San Marcos 6:11 - Xochapa Mixteco

¹¹ Tá ndá ñuu ndi̱xaa ndo, köo xíin na ndikiꞌin vaꞌa na ndóꞌo̱, ni köo xíin na kuni soꞌo na ya káꞌan ndo, ta köo ndo ñuu na. Kana koo ndo kuaꞌan ndo, ta ndiyakun ndo yaa ñuu na ya chi̱chi sata nduxan ndo, ya ná kundaa ini na ku̱ndasi na tuꞌun Ndioxi. Ya ndaa káꞌan i xiꞌin ndo tá ná tindaa kivi sindiꞌi ya xaa nani Ndioxi kuachi xiꞌin na ñuu ivi yóꞌó, ta ndee ni ka uꞌvi sitixuꞌvi ra na ku̱ndasi tuꞌun ra nuu na väꞌa xi̱ndoo ñuu Sodoma xiꞌin ñuu Gomorra xinaꞌa ―káchi ra xiꞌin nda.

San Marcos 6:11 ပူးပေါင်းရင်းမြစ်များ

San Mateo 12:36

Ta yeꞌe káꞌan xiꞌin ndo, tindaa kivi sindiꞌi tá ná xaa nani Ndioxi kuachi xiꞌin na ñuu ivi yóꞌó. Ta ndiꞌi na taxi kuenta ndaꞌa ra xaꞌa iin iin nuu tuꞌun väꞌa, ya kíꞌvi ka̱na koo yuꞌu na ndi̱kaꞌan na.

San Marcos 6:10

Saa ndi̱kaꞌan ka ra xiꞌin nda, káchi ra saa: ―Tá ndá veꞌe ndi̱xaa ndo, ta vaꞌa ndoo ndo koo ndo xiꞌin na ikán nda kivi ná kee ndo ñuu na.

San Lucas 9:5

Tá ndá ñuu ndi̱xaa ndo köo xíin na ndikiꞌin vaꞌa na ndóꞌo̱, ta köo ndo ñuu na, kama kee ndo, ta ndiyakun ndo yaá xaꞌa ndo, ya ná kundaa ini na ya ku̱ndasi na tuꞌun Ndioxi ―káchi Jesús xiꞌin nda.

Los Hechos 18:6

Ta köo xíin na ikán ndikiꞌin na tuꞌun káꞌan ra Pablo xiꞌin na. Ñaa xa̱á na kánaꞌa na xiꞌin ra. Saa ki̱si ra tikoto ra, ta ndi̱kaꞌan ra xiꞌin na, káchi ra saa: ―Käꞌan ka i xiꞌin ndo. Vitin ndíso mií ndo kuachi xaꞌa ndo, köo ndíso ka i kuachi ndo. Vitin ta kuꞌun i kaꞌan ndoso i tuꞌun Ndioxi xiꞌin na köo kúu judío ―káchi ra Pablo xiꞌin na.

ROMANOS 2:16

Ndiꞌi ya yóꞌó kuu tá ná tindaa kivi taxi Ndioxi ichí ndaꞌa Jesucristo ya xaa nani ra kuachi ndiꞌi naꞌa. Nda kuachi ya íkan sěꞌe na xaa nani ra ya xiꞌin na. Ya ikan Ndioxi saa, iin ku ya xiꞌin tuꞌun ya káꞌan ndoso i xiꞌin ndiꞌi naꞌa.

ROMANOS 2:5

Sava ndo ta soꞌo ni ndo, köo xíin ndo ndiko koo ini ndo xaꞌa ya väꞌa íkan ndo. Xaꞌa ya íkan ndo saa, ta kuandaa ka kuachi ndo ndúkuaꞌa ya nuu Ndioxi. Ta vaxi kivi saa xaa nduvaꞌa ni Ndioxi xiꞌin ndiꞌi ni kúu naꞌa, saa kundaa ini na ya ndixa ni sáa ini ra xíni ra na. Chi saa kua sinaꞌa Ndioxi na ya ndee ni ndaa xáa súvi ra kuachi na xiꞌin na.

2 Pedro 2:6

Saa xa̱a ndu̱vaꞌa tu Ndioxi xiꞌin na ñuu Sodoma tin na Gomorra va, iin xa̱ꞌmi yaa ra na, ndu̱u na tá káa yaá. Ta ya ndo̱ꞌo na ikán kua sínaꞌa yoo, saa kundoꞌo ndiꞌi naꞌa, na kánitaꞌan xiꞌin Ndioxi.

2 Pedro 2:9

Yóꞌó ku nuu kúndaa ini yo ya síkaku Ndioxi na íkan ya vaꞌa nuu ra, tá nuu ñúꞌu na nuu tindoꞌo. Ta saa xíni vaꞌa tu ra ndá kuꞌva kua xaa nduvaꞌa ra xiꞌin naꞌa, na íkan ya väꞌa yakan kua xaa nani ra kuachi xiꞌin na ñuu ivi.

2 Pedro 3:7

Ta suvi xiꞌin mií tuꞌun Ndioxi kua ndíso níi xiꞌin ndiꞌi mií ndivi tin ñuu ivi nuu ndóo yo vitin, ta vaxi kivi ndiꞌi xaꞌa yaa ya xiꞌin ñu̱ꞌu̱. Tá ná tindaa kivi ya xaa nani Ndioxi kuachi na ñuu ivi yóꞌó, ta saa kua sindiꞌi xaꞌa yaa ra naꞌa, na köo xíin kandixa Ndioxi, na íkan ya väꞌa.

1 Juan 4:17

Tá ndixinu yo ndinuu kúꞌvi ini yo xíni yo Ndioxi xiꞌin na taꞌan yo, ta ku ïꞌvi yo nuu ra kivi xaa nani ra kuachi yo. Chi tá íyo mií Jesucristo saa íyo yo kivi xíka yo ñuu ivi yóꞌó.

Judas 1:7

Ta saa ndi̱kaꞌán tu ini ndo xaꞌa ya ndo̱ꞌo na ñuu Sodoma xiꞌin na ñuu Gomorra xiꞌin ka ñuu ya xi̱ndoꞌni yati xiꞌin ya. Iin si̱ndiꞌi vaꞌa Ndioxi xaꞌa na chi kini ni i̱kan na, ndi̱xika sií nda taa xiꞌin ná ñaꞌa ta saa i̱kan tu ná ñaꞌa va. Saa ndi̱kiꞌvi nda taa xiꞌin taꞌan mií nda, ta saa i̱kan tu ná ñaꞌa va. Ta yáꞌa ni ndee kundoꞌo na koko na xiꞌin ñu̱ꞌu̱ ndiꞌi saa kivi ya vaxi. Ya yóꞌó sínaꞌa yoo ya ná ïkan yo saa.