San Marcos 6:30 - Xochapa Mixteco

³⁰ Sindiꞌi saa ndi̱ko koo nda ítaꞌan xiꞌin Jesús, ndítuꞌun ndiꞌi nda xiꞌin ra xaꞌa ñaꞌa ya i̱kan nda nuu ndi̱xaꞌan nda ndi̱kaꞌan ndoso nda tuꞌun Ndioxi.

San Marcos 6:30 ပူးပေါင်းရင်းမြစ်များ

San Mateo 10:2

Ta ya yóꞌó ku kivi nda ikán, ra núnu̱ú ku ra Simón, ra káꞌan na xiꞌin Pedro xiꞌin ñani ra, ra Andrés, xiꞌin ra Jacobo xiꞌin ra Juan ñani ra, nda seꞌe ra Zebedeo ku uvi saa nda ikán.

San Marcos 3:14

Ta saa ndi̱kaxin ra uxi uvi taa tañu ndiꞌi nda ndóo ikán, ya kaka tuun nda xiꞌin ra. Ta saa tiꞌvi ra nda kuꞌun nda kaꞌan ndoso nda tuꞌun Ndioxi xiꞌin naꞌa.

San Marcos 6:29

Ñaa tá ku̱ndaa ini nda ítaꞌan xiꞌin ra Juan xaꞌa ya ndo̱ꞌo ra, ta ndi̱xaꞌan nda ndi̱kiꞌin nda ikin kuñu ra si̱nduxin nda.

San Lucas 10:17

Tá ndi̱ko koo uni xiko uxi saa nda ndi̱xaꞌan nda ndi̱kaꞌan nda tuꞌun Ndioxi xiꞌin naꞌa, ta kúsini ni nda xa̱á káꞌan nda xiꞌin Jesús, káchi nda saa: ―Tata, nda tachi nduvaꞌa xíni soꞌo tuꞌun káꞌan nde xiꞌin ya chi ndee ni ndee kúu mií un ―káchi nda xiꞌin ra.

San Lucas 17:5

Saa kúu ta ndi̱kaꞌan nda ítaꞌan xiꞌin Jesús xiꞌin ra, káchi nda saa: ―Tata, chindee un ndeꞌe ná kundaa ni ini nde kuni nde Ndioxi ―káchi nda xiꞌin ra.

San Lucas 22:14

Ñaa tá ti̱ndaa hora kuxini na, ta xa̱a Jesús ndi̱kunduꞌu ra nuu mesa xiꞌin nda ítaꞌan xiꞌin ra.

San Lucas 24:10

Ná síꞌi ná xi̱ni ya ku̱u ikán ku ná ndi̱tuꞌun xiꞌin nda ítaꞌan xiꞌin Jesús ta ná ikan ku ná náni: María yá ñuu Magdala, inka yá náni Juana, inka yá náni María, siꞌí ra Jacobo, xiꞌin inka ka ná síꞌi.

San Lucas 6:13

Tá ndi̱tuvi inka kivi, ta ka̱na ra na ndíkun sata ra, tañu na ikán ndi̱kaxin ra uxi uvi taa nda kuꞌun nuu ra xaa chiñu nda inka ñuu. Ta ta̱xi ra kivi nda náni nda apóstol, ta tuꞌun ikán káchi ya saa: “Nda ti̱ꞌvi Ndioxi”.

San Lucas 9:10

Tá ndi̱ko koo uxi uvi saa nda ítaꞌan xiꞌin Jesús, saa ndi̱tuꞌun ndiꞌi nda xiꞌin ra ya i̱kan nda nuu ndi̱xaꞌan nda ndi̱kaꞌan ndoso nda xiꞌin naꞌa xaꞌa ichí Ndioxi. Ta saa ndi̱kuiso ra nda kuaꞌan nda xiꞌin ra iin ñuu náni Betsaida, iin ñaꞌñu nuu köo nda iin naꞌa.

Los Hechos 1:26

Saa chi̱kaa nda suerte ta mi sata ra Matías ndi̱kava ya. Nda kivi saa ndi̱kitaꞌan ra xiꞌin uxi iin saa nda apóstol, nda xáa chiñu nuu Jesús.