San Marcos 8:22 - Xochapa Mixteco

²² Saa tá ndi̱xaa Jesús ñuu Betsaida, ta ndáka na iin ra kuáa̱ ndi̱xaa xiꞌin na nuu ra. Ta saa xáku ndaꞌvi na nuu Jesús ya ná tiin ndaa loꞌo ñaꞌa ra ta nduvaꞌa ra.

San Marcos 8:22 ပူးပေါင်းရင်းမြစ်များ

San Mateo 11:21

―¡Ndaꞌvi ni ndóꞌo̱ na ñuu Corazín! ¡Ndaꞌvi ni ndóꞌo̱ na ñuu Betsaida! Chi vaxi kivi tixuꞌvi ni ndo. Xinaꞌa tá ndi̱xini na ñuu Tiro xiꞌin na ñuu Sidón taꞌan yatuꞌun xíto ndo vitin, ta ndá tiempo vi ndi̱ko koo ini na ikán xaꞌa kuachi na, xa ndi̱kundixi na toto ndai ni nuu, ta xa chi̱kaa na yaa ñu̱ꞌu̱ xiní na xaꞌa ya sínaꞌa na mií na ya ndi̱ko koo ini na xaꞌa kuachi na ndikuu.

San Mateo 14:36

Xíkan na ya mani nuu ra ya ná taxi ra tiin ndaa na án nda loꞌo yuꞌu toto ra, ta ndiꞌi mií na ti̱in ndaa ñaꞌa, ndu̱vaꞌa ndiꞌi na.

San Mateo 8:15

Saa ti̱in ndaa ra ndaꞌa yá, ta sa̱ña ya ndítuvi ya xiꞌin yá, ndu̱vaꞌa yá. Ñaa ndi̱koo yá xáa vií yá kuxi nda.

San Mateo 8:3

Saa si̱ndikaa ndaꞌa Jesús ta ti̱ndaa ñaꞌa ra, ndi̱kaꞌan ra xiꞌin ra, káchi ra saa: ―Kúni i sindaꞌa i yóꞌo̱, ná nduvaꞌa un ―káchi ra xiꞌin ra. Tá ndi̱kaꞌan soꞌva ra xiꞌin ra, ta ndikun ndu̱vaꞌa ra.

San Mateo 9:29

Saa ti̱in ndaa ra nduchi nuu nda kuáa̱ ikán, ta ndi̱kaꞌan ra xiꞌin nda, káchi ra saa: ―Xaꞌa ya kándixa ndo yeꞌe ta nduvaꞌa ndo vitin ―káchi ra xiꞌin nda.

San Marcos 2:3

Saa ndi̱xaa kumi nda taa, ndíso nda iin ra küvi kaka, ínuu ra nuu xito ndi̱xaa ra xiꞌin nda.

San Marcos 3:10

Kuaꞌa ka vi naꞌa si̱ndaꞌa ra, yakan ndiꞌi na kúꞌvi ta ndakua iin chíndaꞌa taꞌan mií na ya kúni na tindaa ñaꞌa na, ta saa nduvaꞌa na ikan ra.

San Marcos 6:45

Sindiꞌi ikán saa ndi̱kaꞌan Jesús xiꞌin nda ítaꞌan xiꞌin ra nda̱a nda sata barco. Kuaꞌan nda inka ñaꞌñu yuꞌu nduta ñûꞌu ta ka̱na koo nda kuaꞌan nda chí ñuu Betsaida. Xiꞌna nda ítaꞌan xiꞌin ra kuaꞌan, saa ndi̱ndoo siín mií ra ndái ra naꞌa.

San Lucas 10:13

Saa xa̱á ra káꞌan ra, káchi ra saa: ―¡Ndaꞌvi ni ndóꞌo̱ ñuu Corazín xiꞌin ndóꞌo̱ ñuu Betsaida! Saa chi kuaꞌa ni ka ya vaꞌa i̱kan i ñuu ndóꞌo̱ ta köo ndi̱ndiko koo ini ndo. Na ñuu Tiro xiꞌin na ñuu Sidón kini ni ivi ku tu na ikán va, tá tu ndi̱kan i taꞌan ya íkan i ñuu ndo yóꞌó nuu na ikán, ta xa yachi vi ndi̱ko koo na nuu Ndioxi. Xa ndi̱kundixi na tikoto ndai ni nuu, ndi̱kundoo na nuu yaa ñu̱ꞌu̱, ya sínaꞌa na mií na ndi̱ko koo na nuu Ndioxi, ndikuu.

San Lucas 9:10

Tá ndi̱ko koo uxi uvi saa nda ítaꞌan xiꞌin Jesús, saa ndi̱tuꞌun ndiꞌi nda xiꞌin ra ya i̱kan nda nuu ndi̱xaꞌan nda ndi̱kaꞌan ndoso nda xiꞌin naꞌa xaꞌa ichí Ndioxi. Ta saa ndi̱kuiso ra nda kuaꞌan nda xiꞌin ra iin ñuu náni Betsaida, iin ñaꞌñu nuu köo nda iin naꞌa.

San Juan 1:44

Ta ra ñuu Betsaida ku ra Felipe, ikán ke̱e tu ra Andrés va xiꞌin ra Pedro.

San Juan 12:21

Saa ku̱yati na nuu ra Felipe ra ke̱e ñuu Betsaida, estado Galilea xíkan na ya mani nuu ra, káchi na saa: ―Tata, kúni nde kuni nde Jesús ―káchi na.