San Marcos 6:34 - Xochapa Mixteco

³⁴ núu nda sata itun barco, saa xi̱ni Jesús ndiꞌi na ikán ta ku̱ndaꞌvi ni ini ra xi̱ni ñaꞌa ra, saa chi tá íyo levo kiti köo xitoꞌo saa íyo na. Saa xa̱á ra sínaꞌa ra na xaꞌa ndiꞌi ya vaꞌa.

San Marcos 6:34 ပူးပေါင်းရင်းမြစ်များ

San Mateo 14:14

Tá nu̱u ra sata barco saa xi̱ni ra iin chútu ndaa naꞌa, ñaa ku̱ndaꞌvi ni ini ra xi̱ni ra na, saa si̱ndaꞌa ra ndiꞌi na kúꞌvi ndáka naꞌa kuaꞌan xiꞌin na.

San Mateo 15:32

Saa ka̱na Jesús nda ítaꞌan xiꞌin ra, ta ndi̱kaꞌan ra xiꞌin nda, káchi ra saa: ―Kúndaꞌvi ni ini i xíni i na yóꞌó, saa chi xa íyo uni kivi ndóo na xiꞌin i ta ni köo ñaꞌa kuxi na. Ta küvi tiꞌvi i na kuꞌun na xiꞌin soko, koto ka kuvi ndiuu na ichí ―káchi ra xiꞌin nda.

San Mateo 9:36

Tá xíto ra nuu ndiꞌi na, saa ku̱ndaꞌvi ni ini ra xi̱ni ra na, saa chi ndóꞌo ni na. Ta ni köo naꞌa chindee ñaꞌa, tá íin na ndee ni ku̱naa saa íin na. Nda tá íin levo kiti köo xitoꞌo, saa íyo na.

San Marcos 6:33

Ta kuaꞌa va naꞌa xi̱ni kuaꞌan nda, ñaa ndi̱kuni ñaꞌa na, saa ki̱ꞌin na kuenta xiꞌin nda nuu kuaꞌan nda. Ta ka̱na koo na kuaꞌan xaꞌá na sata nda, ta kuaꞌa ni ñuu ke̱e na. Xiꞌna ka na ndi̱xaa, saa ndi̱xaa nda,

San Marcos 6:35

Tá ti̱ndaa xikuáa, saa ku̱yati nda ítaꞌan xiꞌin ra nuu ra, ndi̱kaꞌan nda xiꞌin ra, káchi nda saa: ―Tata, xa xikuáa ni kua, ta nuu ndóo yo yóꞌó ni köo mií naꞌa ndóo.

San Marcos 8:1

Saa ku̱u tuku inka ichí, kuaꞌa ka vi ku naꞌa ndi̱kitaꞌan nuu Jesús, ta köo mií ñaꞌa kuxi na. Saa ka̱na ra nda ítaꞌan xiꞌin ra, káꞌan ra xiꞌin nda, káchi ra saa:

San Marcos 8:2

―Kúndaꞌvi ni ini i xíni i na yóꞌó, chi xa ndi̱xinu uni ví kivi ndóo na xiꞌin i, ta köo ñaꞌa kuxi na.

San Lucas 9:11

Sundi tá ku̱ndaa ini naꞌa nuu kuaꞌan Jesús ta ndi̱kundikun na kuaꞌan na sata ra. Ta saa ndi̱kuiso ñaꞌa ra, ndi̱kaꞌan ra xiꞌin na xaꞌa ichí nuu xáꞌnda chiñu Ndioxi, saa si̱ndaꞌa ndiꞌi ra na kúꞌvi na xíniñuꞌu nduvaꞌa.

HEBREOS 2:17

Xaꞌa ya ndu̱u ra iin káchi tá kuꞌva íin mií yo na ivi yóꞌó, na kúu ñani ra. Xaꞌa ya ikán kua vaꞌa ndi̱xinu ra ndu̱u ra sutu, ra ndee ni ndinuꞌu xáa súvi ndiꞌi ñaꞌa, ta saa kúndaꞌvi ni ini ra xíni ra naꞌa. Xaꞌa ya ndi̱taxi ra mií ra ndi̱xiꞌi ra, yakan vaꞌa ku̱chiñu ra ndi̱soko ra mií ra nuu Ndioxi ya xaa kaꞌnu ini ra xaꞌa kuachi yoo, na kúu ñuu Ndioxi.

HEBREOS 4:15

Saa chi sutu ra ínuu nuu yo ku ra ta kúndaꞌvi ni ini ra xíni ra yoo, xaꞌa ya xíni ra köo ndee ini yo, köo ndaku ini yo nuu ya väꞌa, chi tá káa níí ya ndóꞌo yoo, saa ndi̱xiyo tu ya ndo̱ꞌo mií va ra, xi̱to ndoso ni ya väꞌa ra, sundi nda iin kuachi köo ndi̱kiꞌvi ra.