San Marcos 5:24 - Xochapa Mixteco

²⁴ Saa ke̱e Jesús kuaꞌan ra xiꞌin ra, ta kuaꞌa ka vi naꞌa kuaꞌan xiꞌin ra, iin ndakua chíndaꞌa taꞌan mií na kuaꞌan na.

San Marcos 5:24 ပူးပေါင်းရင်းမြစ်များ

San Marcos 3:20

Saa ndi̱kitaꞌan tuku naꞌa, kuaꞌa ka vi ku na ndi̱kitaꞌan nuu ra, nda nuu kuxi ra xiꞌin nda ítaꞌan xiꞌin ra küvi.

San Marcos 5:23

Saa xa̱á ra xáku ndaꞌvi ra nuu ra, káchi ra saa: ―Tata, vaxi i nuu un kuꞌun loꞌo un xiꞌin i veꞌe i, saa chi ndee ni ndee ndóꞌo seꞌe i xa xíꞌi va yá, yakan xíkan ni i ya mani nuu un, kuꞌun loꞌo un xiꞌin i, chinuu ndaꞌa un sata seꞌe i ta nduvaꞌa yá ―káchi ra.

San Marcos 5:25

Ta tañu na kuaꞌan xiꞌin ra ikán, kuaꞌan iin yá ñaꞌa kúꞌvi. Ndee ka vi ndóꞌo yá, xa ndi̱xinu uxi uvi kuiya kúꞌvi yá xíta nií yá.

San Marcos 5:31

Ñaa ndi̱kuiin nda ítaꞌan xiꞌin ra, káchi nda saa: ―Tata, xíto mií un, iin chútu ndaa naꞌa ta ndá yokan chíndaꞌa ndaa na yóꞌo̱, ta káꞌan ka un: ‘‘¿Unku na ti̱in ndaa yeꞌe?’’, káchi un ―káchi nda xiꞌin ra.

San Lucas 11:29

Saa kúu ta kuaꞌa ni naꞌa ndíkitaꞌan xáa na nuu Jesús: Ta saa xa̱á ra káꞌan ra xiꞌin na, káchi ra saa: ―¡Ndikuu ni ini na ndóo ñuu ivi tiempo vitin! Chi ndúku na seña nuu i ya kúni na koto ndoso na yeꞌe. Sundi nda iin ya sïnaꞌa i nuu na, ndá taꞌan ya ndo̱ꞌo ra Jonás xinaꞌa va kuni na.

San Lucas 12:1

Káꞌan nda saa xiꞌin ra ta saa ndi̱kaya naꞌa, kuaꞌa ni mil ku na ndi̱kaya, iin chíndaꞌa taꞌan mií na. Ta saa xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Kuenta ni koo ndo, koto ïkan ndo tá íkan nda fariseo. Saa chi nda ikán ta yáꞌa ni uvi yuꞌu nda, tá káa uxan iya ya kée xiꞌin uxan xita vaꞌa, saa íin nda.

San Lucas 19:3

Ta kúni ra ikán kuni ra Jesús, sundi köo kúchiñu ra kuni ñaꞌa ra saa chi iin chútu ndaa naꞌa, ta siin loꞌo ni tu xaꞌa va ra.

San Lucas 7:6

Ta saa ke̱e Jesús kuaꞌan ra xiꞌin na. Tá xa kúyati na xaa na veꞌe ra, saa xi̱ni ra ikán xaa Jesús veꞌe ra. Ta saa ti̱ꞌvi ra nda migo ra kuaꞌan nda kaꞌan nda tuꞌun yóꞌó xiꞌin Jesús: ―Tata, sïndiꞌi ka un mií un ya kixi un veꞌe ra, saa chi ndíkani ini ra yóꞌo̱ chee ni kúu un nuu ra yakan ni köo kúu mií ra ichí ya kiꞌvi un veꞌe ra, chi ra ni̱nu̱ ni kúni ku ra, che.

San Lucas 8:42

Chi íyo iindaa mituꞌun seꞌe ra, ta kúu mií yá iin kuꞌva uxi uvi kuiya yá. Ta ndee ni ndóꞌo yá, xa yati kuvi yá. Ñaa ke̱e Jesús kuaꞌan ra xiꞌin ra veꞌe ra. Tá kuaꞌan ra ichí, ta iin taꞌnda chee naꞌa kuaꞌan xiꞌin ra, iin chíndaꞌa taꞌan mií na kuaꞌan na.

San Lucas 8:45

Ta ndi̱kaꞌan Jesús, káchi ra saa: ―¿Unku na ti̱in ndaa yeꞌe ra? ―káchi ra. Ta ndi̱kuiin ndiꞌi na káꞌan na: ―Süvi yeꞌe ndi̱tiin ndaa yóꞌo̱ ―káchi ndiꞌi nda. Saa ndi̱kaꞌan ra Pedro xiꞌin nda ítaꞌan xiꞌin ra, káchi nda saa: ―Tata Maestro, köo naꞌa ndi̱tiin ndaa yóꞌo̱, chútu ndaa naꞌa, ta ndiꞌi kúu ñaꞌñu chíndaꞌa ndaa na yóꞌo̱ ―káchi nda xiꞌin ra.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.