San Marcos 6:51 - Xochapa Mixteco

⁵¹ Ñaa ndi̱xaa ra nda̱a ra sata barco xiꞌin nda, saa si̱yaa tachi iin yayaa ku̱u. Ta saa iin ndi̱kanda ini nda ñúꞌu nda,

San Marcos 6:51 ပူးပေါင်းရင်းမြစ်များ

San Mateo 8:10

Saa tá xi̱ni soꞌo Jesús ya ndi̱kaꞌan ra ikán ta ndi̱kanda ni ini ra. Saa ndi̱kaꞌan ra xiꞌin na ndíkun sata ra, káchi ra saa: ―Ya ndaa káꞌan i xiꞌin ndo, ndiꞌi saa ñuu Jerusalén, ta täꞌan nditaꞌan i iin taa ra kándixa ni Ndioxi tá kuꞌva kándixa ra yóꞌó, ta ni süvi ra Israel ku ra.

San Marcos 1:27

Ta ndi̱kanda ka vi ini na xi̱ni ya ikán, ñaa xa̱á na ndákan tuꞌun taꞌan na, káchi na saa: ―¿Ndá ndee kua kúu mií ra yóꞌó kua? Xa síin va ku ya sínaꞌa ra, ndee ni va ndee kúu mií ra, chi nda tachi nduvaꞌa xíni soꞌo káꞌan ra ―káchi na xiꞌin taꞌan na.

San Marcos 2:12

Tá ndi̱kaꞌan soꞌva Jesús xiꞌin ra, saa ndikun ndi̱koo ra nuu ndiꞌi na ndi̱kiꞌin ra xito ra kuaꞌan xiꞌin ra. Saa iin ndi̱kanda ini ndiꞌi na ndóo na, ta káꞌan toꞌo ka vi na xaꞌa Ndioxi, káchi na saa: ―Ndee ni ndee kúu mií ra yóꞌó, chi nda iin ichí köo taꞌan ya yóꞌó xíni yo ―káchi na.

San Marcos 4:39

Saa ndi̱koo ra ndi̱kaꞌan ra xiꞌin tachi íꞌna, ta ndi̱kaꞌan tu ra xiꞌin nduta ñûꞌu va, káchi ra saa: ―¡Yaa koo un nduta ñûꞌu, siyaa un! ―káchi ra xiꞌin rá. Saa ndikun siyaa tachi íꞌna, ta si̱yaa tu nduta ñûꞌu va, iin yayaa ku̱u.

San Marcos 4:41

Ta íꞌvi ka vi nda ndóo nda, saa ndi̱ndakan tuꞌun taꞌan nda, káchi nda saa: ―¿Ndá taa ku ra yóꞌó yakan vaꞌa xíni soꞌo tachi nǎꞌa tin xíni soꞌo nduta ñûꞌu tuꞌun káꞌan ra? ―káchi nda xiꞌin taꞌan nda.

San Marcos 5:42

Saa ndikun ndi̱taku yá ndi̱koo yá, ñaa xa̱á yá xíka yá, chi xa kúu mií yá uxi uvi kuiya yá. Tá xi̱ni na ndóo veꞌe yá, ndi̱taku yá, ñaa ndi̱ndiꞌvi ka vi na.

San Marcos 6:32

Saa ke̱e Jesús kuaꞌan ra xiꞌin nda ítaꞌan xiꞌin ra, ndi̱kee nda ini iin itun barco ta ndi̱kiꞌin nda kuaꞌan nda nuu köo naꞌa.

San Marcos 7:37

Saa iin ndi̱kanda ini ndiꞌi na, ñaa xa̱á na káꞌan na: ―¡Ndiꞌi vi ya vaꞌa íkan ra! ¡Nda na soꞌo xiꞌin na meꞌme ta síndaꞌa ndiꞌi ra na ―káchi na!

San Juan 6:21

Saa kúsini ka vi nda, ndi̱kiꞌin nda ra, nda̱a ra ini barco ikán kuaꞌan ra xiꞌin nda, ta kama ni ndi̱xaa nda nuu kuaꞌan nda.