San Marcos 5:16 - Xochapa Mixteco

¹⁶ Ta ndiꞌi na xi̱ni ya ndo̱ꞌo ra ku̱u mií tachi nduvaꞌa xiꞌin ya ndo̱ꞌo kiti kini, ndítuꞌun na xiꞌin inka naꞌa xaꞌa ya xi̱ni na.

San Marcos 5:16 ပူးပေါင်းရင်းမြစ်များ

San Mateo 4:24

Saa ndi̱xita tuꞌun xaꞌa ra ndiꞌi ni kúu ñuu Siria, ta ndáka naꞌa na taꞌan na, na kúꞌvi, na ndóꞌo ndiꞌi ni kúu nuu kueꞌe, xiꞌin na kúu mií tachi nduvaꞌa tin na xíꞌi ndiuu xiꞌin na küvi kaka. Ndi̱xaa na nuu ra ta si̱ndaꞌa ndiꞌi ra na ikán.

San Mateo 9:32

Tá ka̱na koo nda kuáa̱ ikán kuaꞌan nda, saa ndi̱xaa na xiꞌin iin ra meꞌme, ra kúu mií tachi nduvaꞌa.

San Marcos 5:15

Tá ndi̱xaa na nuu Jesús, ta xi̱ni na ra ku̱u mií tachi nduvaꞌa ikán, xi̱ni na ra ndu̱vaꞌa ra índuꞌu koo ra nuu Jesús. Ta ndi̱ndiꞌvi ka vi na.

San Marcos 5:18

Saa ndi̱ko koo Jesús ndi̱xaa ra ini tun barco, ñaa xa̱á mií ra ndo̱ꞌo tachi nduvaꞌa ikán, xíkan ra ya mani nuu ra, ya taxi ra kuꞌun ra xiꞌin ra.