San Marcos 6:16 - Xochapa Mixteco

¹⁶ Saa tá xi̱ni soꞌo ra Herodes ya káꞌan na, ñaa xa̱á ra káꞌan ra: ―Ra Juan ra xa̱ꞌnda i chiñu xa̱ꞌnda na sukun ndi̱xiꞌi ku ra, ndi̱taku ra ―káchi ra.

San Marcos 6:16 ပူးပေါင်းရင်းမြစ်များ

San Mateo 14:2

Saa ndi̱kaꞌan ra xiꞌin nda xáa chiñu nuu ra, káchi ra saa: ―Ra Jesús yóꞌó ku ra Juan, ra si̱kuchi naꞌa, ra xa̱ꞌni i yachi, ta ndi̱taku ra vitin, yakan vaꞌa kúu mií ra ndee íkan ra yatuꞌun yóꞌó ―káchi ra Herodes.

San Mateo 27:4

Saa ndi̱kaꞌan ra xiꞌin nda, káchi ra saa: ―Ndee ni ndee kuachi i̱kan i chi ndi̱taxi i taa ra vaꞌa, ra köo kuachi kúu mií ndaꞌa ndo, ya kaꞌni ndo ra ―káchi ra xiꞌin nda. Saa ndi̱kuiin nda, káꞌan nda: ―¡Unkua ndóꞌo vi ndeꞌe! ¡Köo xáꞌni ka nde mií nde! ¡Kuachi mií va un kua! ―káchi nda xiꞌin ra.

San Marcos 6:15

Ta inka na káꞌan: ―Ra Elías, ra ndi̱kaꞌan ndoso tuꞌun yuꞌu Ndioxi xinaꞌa ku ra ndi̱taku ―káchi na. ―Va iin ra ndi̱kaꞌan ndoso tuꞌun yuꞌu Ndioxi ku ra, án sana ndá nda ndi̱kaꞌan ndoso tuꞌun yuꞌu Ndioxi xinaꞌa ku ra ndi̱taku ―káchi na.

San Marcos 6:17

Saa chi xa yachi vi xa̱ꞌnda chiñu ra Herodes ya ti̱in na ra Juan ka̱tun na ra xiꞌin cadena kuaꞌan ra veꞌe kàà xaꞌa ya ndi̱kaꞌan ra Juan xiꞌin ra Herodes xaꞌa yá Herodías, yá síꞌi ra Felipe ñani ra.

San Lucas 9:9

Ta saa ndi̱kaꞌan ra Herodes, káchi ra saa: Ra Juan ta xa̱ꞌnda i chiñu ya xa̱ꞌnda na sukun ra, ta ¿Unku ra yóꞌó kuaꞌa ni ñaꞌa xíni soꞌo i xaꞌa ra? ―káchi ra Herodes. Ta saa xa̱á kúni ra kuni ra Jesús.