San Marcos 8:30 - Xochapa Mixteco

³⁰ Saa ndi̱kaꞌan ra xiꞌin nda ya ná käꞌan nda xiꞌin nda iin naꞌa xaꞌa ya yóꞌó.

San Marcos 8:30 ပူးပေါင်းရင်းမြစ်များ

San Mateo 16:20

Saa ndi̱kaꞌan Jesús xiꞌin nda ítaꞌan xiꞌin ra, ya ná käꞌan nda xiꞌin nda iin naꞌa ya kúu ra Cristo ra ti̱ꞌvi Ndioxi vaxi sikaku na ñuu ivi yóꞌó.

San Mateo 8:4

Saa ndi̱kaꞌan Jesús xiꞌin ra, káchi ra saa: ―Kuáꞌan, ta koto un käꞌan un xiꞌin nda iin naꞌa. Kuáꞌan nuu sutu ta kuniꞌi un ndiꞌi ñaꞌa ya káꞌan ley Ndioxi ta̱a ra Moisés, taxi un ya ndaꞌa sutu ya ná kundaa ini ndiꞌi naꞌa ya ndu̱vaꞌa un ―káchi Jesús xiꞌin ra.

San Marcos 7:36

Saa ndi̱kaꞌan Jesús xiꞌin na ya ná käꞌan na xiꞌin nda iin naꞌa ndá kuꞌva ndu̱vaꞌa ra. Ni ndi̱kaꞌan ni ra xiꞌin na ya ná käꞌan na xiꞌin nda iin naꞌa, ta kuaꞌa ni ka na ndi̱tuꞌun na xiꞌin xaꞌa ra.

San Marcos 8:26

Saa ti̱ꞌvi Jesús ra kuanuꞌu ra veꞌe ra, ta ndi̱kaꞌan ra xiꞌin ra, káchi ra saa: ―Kïꞌvi un ñuu, ta nda iin na käꞌan un xiꞌin ndá kuꞌva ndu̱vaꞌa un ―káchi ra xiꞌin ra.

San Marcos 9:9

Tá ndi̱ko koo nda vaxi nuu nda iku ikán, ta saa ndi̱kaꞌan Jesús xiꞌin nda, ya ná käꞌan nda xiꞌin nda iin naꞌa xaꞌa ya xi̱ni nda. Nda ná nditaku mií Taa ra xa̱a ñuu ivi yóꞌó saa kua ndituꞌun nda xaꞌa ya xi̱ni nda.

San Lucas 9:21

Ta ndi̱kaꞌan ni Jesús xiꞌin nda ítaꞌan xiꞌin ra ya ná käꞌan nda xiꞌin nda iin naꞌa xaꞌa ya ndi̱kaꞌan ra Pedro.