San Marcos 5:30 - Xochapa Mixteco

³⁰ Saa ku̱ndaa ini Jesús ke̱e ndee kúu mií ra. Ñaa ndi̱ko koo ra ndi̱koto ra nuu ndiꞌi na ikán, ndákan tuꞌun ñaꞌa ra, káchi ra saa: ―¿Unku ndóꞌo̱ ti̱in ndaa tikoto i? ―káchi ra xiꞌin na.

San Marcos 5:30 ပူးပေါင်းရင်းမြစ်များ

San Marcos 5:31

Ñaa ndi̱kuiin nda ítaꞌan xiꞌin ra, káchi nda saa: ―Tata, xíto mií un, iin chútu ndaa naꞌa ta ndá yokan chíndaꞌa ndaa na yóꞌo̱, ta káꞌan ka un: ‘‘¿Unku na ti̱in ndaa yeꞌe?’’, káchi un ―káchi nda xiꞌin ra.

San Lucas 5:17

Iin kivi íyo Jesús sínaꞌa ra naꞌa, ta ndóo sava nda fariseo xiꞌin nda ndíchi ni, nda sínaꞌa ley Ndioxi ya ta̱a ra Moisés. Ta sava nda ke̱e ñuu ya ñúꞌu estado Galilea xiꞌin ñuu Jerusalén tin inka ka ñuu ya ñúꞌu estado Judea, ndóo ndiꞌi nda xíni soꞌo nda ya káꞌan Jesús. Ta kúu mií Jesús ndee Ndioxi ya sindaꞌa ra naꞌa.

San Lucas 6:19

Ta ndiꞌi na kúni tiin ndaa ra, saa chi kúu mií ra ndee Ndioxi ya sindaꞌa ra na, saa ndu̱vaꞌa ndiꞌi na i̱kan ra.

San Lucas 8:46

Ñaa ndi̱kuiin Jesús káꞌan ra: ―Üꞌun, iin naꞌa ti̱in ndaa yeꞌe, chi ku̱ndaa ini i ke̱e ndee i si̱ndaꞌa i iin na ―káchi ra.

1 Pedro 2:9

Sundi ndóꞌo̱, ta mií Iva yo Ndioxi ku ra ndi̱kaxin ndóꞌo̱ ndu̱u ndo seꞌe mií ra, saa nda̱sa ra ndóꞌo̱ sutu na xáa chiñu nuu rey, ra kúu Tata yo Jesucristo, ta ndu̱u ndo iin ñuu na i̱í ni, na kúu kuenta mií Ndioxi. Ta mií Iva yo Ndioxi ku ra ndi̱kaxin ndóꞌo̱, ta̱va ra ndóꞌo̱ ichí nuu naá nuu xi̱ndoꞌni ndo, saa chi̱ndoo ra ndóꞌo̱ nuu luvi ni káa nuu íyo ñu̱ꞌu̱ yéꞌe̱ ya kúu mií ra. Ta ndi̱kaxin ra ndóꞌo̱ ya kaꞌan ndoso ndo tuꞌun ra ya ndee ni ndee kúu mií, ya kaꞌan ndo ya xiꞌin naꞌa ya kundaa ini na xaꞌa ya vaꞌa ni íkan Ndioxi.