San Marcos 5:22 - Xochapa Mixteco

²² Ikan íin ra ta ndi̱xaa iin ra náni Jairo, ra xáꞌnda chiñu nuu na veꞌe ñuꞌu sinagoga mí ñuu ikán. Tá xi̱ni ra Jesús ta ndi̱xaa ra si̱kusiti ra nuu ra.

San Marcos 5:22 ပူးပေါင်းရင်းမြစ်များ

San Mateo 2:11

Tá ndi̱kiꞌvi nda ini veꞌe, saa xi̱ni nda íyo yá María, xiꞌin ra loꞌo seꞌe yá, saa si̱kusiti nda xáa kaꞌnu nda ra loꞌo ikán. Saa xu̱na nda xatun vali ndíso nda, ta ta̱va nda kàà oro xiꞌin xuxa ya yaꞌvi ni ta tami ni xaꞌan ya, xiꞌin nduta tami xaꞌan, rá náni mirra. Ndiꞌi ya yóꞌó si̱niꞌi nda nuu ra loꞌo ikán.

San Marcos 5:33

Ñaa ku̱yati yá ñaꞌa ikán nuu ra, ndakua kísi ñaꞌa ya íꞌvi yá xaꞌa ya ndu̱vaꞌa yá, ta ndi̱xaa yá nuu ra si̱kusiti yá, saa ndi̱kaꞌan ndiꞌi yá xiꞌin ra ya ndu̱vaꞌa yá.

San Marcos 5:38

Ñaa ndi̱xaa nda veꞌe ra Jairo, ta xi̱ni nda iin ndá síso xáku naꞌa, ta iin ndáꞌi koꞌo na ndóo na.

San Lucas 13:14

Saa ndi̱saa ni mií ra ndáa chiñu xiꞌin veꞌe ñuꞌu sinagoga ikán. Chi si̱ndaꞌa Jesús yá ñaꞌa ikán kivi ndíkundee na. Ñaa ndi̱kaꞌan ra xiꞌin na, káchi ra saa: ― Íyo iñu kivi ya xaa chiñu yo, yakan köo xíniñuꞌu ndo kixi ndo sindaꞌa ra ndóꞌo̱ kivi ndíkundee yo ―káchi ra xiꞌin na.

San Lucas 5:8

Ta saa tá xi̱ni ra Simón Pedro ya ndo̱ꞌo nda, ñaa ndi̱xaa ra si̱kusiti ra nuu Jesús, káchi ra saa: ―Tata, yóꞌo̱ ta ra vaꞌa ku un, ra i̱í ku un, yakan vaꞌa ka kuataꞌa nuu i chi küvi kitaꞌan i xiꞌin un chi süvi ra vaꞌa ku i, ra íyo kuachi ku i ―káchi ra xiꞌin Jesús.

San Lucas 8:28

Ñaa tá xi̱ni ra Jesús ta ndi̱xaa ra si̱kusiti ra nuu ra, ndi̱ndaꞌi koꞌo ra, káchi ra saa: ―Tata, ¿unkua kúni un ikan un xiꞌin i? Chi yóꞌo̱ ku Jesús, Seꞌe Ndioxi ra kaꞌnu nuu i. Xáku ndaꞌvi ni i nuu un xäa nduvaꞌa un xiꞌin i ―káchi ra xiꞌin Jesús.

Los Hechos 13:15

Ta ikán ndóo nda tá ka̱ꞌvi na ley Ndioxi ya ta̱a ra Moisés xiꞌin ya ta̱a nda ndi̱kaꞌan ndoso tuꞌun yuꞌu Ndioxi. Tá ndi̱ꞌi ka̱ꞌvi na ya ikán, saa ti̱ꞌvi nda naꞌnu veꞌe ñuꞌu sinagoga ikán tuꞌun kuaꞌan nuu ra Pablo xiꞌin nda taꞌan ra, káchi nda saa: ―Ñani yo, tá tu íyo tuꞌun ndikani ndo nuu na ndóo yóꞌó nuu taxi ndo ndee ndaꞌa na, ta vaꞌa kaꞌan ndo xiꞌin na, che ―káchi nda xiꞌin ra Pablo.

Los Hechos 18:17

Tá ka̱na koo na keꞌe ta ti̱in na griego inka ra náni Sóstenes, ra xáꞌnda chiñu veꞌe ñuꞌu sinagoga. Ñaa xa̱á na xáa nduvaꞌa na xiꞌin ra. Nuu teꞌe ra gobernador Galión xa̱á na xáa nduvaꞌa na xiꞌin ra, ta ni köo ndi̱kaꞌan ra xiꞌin na.

Los Hechos 18:8

Ta iin ra náni Crispo, ra xáꞌnda chiñu veꞌe ñuꞌu sinagoga ñuu ikán, xi̱ni soꞌo ra ya ndi̱kaꞌan ra Pablo. Saa ka̱ndixa ra Jesús xiꞌin ndiꞌi na veꞌe ra. Ta kuaꞌa ni ka mií na ñuu Corinto xa̱á kándixa Jesús. Ñaa ndikun chi̱chi na.

El Apocalipsis 22:8

Yeꞌe Juan ku yeꞌe xi̱ni ndiꞌi ya yóꞌó tin xi̱ni soꞌo i ya. Tá ndi̱ꞌi xi̱ni soꞌo i tin xi̱ni i ndiꞌi ya si̱naꞌa Ndioxi nuu i, saa si̱kusiti i nda nuu ñuꞌú nuu ndíchi tatun Ndioxi ya si̱naꞌa ndiꞌi ñaꞌa nuu i xiꞌin ya xi̱ni soꞌo i, si̱kusiti i ya xaa kaꞌnu i ya.