San Marcos 7:18 - Xochapa Mixteco

¹⁸ Saa ndi̱kuiin ra, káꞌan ra: ―¿Án ndóꞌo̱ köo ndi̱kundaa ini ku tu ndóꞌo̱ va? ¿Án köo xíni ndo ndiꞌi ya kuakee yuꞌu na ivi ta küvi ndasa väꞌa ya na nduyakua na nuu Ndioxi?

San Marcos 7:18 ပူးပေါင်းရင်းမြစ်များ

San Mateo 15:11

Ñaꞌa ya xíxi na án ya xáxi naꞌa ta kuakiꞌvi ya yuꞌu na, ta köo xáa yakua ya na nuu Ndioxi. Ya xáa yakua na nuu Ndioxi, ku tuꞌun väꞌa ya kána koo yuꞌu na ―káchi Jesús xiꞌin na.

San Mateo 16:11

¿Án köo kúndaa ini ndo süvi xaꞌa xita vaꞌa kua káꞌan i xiꞌin ndo? Ya káꞌan i xiꞌin ndo saa kua, kuenta ni koo ndo xiꞌin uxan iya nda fariseo xiꞌin nda saduceo ―káchi Jesús xiꞌin nda ítaꞌan xiꞌin ra.

San Marcos 4:13

Saa ndi̱kaꞌan Jesús xiꞌin na, káchi ra saa: ―¿Án köo kúndaa ini ndo unkua kúni kachi tuꞌun ndíchi yóꞌó? Ta ¿unkua ikan ndo kundaa ka ini ndo taꞌan ya ndíchi ndíkani i nuu ndo? ―káchi ra xiꞌin na.

San Marcos 7:17

Ñaa tá si̱ndoo Jesús naꞌa ikán ta ndi̱kiꞌvi ra ini veꞌe, saa ndi̱ndakan tuꞌun ñaꞌa nda ítaꞌan xiꞌin ra xaꞌa ya ndi̱kaꞌan ra.

San Marcos 7:19

Saa chi ya xíxi na án ya yáxi na, ta süvi chí nima na kuaꞌan ya, chí tixin va na kuaꞌan ya, ta saa kána koo ya xíta ya ―káchi ra xiꞌin na. Xiꞌin ya ndi̱kaꞌan Jesús ikán kúni kachi ya, ndiꞌi ñaꞌa xíxi yo ta ya vaꞌa ku ndiꞌi ya nuu Ndioxi.

San Lucas 24:25

Saa ndi̱kaꞌan ra xiꞌin nda, káchi ra saa: ―¿Ndachu kíꞌvi ni ndo, ta uꞌvi ni kúndaa ini ndo xiꞌin ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa!

San Juan 3:10

Saa ndi̱kuiin Jesús, káꞌan ra: ―Maestro nuu na Israel ku un. ¿Ta ndachu köo kúndaa ini un xaꞌa ya káꞌan i xiꞌin un?

1 Corintios 3:2

Tuꞌun ya si̱naꞌa i ndóꞌo̱, ta ya köo ndíchi kundaa ini ndo xiꞌin ku ya. Tá íyo nduta leche chíchin na vali, saa íyo ya si̱naꞌa i ndóꞌo̱, xaꞌa ya íin ndo tá íin na vali, yakan täꞌan kuchiñu ndo kuxi ndo taꞌan ñaꞌa ya xíxi na xa xuxa ini. Ya ñaa kúni kachi ya nda vitin ta täꞌan ka kuchiñu vaꞌa ndo kundaa ini ndo xiꞌin tuꞌun Ndioxi.

HEBREOS 5:11

Íyo kuaꞌa ni ka ya ndituꞌun nde xaꞌa ya yóꞌó xiꞌin ndo, ta ndíchi ni ya ndikani nde ya nuu ndo tá kuꞌva íyo ya, saa chi ndóꞌo̱ ta kuee ni saa kúndaa ini ndo xiꞌin ya.