San Marcos 6:17 - Xochapa Mixteco

¹⁷ Saa chi xa yachi vi xa̱ꞌnda chiñu ra Herodes ya ti̱in na ra Juan ka̱tun na ra xiꞌin cadena kuaꞌan ra veꞌe kàà xaꞌa ya ndi̱kaꞌan ra Juan xiꞌin ra Herodes xaꞌa yá Herodías, yá síꞌi ra Felipe ñani ra.

San Marcos 6:17 ပူးပေါင်းရင်းမြစ်များ

San Mateo 11:2

Saa ndíkaa ra Juan ra síkuchi naꞌa veꞌe kàà, ta xi̱ni soꞌo ra tuꞌun xaꞌa ya vaꞌa íkan Jesús xiꞌin naꞌa, saa ti̱ꞌvi ra uvi nda ítaꞌan xiꞌin ra kuaꞌan nda ndakan tuꞌun nda Jesús.

San Mateo 4:12

Tá xi̱ni soꞌo Jesús ya chi̱kaa na ra Juan veꞌe kàà, ta saa ndi̱ko koo ra kuanuꞌu ra chí Galilea.

San Marcos 6:16

Saa tá xi̱ni soꞌo ra Herodes ya káꞌan na, ñaa xa̱á ra káꞌan ra: ―Ra Juan ra xa̱ꞌnda i chiñu xa̱ꞌnda na sukun ndi̱xiꞌi ku ra, ndi̱taku ra ―káchi ra.

San Lucas 3:1

Ndi̱xinu xaꞌun kuiya kúu mií ra rey Tiberio chiñu nuu ndiꞌi na ñuu ya ndíkun ndaa ñuu Roma. Ta xa̱ꞌnda chiñu ra nuu ndiꞌi nda gobernador ikán, ra Poncio Pilato ku ra xa̱ꞌnda chiñu nuu na ñuu ya ñúꞌu Judea, ta ra Herodes ku̱u gobernador nuu na ñuu ya ñúꞌu Galilea. Inka ra Felipe, ñani ra Herodes, ku̱u gobernador nuu na ñuu ya ñúꞌu Iturea xiꞌin na ñuu ya ñúꞌu Traconite. Ta inka ra náni Lisanias ku̱u gobernador nuu na ñuu ya ñúꞌu Abilinia.

San Juan 3:24

Ya yóꞌó ku̱u tá täꞌan tiin na ra Juan kuꞌun ra veꞌe kàà.