San Marcos 8:25 - Xochapa Mixteco

²⁵ Ñaa chi̱nuu tuku Jesús ndaꞌa ra sata nduchi nuu ra ikán. Ta saa ku nuu ndi̱xuna vaꞌa nuu ra, ñaa ndu̱vaꞌa nuu ra xa̱á túvi vaꞌa nuu ra, vaꞌa xíto ra nuu xíka ni.

San Marcos 8:25 ပူးပေါင်းရင်းမြစ်များ

San Mateo 13:12

Saa chi na kúndaa ini tuꞌun káꞌan i, ta Ndioxi ku ra táxi kundaa vaꞌa ka ini na, ta na xïin kundaa ini ya káꞌan i, ta nda ya loꞌo kúndaa ini na ndundaa ya ndaꞌa na.

San Marcos 8:24

Saa xa̱á vaꞌa loꞌo xíto ra, ñaa xa̱á ra káꞌan ra: ―Xíto i xíka na ivi, tá íin itun saa íin na kánda na xíka na ―káchi ra.

San Marcos 8:26

Saa ti̱ꞌvi Jesús ra kuanuꞌu ra veꞌe ra, ta ndi̱kaꞌan ra xiꞌin ra, káchi ra saa: ―Kïꞌvi un ñuu, ta nda iin na käꞌan un xiꞌin ndá kuꞌva ndu̱vaꞌa un ―káchi ra xiꞌin ra.

Los Hechos 1:10

Xíto ka nda nuu ndivi ndíta nda, ta nda̱a Jesús kuaꞌan ra nuu ndivi. Ñaa iin ku̱u soꞌva ndi̱tuvi uvi nda taa ndíta nda yati nuu nda, yaa ka vi toto ndíxi nda ndi̱tuvi ikán.

Los Hechos 14:9

Ta saa índuꞌu ra xíni soꞌo ra ya káꞌan ra Pablo. Ñaa ndi̱koto vaꞌa ra Pablo nuu ra, saa xi̱ni ra ya kándixa ñaꞌa ra kuchiñu ndaꞌa ra.

Filipenses 1:6

Ta yeꞌe, ta xa kúndaa teꞌe ini i xaꞌa ndo, chi Ndioxi ku ra xa̱á xáa chiñu xiꞌin nima ndo, ta saa xaa chiñu ka ra xiꞌin ndo ndakua ná xinu ndo nduu ndo tá kuꞌva kúni mií ra, nda kivi tá ná ndiko koo Tata yo Jesucristo ñuu ivi yóꞌó.

1 Pedro 2:9

Sundi ndóꞌo̱, ta mií Iva yo Ndioxi ku ra ndi̱kaxin ndóꞌo̱ ndu̱u ndo seꞌe mií ra, saa nda̱sa ra ndóꞌo̱ sutu na xáa chiñu nuu rey, ra kúu Tata yo Jesucristo, ta ndu̱u ndo iin ñuu na i̱í ni, na kúu kuenta mií Ndioxi. Ta mií Iva yo Ndioxi ku ra ndi̱kaxin ndóꞌo̱, ta̱va ra ndóꞌo̱ ichí nuu naá nuu xi̱ndoꞌni ndo, saa chi̱ndoo ra ndóꞌo̱ nuu luvi ni káa nuu íyo ñu̱ꞌu̱ yéꞌe̱ ya kúu mií ra. Ta ndi̱kaxin ra ndóꞌo̱ ya kaꞌan ndoso ndo tuꞌun ra ya ndee ni ndee kúu mií, ya kaꞌan ndo ya xiꞌin naꞌa ya kundaa ini na xaꞌa ya vaꞌa ni íkan Ndioxi.

2 Pedro 3:18

Ta ndóꞌo̱ xíniñuꞌu ndo kunitaꞌan vaꞌa ka ndo xiꞌin Tata yo Jesucristo, ra síkaku yoo, ra kúꞌvi ni ini xíni yoo. Ta ná xaa kaꞌnu ni yo ra ndiꞌi saa kivi xiꞌin ndiꞌi kivi ya vaxi. Saa ná koo.