San Marcos 8:32 - Xochapa Mixteco

³² Teꞌe ni ndi̱kaꞌan ra xiꞌin nda ya kuvi ra, xaꞌa ya ikán kua ta̱va siin ñaꞌa ra Pedro, ta ndi̱ndaꞌi ra xiꞌin ra, ya küvi ra, káchi ra xiꞌin ra.

San Marcos 8:32 ပူးပေါင်းရင်းမြစ်များ

San Mateo 16:22

Ñaa ta̱va síin ra Pedro ra, ndi̱kaꞌan ra xiꞌin ra, káchi ra saa: ―¡Ná täxi Ndioxi kundoꞌo un ya yóꞌó, Tata! ¡Nda iin kivi ná kündoꞌo un saa! ―káchi ra xiꞌin ra.

San Marcos 4:38

Ta Jesús ndi̱naa ini ra, índuꞌu ra kíxi ra nda kaꞌa nu, ndíkaa toto xiní ra índuꞌu ra. Saa ndi̱xaa nda si̱ndikoo ñaꞌa nda, káꞌan nda xiꞌin ra, káchi nda saa: ―¡Tata, maestro! ¿Án köo ndíꞌi ini un ìyo ni ndikava tun barco xiꞌin yo ini tikuii? ―káchi nda xiꞌin ra.

San Lucas 10:40

Saa íyo ni chiñu nuu yá Marta, ndíꞌi ni ini yá xáa chiñu yá. Ñaa ku̱yati yá nuu Jesús káꞌan yá xiꞌin ra, káchi yá saa: ―Tata, ¿án köo ndíꞌi ini un xiꞌin i xáa chiñu ni i? Án väꞌa ná kaꞌan loꞌo un xiꞌin yá María kuꞌvi i, chindee taꞌan loꞌo yá xiꞌin i chi si̱ndoo yaa yá chiñu ndaꞌa i, ta ndi̱kunduꞌu yá xíni soꞌo yá tuꞌun káꞌan un? ―káchi yá xiꞌin ra.

San Juan 10:24

Saa ndi̱kava nduu nda naꞌnu nuu na judío sata ra, ta ndi̱kaꞌan nda xiꞌin ra, káchi nda saa: ―¿Nda maa vi kua kundaa teꞌe ini nde, tá tu yóꞌo̱ ku Cristo? ta iin teteꞌe kaꞌan un xiꞌin nde ―káchi nda xiꞌin ra.

San Juan 11:14

Saa ndi̱kaꞌan teꞌe Jesús xiꞌin nda, káchi ra saa: ―Ra ndi̱xiꞌi ku ra Lázaro.

San Juan 16:25

’Nda kivi vitin káꞌan i xiꞌin ndo xaꞌa tuꞌun ndíchi, sundi vaxi kivi ta käꞌan ka i saa xiꞌin ndo, kaꞌan teꞌe i xiꞌin ndo xaꞌa Iva i.

San Juan 16:29

Saa ndi̱kuiin nda káchi nda saa: ―Vitin ta köo xíniñuꞌu ka un inka tuꞌun ya sinaꞌa un ndeꞌe. Káꞌan teꞌe un xiꞌin nde.

San Juan 18:20

Saa ndi̱kuiin Jesús káꞌan ra, káchi ra saa: ―Nuu ndiꞌi ni kúu naꞌa ndi̱kaꞌan i, tá si̱naꞌa i ini veꞌe ñuꞌu vali sinagoga án veꞌe ñuꞌu kaꞌnu, nuu ndíkitaꞌan ndiꞌi na judío. Ta nda iin ñaꞌa köo ndi̱kaꞌan sěꞌe i nuu na.