San Marcos 7:20 - Xochapa Mixteco

²⁰ Saa ndi̱kaꞌan ka ra, káchi ra saa: ―Sundi tuꞌun káꞌan na xiꞌin ya íkan na, ya ikan kua ndása väꞌa na, ndása yakua ya na nuu Ndioxi.

San Marcos 7:20 ပူးပေါင်းရင်းမြစ်များ

San Mateo 15:18

Sundi tuꞌun väꞌa kána koo yuꞌu naꞌa, ta chí nima na kána koo ya. Ta ya yóꞌó ku ya ndása yakua na nuu Ndioxi.

San Mateo 4:4

Saa ndi̱kuiin Jesús ndi̱kaꞌan ra, káchi ra saa: ―Tuꞌun Ndioxi káchi ya saa: “Süvi ndisaa ya kuxi naꞌa saa kutaku na. Xíniñuꞌu tu na kandixa ni na tuꞌun Ndioxi va saa kutaku na”, káchi tuꞌun Ndioxi ―káchi Jesús xiꞌin kiti nǎꞌa.

San Marcos 7:15

Nda iin ñaꞌa xíxi na án ya yáxi na ivi yóꞌó ta köo xáa väꞌa ya na nuu Ndioxi. Ñaꞌa ya vaxi chí nima na ya ikán kua ndása väꞌa ñaꞌa ―káchi ra xiꞌin na.

San Marcos 7:21

Saa chi chí nima na kána koo ya väꞌa ndíkani ini na, tá kúu ya ndíkani kiꞌvi ini na, ta saa tá kúu iin ra kuakiꞌvi xiꞌin ñaꞌá ta süvi yá síꞌi ra ku yá, án ñaꞌá kuakiꞌvi yá xiꞌin taa ta süvi i̱í yá ku ra, xiꞌin ya xáꞌni na ndìì.

San Marcos 7:23

Ndiꞌi ya väꞌa yóꞌó ta chí nima na kána koo ya, ya yóꞌó kua ndása yakua na ndúu väꞌa na nuu Ndioxi ―káchi Jesús.

HEBREOS 7:6

Sundi ra Melquisedec, vani süvi sutu ra kúu seꞌe sikua ra Leví ku ra, ta ndi̱kuiso ra iin iin ñaꞌa tixin ya uxi ki̱ndaa ra Abraham ndaꞌa nda nuu ndi̱xaꞌan ra kuachi, saa chi̱kaa ra Melquisedec ya vaꞌa ra Abraham, ra ki̱ndoo Ndioxi xiꞌin taxi ra ñaꞌa ndaꞌa ra.

Santiago 3:6

Tá káa ñu̱ꞌu̱ yeꞌe ya xíxi, saa káa yaá yo ya íyo yuꞌu yo, chi táxi ya kaꞌan yo tuꞌun kini ni. Ta ndiꞌi tuꞌun kini káꞌan yo ta xáa yakua ya yoo, ndúu kini yo, chi ndaya nuu íyo kiti nǎꞌa kua kána koo ya vaxi ya, ta kúchiñu ya sítivi ya yo ivi yóꞌó.

Santiago 4:1

Ñani yo, ¿mií chí káku kuachi xiꞌin ndo ya xáa ndo káni taꞌan ndo, túvi ndo? Ndiꞌi ya väꞌa, ya kútoo ni ndo ikan ndo, ta chí nima mií va ndo kána ya väꞌa, ya ñaa kua síkani taꞌan ndóꞌo̱.