San Marcos 5:39 - Xochapa Mixteco

³⁹ Saa ndi̱kiꞌvi ra ini veꞌe, ta ndi̱kaꞌan ra xiꞌin na, káchi ra saa: ―Küaku ndo xaꞌa yá, köo ndi̱xiꞌi vi yá, yá kíxi va ku yá ―káchi ra xiꞌin na.

San Marcos 5:39 ပူးပေါင်းရင်းမြစ်များ

San Mateo 9:24

Saa ndi̱kaꞌan Jesús xiꞌin na, káchi ra saa: ―Vaꞌa kana koo ndiꞌi ndo keꞌe, saa chi köo ndi̱xiꞌi vi yá loꞌo yóꞌó, yá kíxi va ku yá ―káchi ra xiꞌin na. Saa ndi̱xaku ndaa ndiꞌi na ra.

San Marcos 5:38

Ñaa ndi̱xaa nda veꞌe ra Jairo, ta xi̱ni nda iin ndá síso xáku naꞌa, ta iin ndáꞌi koꞌo na ndóo na.

San Marcos 5:40

Tá ndi̱kaꞌan ra saa, ta xa̱á na xáku̱ ndaa ñaꞌa na. Ñaa ta̱va ndiꞌi ra na ke̱e na keꞌe, ndisaa iva siꞌí yá xiꞌin nda kuaꞌan xiꞌin ra, ku na ndi̱kee xiꞌin ra nuu índuꞌu yá.

Los Hechos 20:10

Saa nu̱u ra Pablo ndi̱xaa ra ndi̱kunuu ndee ra nuu ra, númi ñaꞌa ra. Ñaa káꞌan ra xiꞌin na, káchi ra saa: ―Kündiꞌi ini ndo chi táku va ra ―káchi ra xiꞌin na.

1 Corintios 11:30

Xaꞌa ya ñaa kua íyo kuaꞌa ni na kúꞌvi tañu ndo, ta sava na vita ni kúni na, ta sava tuku na xa ndi̱xiꞌi va.

1 Tesalonicenses 5:10

Ta saa koo yo xiꞌin ra chi mií ra ku ra ndi̱xiꞌi xaꞌa yo yakan kua án yo táku ku yo án yo ndi̱xiꞌi ku yo, ta kuchiñu yo koo yo xiꞌin ra tá ná ndiko koo ra.