San Marcos 7:15 - Xochapa Mixteco

¹⁵ Nda iin ñaꞌa xíxi na án ya yáxi na ivi yóꞌó ta köo xáa väꞌa ya na nuu Ndioxi. Ñaꞌa ya vaxi chí nima na ya ikán kua ndása väꞌa ñaꞌa ―káchi ra xiꞌin na.

San Marcos 7:15 ပူးပေါင်းရင်းမြစ်များ

San Mateo 12:34

Saa ndóꞌo̱, káꞌan i xiꞌin ndo: ¡Tá íin seꞌe kiti ko̱ó saa íin ndo, káchi i! Chi süvi ndóꞌo̱ vaꞌa ku ndo, yakan küvi kaꞌan ndo ya vaꞌa. Chi tá kuꞌva íyo nima ndo, saa íyo tuꞌun káꞌan ndo.

San Mateo 15:16

Saa ndi̱kaꞌan Jesús xiꞌin ra, káchi ra saa: ―¿Án saa tu ndóꞌo̱ va, án köo ndi̱kundaa tu ini ndóꞌo̱ va ya ndi̱kaꞌan i xiꞌin ndo?

San Marcos 7:14

Tá si̱ndiꞌi Jesús ndi̱kaꞌan ra xiꞌin nda ikán, saa ka̱na ra naꞌa káꞌan ra xiꞌin na, káchi ra saa: ―Kuni soꞌo ndiꞌi ndo ta kundaa ini ndo ná kaꞌan i xiꞌin ndo:

San Marcos 7:16

Saa ndi̱kaꞌan ra xiꞌin na: ―Ndiꞌi ndóꞌo̱ xíni soꞌo ya káꞌan i, ta kuni soꞌo ni ndo ta saa ndikiꞌin xiní ndo xiꞌin ya ―káchi ra.

Los Hechos 10:28

Ñaa ndi̱kaꞌan ra xiꞌin na, káchi ra saa: ―Xíni mií ndo, ndeꞌe raza na judío ta küvi ndi̱kitaꞌan nde xiꞌin na án kuyati nde nuu na köo kúu judío, chi na yakua ku na nuu nde, káꞌán nde. Sundi Ndioxi ta si̱tuvi ra nuu i ndi̱kaꞌan ra xiꞌin i: küvi kaꞌan nde xiꞌin nda iin naꞌa ya yakua na.

ROMANOS 14:17

Xíniñuꞌu yo kundaa ini yo chi süvi xaꞌa ya xíxi yo, ta ni süvi xaꞌa nduta xíꞌi yo kua ndáa yaꞌvi ni chindee yoo koo yo nuu xáꞌnda chiñu Ndioxi. Ya ndee ni ndee ku ya ikan yo ya vaꞌa, ya ndaa xiꞌin taꞌan yo, ta vívií ná koo yo xiꞌin taꞌan yo, ná kusini ni yo xaꞌa ya ta̱xi Tachi I̱í Ndioxi ndaꞌa yo ya koo vaꞌa ni ini yo.

1 Corintios 10:25

Ya vaꞌa kuxi ndo ku ndiꞌi va kuñu ya kiaꞌvi nuu xíko na kuñu, ta ndäkan tuꞌun ndo mií ke̱e ya, ya ná ndïkani väꞌa ini ndo xiꞌin ya tá xíxi ndo ya.

Tito 1:15

Chi naꞌa, na kúu mií nima vaꞌa, ta ya vaꞌa ku ndiꞌi ya nuu na, ta naꞌa, na kúu mií nima väꞌa, na köo ndáa ini xíni Ndioxi ta ya väꞌa ku ndiꞌi va ya nuu na, nda ya ndíkani ini na xiꞌin ya xínituni na ta köo íyo vaꞌa ya.

HEBREOS 13:9

Täxi ndo sindaꞌvi naꞌa ndóꞌo̱ xaꞌa inka tuꞌun ya köo íyo yuꞌu xiꞌin tuꞌun ya si̱naꞌa Tata yo Jesucristo ndóꞌo̱. Ya vaꞌa ni ka va kua ná ndundee ka nima ndo xiꞌin ya vaꞌa ndi̱niꞌi uun ndo nuu Iva yo Ndioxi. Sundi na ikán ta ndisaa xaꞌa ley yata káꞌan na, ndá ñaꞌa kua vaꞌa kuxi yo ta ndá ñaꞌa kua küvi kuxi yo, káchi na, ta ya sínaꞌa na ikán ta nda loꞌo köo chíndee taꞌan ya xiꞌin nda iin naꞌa.

HEBREOS 9:10

Saa chi ndiꞌi ya táxi na ndaꞌa Ndioxi ta káꞌan ya xaꞌa ñaꞌa ya xíxi na xiꞌin nduta xíꞌi na, ta saa tu ndá kuꞌva ndikata na ikin kuñu na ya nduyaa na nuu Ndioxi. Ndiꞌi ya yóꞌó ta köo ndi̱kuchiñu ya ndisama ya nima na. Ta ya yóꞌó kua i̱kan na iin saa nda kivi tá ndisama Ndioxi ya yóꞌó, ta nda saa kua ndi̱niꞌi na inka ya vaꞌa ni ka nuu Ndioxi.