San Marcos 7:17 - Xochapa Mixteco

¹⁷ Ñaa tá si̱ndoo Jesús naꞌa ikán ta ndi̱kiꞌvi ra ini veꞌe, saa ndi̱ndakan tuꞌun ñaꞌa nda ítaꞌan xiꞌin ra xaꞌa ya ndi̱kaꞌan ra.

San Marcos 7:17 ပူးပေါင်းရင်းမြစ်များ

San Mateo 13:10

Saa ku̱yati nda ítaꞌan xiꞌin ra nuu ra, ndi̱kaꞌan nda xiꞌin ra, káchi nda saa: ―Tata ¿Ndachu sínaꞌa un naꞌa xiꞌin nina tuꞌun ndíchi? ―káchi nda xiꞌin ra.

San Mateo 13:36

Saa nda̱i Jesús naꞌa, ñaa ndi̱kiꞌvi ra ini veꞌe. Saa ku̱yati nda ítaꞌan xiꞌin ra nuu ra, ta ndi̱kaꞌan nda xiꞌin ra, káchi nda saa: ―Tata, ndikani loꞌo un nuu nde unkua kúni kaꞌan tuꞌun ndíchi ya káꞌan xaꞌa iku väꞌa ―káchi nda xiꞌin ra.

San Mateo 15:15

Saa ndi̱kaꞌan ra Pedro, káchi ra saa: ―Ndituꞌun loꞌo un xiꞌin nde unkua kúni kachi tuꞌun ndíchi yóꞌó ―káchi ra xiꞌin Jesús.

San Marcos 2:1

Saa ku̱u ndi̱yaꞌa sava kivi, ta ndi̱ko koo tuku Jesús ñuu Capernaum. Saa ku̱ndaa ini na ya íyo ra veꞌe,

San Marcos 3:20

Saa ndi̱kitaꞌan tuku naꞌa, kuaꞌa ka vi ku na ndi̱kitaꞌan nuu ra, nda nuu kuxi ra xiꞌin nda ítaꞌan xiꞌin ra küvi.

San Marcos 4:10

Sindiꞌi tá ndi̱ndoo mií Jesús xiꞌin na ndíta yati xiꞌin ra xiꞌin uxi uvi nda ítaꞌan tuun xiꞌin ra, ta saa ndi̱ndakan tuꞌun ndiꞌi na ra, ndi̱kaꞌan na xiꞌin ra, unkua kúni kachi tuꞌun ndíchi ya ndi̱kaꞌan ra xiꞌin na.

San Marcos 4:34

Ta köo ndi̱sinaꞌa ra na xiꞌin inka nuu tuꞌun, nina xiꞌin tuꞌun ndíchi si̱naꞌa ra na. Ta ndiꞌi saa ichí ndi̱kani síín ra nuu nda ítaꞌan xiꞌin ra xaꞌa ya káꞌan tuꞌun ndíchi sínaꞌa ra.

San Marcos 7:16

Saa ndi̱kaꞌan ra xiꞌin na: ―Ndiꞌi ndóꞌo̱ xíni soꞌo ya káꞌan i, ta kuni soꞌo ni ndo ta saa ndikiꞌin xiní ndo xiꞌin ya ―káchi ra.

San Marcos 7:18

Saa ndi̱kuiin ra, káꞌan ra: ―¿Án ndóꞌo̱ köo ndi̱kundaa ini ku tu ndóꞌo̱ va? ¿Án köo xíni ndo ndiꞌi ya kuakee yuꞌu na ivi ta küvi ndasa väꞌa ya na nduyakua na nuu Ndioxi?

San Marcos 9:28

Sindiꞌi saa ndi̱kiꞌvi Jesús ini veꞌe xiꞌin nda ítaꞌan xiꞌin ra, saa ndi̱ndakan tuꞌun sěꞌe ñaꞌa nda, káchi nda saa: ―¿Ndachu köo ndi̱kuchiñu ndeꞌe tava nde tachi nduvaꞌa ikán? ―káchi nda xiꞌin ra.