San Marcos 5:23 - Xochapa Mixteco

²³ Saa xa̱á ra xáku ndaꞌvi ra nuu ra, káchi ra saa: ―Tata, vaxi i nuu un kuꞌun loꞌo un xiꞌin i veꞌe i, saa chi ndee ni ndee ndóꞌo seꞌe i xa xíꞌi va yá, yakan xíkan ni i ya mani nuu un, kuꞌun loꞌo un xiꞌin i, chinuu ndaꞌa un sata seꞌe i ta nduvaꞌa yá ―káchi ra.

San Marcos 5:23 ပူးပေါင်းရင်းမြစ်များ

San Mateo 8:3

Saa si̱ndikaa ndaꞌa Jesús ta ti̱ndaa ñaꞌa ra, ndi̱kaꞌan ra xiꞌin ra, káchi ra saa: ―Kúni i sindaꞌa i yóꞌo̱, ná nduvaꞌa un ―káchi ra xiꞌin ra. Tá ndi̱kaꞌan soꞌva ra xiꞌin ra, ta ndikun ndu̱vaꞌa ra.

San Marcos 16:18

Tá tu ná tiin na ko̱ó kueꞌe, ta tïin ri na, tá tu ná koꞌo sana na ndá ka ñaꞌa ñúꞌu tatan xatu xiꞌin, ta sïkuaꞌa ya kueꞌe xiꞌin na, ta chinuu ndaꞌa na sata na kúꞌvi, ta nduvaꞌa na ―káchi Jesús xiꞌin nda ítaꞌan xiꞌin ra.

San Marcos 5:24

Saa ke̱e Jesús kuaꞌan ra xiꞌin ra, ta kuaꞌa ka vi naꞌa kuaꞌan xiꞌin ra, iin ndakua chíndaꞌa taꞌan mií na kuaꞌan na.

San Marcos 6:13

Ta táva nda kuaꞌa ka vi tachi nduvaꞌa ya kúu mií naꞌa, saa chikaa tu nda ceite xiní na ta síndaꞌa nda na.

San Marcos 7:32

Ikán ndáka na iin ra sóꞌo tin meꞌme ra ndi̱xaa ra nuu Jesús. Saa ndi̱kaꞌan na xiꞌin Jesús, ya ná chinuu ndaꞌa ra sata ra ta sindaꞌa ñaꞌa ra.

San Marcos 8:23

Ñaa ti̱in Jesús ndaꞌa ra, ta ndi̱kiꞌin ñaꞌa ra kuaꞌan xiꞌin ra nuu ñuu. Ikán ndi̱yakun ra sii ra sata nduchi nuu ra ikán, saa chi̱nuu ndaꞌa ra sata ra, ta ndi̱kaꞌan ra xiꞌin ra án xa vaꞌa loꞌo xíto ra.

San Lucas 13:13

Ta saa chi̱nuu ndaꞌa ra sata yá. Tá chi̱nuu soꞌva ra ndaꞌa ra, ñaa ndikun ndu̱ndaku sata yá. Saa xa̱á yá xáa kaꞌnu yá Ndioxi.

San Lucas 4:38

Saa ke̱e Jesús ini veꞌe ñuꞌu sinagoga ta ndi̱kiꞌin ra kuaꞌan ra veꞌe ra Simón, ra ítaꞌan xiꞌin ra. Tá ndi̱xaa ra ikán, ta ndi̱taꞌan ra yá siso ra Simón, ndee ni ndóꞌo yá ndítuvi ya xiꞌin yá. Ta saa ndi̱xikan na ya mani nuu Jesús ya sindaꞌa ñaꞌa ra.

San Lucas 4:40

Saa ku̱u ndi̱keta ñu̱ꞌu ta kuaꞌa ni na ndáka na taꞌan na, na kúꞌvi xiꞌin kuaꞌa ni nuu kueꞌe, ndáka ñaꞌa na ndixaa na nuu Jesús, saa ti̱in ndaa ra iin iin na, ta si̱nduvaꞌa ra na.

San Lucas 7:12

Tá ku̱yati ra ndi̱xaa ra ñuu ikán, ta xi̱ni ra kuaꞌan na sinduxin na iin ndìì, seꞌe iin yá ndi̱ndoo ndaa ku ya. Ta kuaꞌa ni naꞌa kuaꞌan xiꞌin yá sinduxin na seꞌe yá. Iindaa mituꞌun ku seꞌe yá, ta ndi̱xiꞌi ra.

San Juan 11:3

Saa ti̱ꞌvi ná kuꞌva ra chiñu kuaꞌan nuu Jesús káꞌan ná xiꞌin ra, káchi ná saa: ―Tata, ndee ni ndóꞌo ra kúꞌvi ni ini un xíni un ―káchi ná.

Los Hechos 28:8

Ta ndee ka vi ndóꞌo iva ra índuꞌu ra nuu xito, ndítuvi ya xiꞌin ra tin táta ra ni̱í. Saa ndi̱xaꞌan ra Pablo nuu índuꞌu ra, tá si̱ndiꞌi ra ndi̱kaꞌan ra xaꞌa ra xiꞌin Ndioxi ta chi̱nuu ndaꞌa ra xiní ra, ñaa ndu̱vaꞌa ra.

Los Hechos 6:6

Tá ndiꞌi ndi̱kaxin na nda ikán, ta ndi̱kundaka na nda ndi̱xaa nda xiꞌin na nuu nda apóstol. Saa chi̱nuu ndaꞌa nda sata uxa saa nda, ñaa ndi̱kaꞌan nda xiꞌin Ndioxi xaꞌa nda.

Los Hechos 8:17

Ta saa chi̱nuu ndaꞌa ra Pedro xiꞌin ra Juan sata na, ta ndi̱kaꞌan nda xaꞌa na xiꞌin Ndioxi, ñaa ndi̱kiꞌin na Tachi I̱í Ndioxi.

Los Hechos 9:12

Ta si̱tuvi ya nuu ra xi̱ni ra yóꞌo̱ ndi̱xaa un chínuu ndaꞌa un xiní ra ta ndi̱nuna nuu ra túvi ra ―káchi Jesús xiꞌin ra Ananías.

Los Hechos 9:17

Saa ke̱e ndixa ra ikán kuaꞌan ra veꞌe nuu íyo ra Saulo. Ndi̱xaa ra chi̱nuu ndaꞌa ra xiní ra, ta ndi̱kaꞌan ra xiꞌin ra, káchi ra saa: ―Ñani Saulo, Tata yo Jesús, ra ndi̱tuvi nuu un tá vaxi un ichí, ra ikán ku ra ti̱ꞌvi yeꞌe vaxi i kaꞌan i xiꞌin un ya ná ndikuna tuku nuu un, ta ndikiꞌin un Tachi I̱í Ndioxi koo ya xiꞌin un ―káchi ra Ananías xiꞌin ra Saulo.