San Marcos 8:11 - Xochapa Mixteco

¹¹ Saa ndi̱xaa sava nda fariseo ta xa̱á nda kéꞌe nda Jesús, xíto ndoso ñaꞌa nda, káꞌan nda xiꞌin ra ya ná ikan ra yatuꞌun Ndioxi nuu nda, saa kundaa ini nda tá tu ndixa nuu Ndioxi ke̱e ra.

San Marcos 8:11 ပူးပေါင်းရင်းမြစ်များ

San Mateo 12:38

Sava nda fariseo xiꞌin nda sínaꞌa ley Ndioxi, ndee ni ndi̱kaꞌan nda xiꞌin Jesús, káchi nda saa: ―Tata Maestro, kúni nde ikan un yatuꞌun nuu nde kuni nde ―káchi nda xiꞌin ra.

San Mateo 19:3

Saa ndi̱xaa sava nda fariseo xíto ndoso nda ra, káchi nda saa: ―¿Tata, án vaꞌa kaꞌnda iin taa tutu xiꞌin yá síꞌi ra xaꞌa ndá ka kuachi vali soꞌva? ―káchi nda xiꞌin ra.

San Mateo 21:23

Tá ndi̱xaa Jesús yeꞌe veꞌe ñuꞌu kaꞌnu, ta saa xa̱á ra sínaꞌa ra naꞌa. Tá sínaꞌa ra na, saa ku̱yati nda naꞌnu nuu sutu xiꞌin nda xikuaꞌa nuu na judío, saa ndi̱ndakan tuꞌun ñaꞌa nda, káchi nda: ―¿Míí ke̱e ichí ya íkan un saa? ¿Unku na ta̱xi ichí ndaꞌa un ikan un saa? ―káchi nda xiꞌin ra.

San Mateo 22:15

Tá si̱ndiꞌi Jesús ndi̱kaꞌan ra tuꞌun ndíchi ikán, saa ka̱na koo nda fariseo kuaꞌan nda, ta chi̱taꞌan tuꞌun nda ya keꞌe nda Jesús, nuu kaꞌan ra ndá ka tuꞌun. Saa kuchiñu nda taxi nda kuachi xaꞌa ra.

San Mateo 22:18

Saa ku̱ndaa ini Jesús ya kéꞌe nda ra, ñaa ndi̱kaꞌan ra xiꞌin nda, káchi ra saa: ―¡Ndóꞌo̱ uvi yuꞌu ku ndo! ¿Ndachu kéꞌe ndo yeꞌe?

San Mateo 22:23

Ta suvi mií kivi ikán ndi̱xaa sava nda saduceo nuu Jesús, ta nda ikán ta köo kándixa nda ya ndítaku na xa ndi̱xiꞌi. Saa ndi̱kaꞌan nda xiꞌin ra, káchi nda saa:

San Marcos 12:15

Ta xa ku̱ndaa va ini Jesús nda uvi yuꞌu ku nda, saa ndi̱kaꞌan ra xiꞌin nda, káchi ra saa: ―¿Ndachu kua xíto ndoso ndo yeꞌe? Taxi ndo iin xuꞌun kàà ná koto i nuu ya ―káchi ra xiꞌin nda.

San Marcos 2:16

Saa ndóo nda fariseo xiꞌin nda maestro, nda sínaꞌa ley Ndioxi, ta xi̱ni nda ya xíxi Jesús xiꞌin ndiꞌi na ikán, ta saa ndi̱kaꞌan nda xiꞌin nda ítaꞌan xiꞌin ra, káchi nda saa: ―¿Ni väꞌa mií íkan ra maestro ndo chi xíxi ra tin xíꞌi ra xiꞌin ndiꞌi na ñaa? Ta süvi ivi vaꞌa ku na, na íkan ya väꞌa ku ndiꞌi na ―káchi nda.

San Marcos 9:16

Saa ndi̱kaꞌan ra xiꞌin nda, káchi ra saa: ―¿Unkua kánitaꞌan ni ndo xaꞌa? ―káchi ra xiꞌin nda.

San Lucas 10:25

Ta saa ke̱e iin ra sínaꞌa ley Ndioxi ya ta̱a ra Moisés, kuaꞌan ra koto ndoso ra Jesús, ndi̱ndakan tuꞌun ñaꞌa ra, káchi ra saa: ―Tata Maestro, kúni i ndakan tuꞌun i yóꞌo̱, ¿unkua vaꞌa ikan i ya kuchiñu i kutaku i xiꞌin Ndioxi ndiꞌi saa kivi ya vaxi? ―káchi ra xiꞌin ra.

San Lucas 11:16

Saa xa̱á káꞌan inka na xiꞌin Jesús, xíto ndoso ñaꞌa na ya ná ikan ra iin seña kuni na yatuꞌun Ndioxi ya vaxi nuu ndivi.

San Juan 4:48

Ta saa ndi̱kaꞌan Jesús xiꞌin ra, káchi ra saa: ―Ndóꞌo̱, ta xïin ndo kandixa ndo yeꞌe. Nda kuni ndo yatuꞌun Ndioxi íkan i án iin seña kuni ndo ta saa vi kandixa ndo yeꞌe ―káchi Jesús.

San Juan 6:30

Saa ndi̱kaꞌan na xiꞌin ra, káchi na saa: ―¿Unkua ku seña yatuꞌun sinaꞌa un nuu nde, ya koo seña kuni nde, ta saa kandixa nde yóꞌo̱? ¿Unkua íkan un?

San Juan 7:48

Ta nda iin nda chiñu naꞌnu nuu yo, ni ndeꞌe fariseo ta köo kándixa nde ra.

San Juan 8:6

Káꞌan nda saa xiꞌin ra ya xíto ndoso ñaꞌa nda, ta saa kuchiñu nda taxi nda kuachi xaꞌa ra. Ta saa ndi̱kuita ndee Jesús nuu ñuꞌú, xa̱á ra táa ra xiꞌin nduku ndaꞌa ra.

Los Hechos 5:9

Ta saa ndi̱kaꞌan ra Pedro xiꞌin yá, káchi ra saa: ―¿Ndachu i̱kan ndo saa? Iin káchi chi̱taꞌan tuꞌun ndo xi̱to ndoso ndo Tachi Iva yo Ndioxi. Keꞌe ñaa vaxi nda ndi̱xaꞌan si̱nduxin i̱í un, ta vitin kuꞌun tu nda sinduxin nda yóꞌo̱ va ―káchi ra xiꞌin yá.

1 Corintios 10:9

Ta ná köto ndoso yo Tata yo Jesucristo ya sitixuꞌvi ra yoo xaꞌa ya väꞌa íkan yo tá kuꞌva xi̱to ndoso sava xii sikua yo ra xinaꞌa, yakan ti̱in kiti ko̱ó na ta ndi̱xiꞌi na.