San Marcos 5:15 - Xochapa Mixteco

¹⁵ Tá ndi̱xaa na nuu Jesús, ta xi̱ni na ra ku̱u mií tachi nduvaꞌa ikán, xi̱ni na ra ndu̱vaꞌa ra índuꞌu koo ra nuu Jesús. Ta ndi̱ndiꞌvi ka vi na.

San Marcos 5:15 ပူးပေါင်းရင်းမြစ်များ

San Mateo 12:29

Ná ndituꞌun i xiꞌin ndo: Tá íyo iin ra taa ndaku ni, ta küvi kiꞌvi inka ra kuiꞌna sikuiꞌna ra veꞌe ra ikán. Xiꞌna xíniñuꞌu ra katun ñaꞌa ra, saa kuchiñu ra kiꞌvi ra sikuiꞌna ra veꞌe ra ikán.

San Mateo 26:53

¿Án köo kúndaa ini un yeꞌe ta vaꞌa kaꞌan i xiꞌin Iva i ta ndikun tiꞌvi ra nda uni xiko uxi uvi mil na tatun Ndioxi kixi na chindee na yeꞌe?

San Mateo 4:24

Saa ndi̱xita tuꞌun xaꞌa ra ndiꞌi ni kúu ñuu Siria, ta ndáka naꞌa na taꞌan na, na kúꞌvi, na ndóꞌo ndiꞌi ni kúu nuu kueꞌe, xiꞌin na kúu mií tachi nduvaꞌa tin na xíꞌi ndiuu xiꞌin na küvi kaka. Ndi̱xaa na nuu ra ta si̱ndaꞌa ndiꞌi ra na ikán.

San Mateo 9:33

Saa ta̱va Jesús tachi nduvaꞌa ku̱u mií ra ikán, tá ke̱ta soꞌva ya ta ndikun xa̱á vaꞌa káꞌan ra. Saa ndi̱kanda ni ini naꞌa, ñaa xa̱á na káꞌan na, káchi na saa: ―Nda iin ichí köo taꞌan ya yóꞌó xíni yo ñuu Israel ―káchi na.

San Marcos 5:14

Saa xínu ni mií na ndáa kini ikán ndi̱xaꞌan na ñuu naꞌnu tin iku, ndi̱tuꞌun ndiꞌi na xiꞌin naꞌa xaꞌa ya ku̱u. Saa kuaꞌa ka vi na ndi̱xaa xíto ya ndo̱ꞌo ra taa ikán.

San Marcos 5:16

Ta ndiꞌi na xi̱ni ya ndo̱ꞌo ra ku̱u mií tachi nduvaꞌa xiꞌin ya ndo̱ꞌo kiti kini, ndítuꞌun na xiꞌin inka naꞌa xaꞌa ya xi̱ni na.

San Marcos 5:18

Saa ndi̱ko koo Jesús ndi̱xaa ra ini tun barco, ñaa xa̱á mií ra ndo̱ꞌo tachi nduvaꞌa ikán, xíkan ra ya mani nuu ra, ya taxi ra kuꞌun ra xiꞌin ra.

San Marcos 5:4

Kuaꞌa ka vi ichí ka̱tun na xaꞌa ra xiꞌin cadena kàà, ta ndakua iin síkuachi vali ra ya, nda iin na köo kúchiñu xiꞌin ra.

San Marcos 5:9

Saa ndi̱ndakan tuꞌun Jesús ya, káchi ra saa: ―¿Unkua náni un, káchi ra xiꞌin ya? Saa ndi̱kuiin ya, káchi ya saa: ―Legión náni i, saa chi kuaꞌa ni ku nde ―káchi ya.

San Lucas 10:39

Ta íyo iin kuꞌvi yá náni María. Tá ndi̱xaa Jesús veꞌe ná ta ndi̱kunduꞌu koo yá María xaꞌa ra xíni soꞌo yá káꞌan ra.

San Lucas 8:27

Saa ke̱ta Jesús ini nu, ñaa ndi̱taꞌan ra iin ra kúu mií tachi nduvaꞌa, tachi kiti nǎꞌa. Ta xa naꞌa ni kúu mií ra tachi nduvaꞌa xíka chala ra, ni köo tikoto ndíxi ra, ta ni köo íyo ra veꞌe, nina kava nuu ndúxin ndìì ndi̱xiyo ra.

Colosenses 1:13

Ndioxi ku ra sa̱ña ndika yoo nuu ndee ya xáꞌnda chiñu nuu naá. Ta si̱yaꞌa ra yoo ndi̱kiꞌvi yo ndikundoo yo xiꞌin ra nuu xáꞌnda chiñu Seꞌe ra, ra kúꞌvi ni ini ra xíni ra.

2 Timoteo 1:7

Saa chi Tachi I̱í Ndioxi ya ta̱xi ra íyo xiꞌin yo ta köo táxi ya nduu yo naꞌa, na ìyo ni, ta̱xi ya ndee ndaꞌa yo ya ná ndundee ni ini yo ta ná küiꞌvi yo, saa ná kuꞌvi ni ini yo kuni taꞌan yo, ta ná koo káxin teꞌe ini yo.