San Marcos 5:34 - Xochapa Mixteco

³⁴ Ñaa ndi̱kaꞌan ra xiꞌin yá, káchi ra saa: ―Xa ndu̱vaꞌa un seꞌe, saa chi ndáa ni ini un xíni un yeꞌe, vaꞌa kuanuꞌu vitin, köo ka ya kundiꞌi ini un xaꞌa chi xa ndu̱vaꞌa un ―káchi ra xiꞌin yá.

San Marcos 5:34 ပူးပေါင်းရင်းမြစ်များ

San Mateo 9:2

Saa ndáka na iin taa ra küvi kaka, ínuu ra nuu xito ndi̱xaa ra nuu Jesús. Tá xi̱ni Jesús ya kándixa ni ñaꞌa nda ndíso ra ikán. Ta ndi̱kaꞌan ra xiꞌin ra kúꞌvi ikán, káchi ra saa: ―Seꞌe, kündiꞌi ini un, chi xa xa̱a kaꞌnu ini i xaꞌa kuachi un ―káchi Jesús xiꞌin ra.

San Mateo 9:22

Saa ndi̱ko koo Jesús ndi̱koto ra sata ra, ta xi̱ni ra yá, saa ndi̱kaꞌan ra xiꞌin yá, káchi ra saa: ―Nana kündiꞌi ini un, xa ndu̱vaꞌa un saa chi kándixa un Ndioxi ―káchi ra xiꞌin yá. Nda kivi saa ndu̱vaꞌa vaꞌa yá.

San Marcos 10:52

Saa ndi̱kuiin Jesús káꞌan ra: ―Vaꞌa kuánuꞌu, xa ndu̱vaꞌa nduchi nuu un, chi kándixa un yeꞌe ―káchi Jesús xiꞌin ra. Tá ndi̱kaꞌan soꞌva ra xiꞌin ra, ta saa ndikun ndu̱vaꞌa nuu ra, ñaa ndi̱kundikun ra kuaꞌan ra xiꞌin Jesús.

San Marcos 3:10

Kuaꞌa ka vi naꞌa si̱ndaꞌa ra, yakan ndiꞌi na kúꞌvi ta ndakua iin chíndaꞌa taꞌan mií na ya kúni na tindaa ñaꞌa na, ta saa nduvaꞌa na ikan ra.

San Marcos 5:29

Tá ti̱in ndaa soꞌva yá tikoto ra, ta saa ndikun ku̱ndaa ini yá ndu̱vaꞌa yá.

San Marcos 5:33

Ñaa ku̱yati yá ñaꞌa ikán nuu ra, ndakua kísi ñaꞌa ya íꞌvi yá xaꞌa ya ndu̱vaꞌa yá, ta ndi̱xaa yá nuu ra si̱kusiti yá, saa ndi̱kaꞌan ndiꞌi yá xiꞌin ra ya ndu̱vaꞌa yá.

San Lucas 17:19

Saa ndi̱kaꞌan Jesús xiꞌin ra, káchi ra saa: ―Kundichi kuáꞌan, xa ndu̱vaꞌa un chi ndáa ni ini un yeꞌe ―káchi Jesús xiꞌin ra.

San Lucas 18:42

Ta saa ndi̱kaꞌan Jesús xiꞌin ra, káchi ra saa: ―Vaꞌa sindaꞌa i yóꞌo̱. Ndáa ni ini un yeꞌe, yakan sindaꞌa i yóꞌo̱ ―káchi ra.

San Lucas 7:50

Ta saa ndi̱kaꞌan ka Jesús xiꞌin yá ikán, káchi ra saa: ―Vitin ndi̱kaku un i̱kán i chi ndáa ni ini un xíni un yeꞌe. Ta kuánuꞌu veꞌe un, käka ka ini un xaꞌa kuachi un ―káchi ra xiꞌin yá.

San Lucas 8:48

Ta saa ndi̱kaꞌan Jesús xiꞌin yá, káchi ra saa: ―Siꞌi, ndu̱vaꞌa un chi ndáa ni ini un xíni un yeꞌe. Ta vitin kuanuꞌu ta kündiꞌi ka ini un ―káchi ra xiꞌin yá.

Los Hechos 14:9

Ta saa índuꞌu ra xíni soꞌo ra ya káꞌan ra Pablo. Ñaa ndi̱koto vaꞌa ra Pablo nuu ra, saa xi̱ni ra ya kándixa ñaꞌa ra kuchiñu ndaꞌa ra.

Los Hechos 15:33

Ta nda ndi̱xaꞌan xiꞌin tutu ikán ndi̱ndoo nda ndi̱xiyo nda uvi ndaá kivi xiꞌin na. Sindiꞌi saa ndi̱kaꞌan ndioxi na ndíkun Jesús xiꞌin nda ya ndiko koo nda nuu ke̱e nda.

Los Hechos 16:36

Saa ndi̱kaꞌan ra xiꞌin ra Pablo tin ra Silas, káchi ra saa: ―Ndi̱kaꞌan na chiñu xiꞌin i tava i ndóꞌo̱ kuꞌun ndo. Ta vaꞌa kee ndo kuꞌun ndo ―káchi ra xiꞌin nda.

Santiago 2:16

Tá káꞌan iin ndo káchi ndo: “Vaꞌa, ñani yo ndikitaꞌan ka yo, Ndioxi ná kuꞌun xiꞌin un, kuenta ni koo un, ndikasi vaꞌa un mií un xiꞌin toto vi̱xi̱n chi vixin ni, ta ná kuxi vaꞌa un ndakua xaa ini un”, ná kachi ndo xiꞌin na, ta köo chíndee ndo na xiꞌin ñaꞌa ya xíniñuꞌu na, yakan ni köo ndáa yaꞌvi vi ya káꞌan ndo xiꞌin na.