San Marcos 5:42 - Xochapa Mixteco

⁴² Saa ndikun ndi̱taku yá ndi̱koo yá, ñaa xa̱á yá xíka yá, chi xa kúu mií yá uxi uvi kuiya yá. Tá xi̱ni na ndóo veꞌe yá, ndi̱taku yá, ñaa ndi̱ndiꞌvi ka vi na.

San Marcos 5:42 ပူးပေါင်းရင်းမြစ်များ

San Marcos 1:27

Ta ndi̱kanda ka vi ini na xi̱ni ya ikán, ñaa xa̱á na ndákan tuꞌun taꞌan na, káchi na saa: ―¿Ndá ndee kua kúu mií ra yóꞌó kua? Xa síin va ku ya sínaꞌa ra, ndee ni va ndee kúu mií ra, chi nda tachi nduvaꞌa xíni soꞌo káꞌan ra ―káchi na xiꞌin taꞌan na.

San Marcos 4:41

Ta íꞌvi ka vi nda ndóo nda, saa ndi̱ndakan tuꞌun taꞌan nda, káchi nda saa: ―¿Ndá taa ku ra yóꞌó yakan vaꞌa xíni soꞌo tachi nǎꞌa tin xíni soꞌo nduta ñûꞌu tuꞌun káꞌan ra? ―káchi nda xiꞌin taꞌan nda.

San Marcos 5:41

Saa ti̱in ra ndaꞌa yá loꞌo ikán, ta ndi̱kaꞌan ra xiꞌin yá, káchi ra saa: ―Talita, cumi ―káchi ra xiꞌin yá. Tuꞌun ikán kúni kachi ya: “Yá loꞌo, káꞌan i xiꞌin un ndikoo un”.

San Marcos 5:43

Saa ndi̱kaꞌan ni ra xiꞌin na, ya ná käꞌan na xiꞌin nda iin naꞌa ya xi̱ni na. Ñaa ndi̱kaꞌan ra xiꞌin iva siꞌí yá, ya ná taxi na kuxi yá.

San Marcos 6:51

Ñaa ndi̱xaa ra nda̱a ra sata barco xiꞌin nda, saa si̱yaa tachi iin yayaa ku̱u. Ta saa iin ndi̱kanda ini nda ñúꞌu nda,

San Marcos 7:37

Saa iin ndi̱kanda ini ndiꞌi na, ñaa xa̱á na káꞌan na: ―¡Ndiꞌi vi ya vaꞌa íkan ra! ¡Nda na soꞌo xiꞌin na meꞌme ta síndaꞌa ndiꞌi ra na ―káchi na!