ichí kundikun na yeꞌe.

San Mateo 16:24

Saa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Tá ndá naꞌa kúni kundikun yeꞌe, ta xíniñuꞌu na ndindoso ini na xaꞌa mií na, saa ndikundiso na cruzin na, ta ndikundikun na yeꞌe.

San Mateo 27:32

Saa ka̱na koo nda lapa kuaꞌan nda xiꞌin Jesús, tá kuaꞌan nda xiꞌin ra, ta ndi̱kitaꞌan nda xiꞌin iin ra ke̱e ñuu Sirene, náni ra Simón, ñaa xa̱a nduxa nda xiꞌin ra ikán ya chindee taꞌan ra xiꞌin Jesús kundiso ra cruzin xiꞌin ra.

San Marcos 10:21

Saa ndi̱koto Jesús nuu ra ta ndi̱taꞌvi ni ini ra xi̱ni ñaꞌa ra, saa ndi̱kaꞌan ra xiꞌin ra, káchi ra saa: ―Vani xa íkan ndiꞌi un ya ñaa, sundi kümani ka siin ya ikan un. Kuáꞌan xiko ndiꞌi ñaꞌa ya kúu mií un, ta chindee un na ndaꞌvi. Saa kua kuchiñu ndukuika un xiꞌin Ndioxi nuu ndivi. Xaa súvi ya ñaa, ta saa kixi un kundikun un yeꞌe, vani tixuꞌvi un án nda kuvi un xaꞌa i ―káchi Jesús xiꞌin ra.

San Marcos 7:14

Tá si̱ndiꞌi Jesús ndi̱kaꞌan ra xiꞌin nda ikán, saa ka̱na ra naꞌa káꞌan ra xiꞌin na, káchi ra saa: ―Kuni soꞌo ndiꞌi ndo ta kundaa ini ndo ná kaꞌan i xiꞌin ndo:

San Lucas 13:24

―Xaꞌa ni ndo ndee ya kiꞌvi ndo yéꞌé ya táñú ni ya kuaꞌan nuu íyo Ndioxi, chi kuaꞌa ni naꞌa kúni kiꞌvi ta küchiñu na kiꞌvi na.

San Lucas 14:33

Saa ndiꞌi ndóꞌo̱ tá tu köo xáꞌa ndee ini ndo sindoo ndo ndiꞌi ñaꞌa ya kúu mií ndo, ta küchiñu ndo kundikun ndo yeꞌe ―káchi Jesús.

San Lucas 18:22

Ñaa tá xi̱ni soꞌo Jesús ya ndi̱kaꞌan ra, saa ndi̱kaꞌan ra xiꞌin ra, káchi ra saa: ―Vani xa íkan ndiꞌi un ya ñaa, sundi kümani ka siín ya ikan un. Xiko ndiꞌi ñaꞌa kúu mií un ta chindee un na ndaꞌvi. Saa ku ndixa ya ndukuika un xiꞌin Ndioxi nuu ndivi. Ikan ya ñaa, tá sindiꞌi un i̱kan un ya, ta saa kixi un kundikun un yeꞌe ―káchi Jesús xiꞌin ra.

San Lucas 20:45

Saa xíni soꞌo ndiꞌi naꞌa ndóo na, ñaa ndi̱kaꞌan Jesús xiꞌin nda ítaꞌan xiꞌin ra, káchi ra saa:

San Lucas 9:23

Ta saa ndi̱kaꞌan ra xiꞌin ndiꞌi na ndóo ikán káchi ra saa: ―Tá ndá ndóꞌo̱ kúni xaa súvi ya káꞌan Ndioxi, ta ïkan ka ndo ndisaa ya kúni mií ndo, saa kuchiñu ndo ikan ndo ya kúni Ndioxi. Ta naꞌa ndo kundikun ndo yeꞌe kundiso ndo cruzin ndo, koo ndúvi ndo ndiꞌi saa kivi ya ndoꞌo ndo xaꞌa i.

San Juan 10:27

Chi levo sana i ta ndíkuni ri tachi i, yakan vaꞌa ndíkundikun ri yeꞌe, ta saa tu yeꞌe va xíni ndiꞌi i ri ikán.

San Juan 19:17

Ta saa ke̱ta Jesús ndíso ra cruzin kuaꞌan ra xiꞌin na. Ta ndi̱xaa ra xiꞌin na ñaꞌñu nuu náni Leke Xiní Ndìì, ta tuꞌun hebreo náni ya Gólgota.

Los Hechos 14:22

Tá ndi̱xaa nda iin iin ñuu ikán saa ta̱xi ka nda ndee ndaꞌa na ndíkun Jesús ya ná kundaa ni ka ini na kuni na ra. Ta saa ndi̱kaꞌan ka ra Pablo xiꞌin na, káchi ra saa: ―Xíniñuꞌu yo ndoꞌo ni yo saa kuchiñu yo kiꞌvi yo koo yo xiꞌin Ndioxi nuu xáꞌnda chiñu ra ―káchi ra xiꞌin na.

ROMANOS 6:6

Saa chi tá ndi̱xiꞌi Jesucristo ndaꞌa cruzin, ta nda tá íin mií yo ndi̱xiꞌi saa ndi̱xiyo yo xiꞌin ra ndaꞌa nu. Ndaꞌa nu ikán ku nuu ndi̱ꞌi xaꞌa ya yata, ya ku̱u mií yo, ya ndee ni si̱keꞌe ini yo ikan yo ya väꞌa nuu Ndioxi.

ROMANOS 8:17

Ta xaꞌa ya kúu yo seꞌe Ndioxi, yakan niꞌi yo ñaꞌa ya taxi ra ndaꞌa yo, tá kuꞌva íkan iin taa, ndítaꞌvi ra ñaꞌa ra xiꞌin seꞌe ra. Saa chi̱tuni Iva yo Ndioxi ikan ra xiꞌin ndiꞌi yo kúu seꞌe ra. Ta ndiꞌi ya vaꞌa ta̱xi ra ndaꞌa seꞌe ra Jesucristo, iin káchi saa niꞌi yo ya xiꞌin ra nuu ndivi nu̱nù. Tá tu xáꞌa ndee ini yo ndoꞌo yo xaꞌa ra, ta saa niꞌi tu yoo va ya vaꞌa xiꞌin ra nuu ndivi.

1 Corintios 15:31

Ta ya ndixa kua káꞌan i xiꞌin ndo ñani yo, kuꞌva yo, iin iin kivi táku i xíka i, ta ìyo ka vi kuvi i xíka i. Ta ya ndaa ni va ku ya káꞌan i xiꞌin ndo, saa kútai ni ini i xíni i ndóꞌo̱ xaꞌa ya kándixa ndo Tata yo Jesucristo.

1 Corintios 8:13

Yakan tá xaꞌa ya xíxi yo kuñu kua síndikava yo na taꞌan yo nuu kuachi, ta vaꞌa ka kua ná küxi ka yo kuñu nda iin ichí, ya ná täxi yo koyo na taꞌan yo nuu kuachi.

1 Corintios 9:19

Vani xa kúu mií i ichí ikan i ndiꞌi ñaꞌa ya kúni mií i, sundi tá káa ra sa̱ta na xáa chiñu nuu ndiꞌi na, saa nda̱sa i mií i, xaꞌa ya kúni i ná kuchiñu i chindee taꞌan i xiꞌin kuaꞌa ni ka naꞌa ya ná kandixa na Tata yo Jesucristo.

Gálatas 2:20

Ta yeꞌe, nda tá káa ra ínuu nuu cruzin xiꞌin Tata yo Jesucristo saa káa i, ta köo táku ka i xaꞌa mií i, chi ndisaa xaꞌa mií ra kua táku i. Kivi táku i ini ikin kuñu i ya kúu mií i, ta ndisaa xaꞌa ya ndáa ni ini i xíni i Tata yo Jesucristo ra kúu Seꞌe Ndioxi kua táku i, chi mií ra ku ra kúꞌvi ni ini xíni yeꞌe, saa ta̱xi ra mií ra ndi̱xiꞌi ra xaꞌa i.

Gálatas 5:24

Ta saa ndiꞌi yo íyo xiꞌin Jesucristo xaꞌa ya ndi̱xiꞌi ra nuu cruzin xaꞌa yo, ta saa iin káchi ndi̱xiꞌi tu ikin kuñu yoo va xiꞌin ndiꞌi ñaꞌa väꞌa ya ndee ni ku̱too ikin kuñu yo xaa súvi ya yachi.

Gálatas 6:14

Sundi yeꞌe, ta köo kúni i kutai ini i xaꞌa ndá ka ñaꞌa. Ndisaa xaꞌa ya ndi̱xiꞌi Tata yo Jesucristo nuu cruzin xaꞌa kuachi yo kua kúni i kutai ini i xaꞌa. Chi xaꞌa ya i̱kan Jesucristo nuu cruzin kua ndu̱u i tá káa iin ra xa ndi̱xiꞌi nuu ya väꞌa íyo ñuu ivi yóꞌó, ta köo ka ndee ya kaꞌnda chiñu ya nuu i, chi yeꞌe tá káa ra xa ndi̱xiꞌi va saa káa i nuu ya.

Filipenses 3:10

Saa chi ya kúni ni i kua yóꞌó: Kúni ni i kuni taꞌan vaꞌa ka i xiꞌin Cristo, saa kúni i koo ndee Ndioxi ya si̱taku Jesús xiꞌin i, ta xa íyo ndúvi i ndoꞌo i tá kuꞌva ndi̱xiyo ndúvi mií ra ndi̱xiꞌi ra.

Filipenses 3:7

Sundi vitin ta ndi̱nama ndiꞌi ya nuu i, saa chi ndiꞌi ñaꞌa ya ndee ni ndi̱xiyo nuu i tiempo ikán, ta köo ndáa yaꞌvi ka ya nuu i vitin, xaꞌa ya i̱kan Cristo xaꞌa i.

Colosenses 1:24

Ta yeꞌe, ta kúsini ni va i ya tíxuꞌvi i xaꞌa ndo vitin ñani yo xiꞌin kuꞌva yo na veꞌe ñuꞌu, chi xaꞌa ya tíxuꞌvi i saa kua síxinu ka i ya ti̱xuꞌvi ni Jesucristo xaꞌa ndóꞌo̱ kándixa ra, chi ikin kuñu ra ku ndo.

Colosenses 3:5

Ta vitin köo ka ndo tá kuꞌva ndi̱xiyo ndo yachi. Vaꞌa sindiꞌi xaꞌa ndo ya chíndaꞌa ndóꞌo̱ ikan ndo ya väꞌa, tá kúu nda taa ta küvi kiꞌvi nda xiꞌin inka ñaꞌa tá tu süvi yá síꞌi nda ku yá, ni ná síꞌi ta ná kïꞌvi ná xiꞌin inka taa tá tu süvi i̱í ná ku nda, ta saa küni ndo ikan ndo ndá ka ñaꞌa ya väꞌa, kütoo ni ndo ndikani ini ndo xaꞌa ya väꞌa, ta ni kütoo ni ndo koo kuaꞌa ni ñaꞌa ndo, chi tá íkan ndo saa, ta tá íin naꞌa, na xáa kaꞌnu ndioxi ndíi, saa íin ndo.

2 Tesalonicenses 3:11

Chi ku̱ndaa ini nde xaꞌa sava ndo ya köo xíin ndo xaa chiñu ndo, saa íin ndo ndóo mií ndo ni köo chiñu íkan ndo, takua ndóo xúxan ndo, saa kuaꞌan ndo síndiꞌi ni ndo ini inka naꞌa, káchi na xaꞌa ndo.

Tito 2:12

Xaꞌa ya kúꞌvi ni ini Ndioxi xíni ra yoo kua sínaꞌa ra nuu yo ya xíniñuꞌu yo sindoo yo ndiꞌi taꞌan ya väꞌa íyo ñuu ivi yóꞌó, ta ná ndïkani ini yo ikan yo ndá ka ya väꞌa, saa ná koo káxin ni ini yo, ta ndaa ni ná koo ini yo, i̱í ná koo yo nuu ra.

HEBREOS 13:13

Saa tu yoo va, ná kundikun yo Jesucristo, ta ná kana koo yo kuꞌun yo xiꞌin ra nuu ñuu, ná kükaꞌán nuu yo ndoꞌo yo xaꞌa ra, tá kuꞌva ndo̱ꞌo ni mií ra.

1 Pedro 4:1

Ta ndo̱ꞌo ni Cristo xaꞌa yo, ndi̱taxi ra ikin kuñu ra ndi̱xuꞌvi ni ra. Yakan saa xíniñuꞌu ndóꞌo̱ xaꞌa ni ndo ndee ya ndoꞌo ndo tá kuꞌva ndo̱ꞌo mií ra. Chi ndiꞌi naꞌa, na ndee ni tíxuꞌvi, ta na ikán sínaꞌa na mií na ya ndixa kua si̱ndoo ndiꞌi na ichí väꞌa i̱kan na,

1 Pedro 4:13

Tá ndóꞌo ndo saa ta kusini ni ndo, chi iin káchi ndóꞌo ndo tá kuꞌva ndo̱ꞌo mií Tata yo Jesucristo. Saa tá ná ndiko koo tuku ra kixi ra ta kuni ndo ndee ya chee luvi ni kúu mií ra, ta kusini ni ndo.

2 Pedro 1:14

Saa chi xa ndi̱kaꞌan va mií Tata yo Jesucristo xiꞌin i ya kama ni ndikiꞌin ra yeꞌe kuꞌun i xiꞌin ra.

1 Juan 3:16

Jesucristo si̱naꞌa ra yoo ndá kuꞌva kúꞌvi ini ra xíni ra yoo chi ta̱xi ra mií ra xaꞌa yo, ndi̱xiꞌi ra xaꞌa yo. Ta saa tu yoo va xíniñuꞌu yo taxi yo mií yo xaꞌa na ñani taꞌan yo.

El Apocalipsis 2:10

Ta ndóꞌo̱ ku ïꞌvi ndo nuu tindoꞌo ya uꞌvi ni vaxi nuu ndo. Saa chi íyo naꞌa, na kúni xaa súvi ya kúni kiti nǎꞌa án kiti Timiaꞌa, kiti Satanás. Tiin na sava ndóꞌo̱ taan na veꞌe kàà, nuu koto ndoso na ndóꞌo̱ án ya ndixa kua kándixa ndo yeꞌe. Ta ndoꞌo ni ndo uxi kivi. Ta káꞌan ni i xiꞌin ndo ya ná síndikoo ndo ichí i, ndinuꞌu ni ini ndo kandixa ndo yeꞌe, nda kivi tá ná kuvi ndo. Saa ndikiꞌin ndo ya vaꞌa taxi i ndaꞌa ndo nuu kutaku ndo xiꞌin i ndiꞌi saa kivi ya vaxi.