San Marcos 6:56 - Xochapa Mixteco

⁵⁶ Ndiꞌi kúu ñaꞌñu nuu xáa Jesús, ñuu naꞌnu kua, ñuu vali kua, iku kua, ndiꞌi nuu xáa ra ta chíndoo naꞌa na kúꞌvi ichí, saa xíkan na ya mani nuu ra ya ná taxi ra tiin na án nda loꞌo yuꞌu toto ra ta nduvaꞌa na, káchi na. Ta saa ndixa chi ndiꞌi kúu na ti̱in ndaa ñaꞌa ta ndu̱vaꞌa ndiꞌi na.

San Marcos 6:56 ပူးပေါင်းရင်းမြစ်များ

San Mateo 14:36

Xíkan na ya mani nuu ra ya ná taxi ra tiin ndaa na án nda loꞌo yuꞌu toto ra, ta ndiꞌi mií na ti̱in ndaa ñaꞌa, ndu̱vaꞌa ndiꞌi na.

San Mateo 9:20

Ta tañu na kuaꞌan ikán ndíkaa iin ñaꞌa. Ta xa uxi uvi kuiya kúꞌvi yá, xíta nií yá. Saa xa̱a yá sata Jesús ti̱in ndaa yá yuꞌu tikoto ra,

San Marcos 3:10

Kuaꞌa ka vi naꞌa si̱ndaꞌa ra, yakan ndiꞌi na kúꞌvi ta ndakua iin chíndaꞌa taꞌan mií na ya kúni na tindaa ñaꞌa na, ta saa nduvaꞌa na ikan ra.

San Marcos 6:55

Saa iin vivitin xi̱nu na ndi̱xika na ndi̱kaya ndiꞌi na ivi na kúꞌvi ndóso na nuu xito ndi̱xaa na xiꞌin na nuu íin Jesús.

San Lucas 22:51

Saa ndi̱kaꞌan Jesús xiꞌin ra, káchi ra saa: ―Xa vaꞌa, këꞌe ka ndo nda ―káchi ra xiꞌin nda. Saa ku̱yati ra ti̱in ndaa ra soꞌo ra moso ikán si̱tiin taꞌan ra ya, si̱ndaꞌa ñaꞌa ra.

San Lucas 6:19

Ta ndiꞌi na kúni tiin ndaa ra, saa chi kúu mií ra ndee Ndioxi ya sindaꞌa ra na, saa ndu̱vaꞌa ndiꞌi na i̱kan ra.

San Lucas 8:44

Ñaa ndi̱xaa yá sata Jesús ti̱in ndaa yá yuꞌu tikoto ra. Saa ndikun si̱yaa ni̱í xiꞌin yá.

Los Hechos 4:12

Iindaa mituꞌun Jesús ku ra kúu mií ndee ya sikaku ra yoo. Nda iin na ñuu ivi yóꞌó ta köo na kuchiñu sikaku yoo, nda iin ñaꞌñu nïꞌi yo na sikaku mií yo, iindaa Jesús ku ra kúu mií ndee ya ta̱xi Ndioxi ndaꞌa ra sikaku ra yoo ―káchi ra Pedro xiꞌin ndiꞌi na xikuaꞌa ikán tin na chiñu.

Los Hechos 4:9

Ndákan tuꞌun ndo ndeꞌe ndá kuꞌva ndi̱xiyo ya ndu̱vaꞌa ra yóꞌó, ta ¿án xaꞌa ya ñaa va kua táxi ndo kuachi xaꞌa nde? Tá tu kúni ndo kundaa ini ndo ndá kuꞌva ndu̱vaꞌa ra,

Los Hechos 5:15

Ta kuaꞌa ni naꞌa táva na taꞌan na, na kúꞌvi, ndóso na nuu xito kuaꞌan na xiꞌin na yuꞌu ichí. Ta ikán kíꞌin ñaꞌa na chíndoo na nuu yáꞌa ra Pedro, chi ndíkani ini na, án nda ndati ra ná kani ndaa sata sava na ta nduvaꞌa na, káchi na.