San Marcos 4:26 - Xochapa Mixteco

²⁶ Saa ndi̱kaꞌan tuku Jesús, káchi ra saa: ―Tá ndóꞌo ndikin ya xíta yava chíꞌi iin taa nuu ñuꞌú ra, saa íyo ichí nuu xáꞌnda chiñu Ndioxi.

San Marcos 4:26 ပူးပေါင်းရင်းမြစ်များ

San Mateo 13:11

Saa ndi̱kuiin ra káꞌan ra xiꞌin nda: ―Ndóꞌo̱, ta xa mií Ndioxi ku ra ta̱xi ichí ndaꞌa ndo ya kundaa ini ndo xaꞌa ichí nuu xáꞌnda chiñu ra, ya íyo sěꞌe. Sundi na ikán, ta köo ndítaxi ra ichí ndaꞌa na kundaa ini na.

San Mateo 13:24

Saa ndi̱tuꞌun ka Jesús inka tuꞌun ndíchi sínaꞌa ra naꞌa, káchi ra saa: ―Ichí nuu xáꞌnda chiñu Ndioxi, ta tá káa nuu chíꞌi iin ra ndikin trigo ya vaꞌa ni, saa káa ya.

San Mateo 13:3

Saa xa̱á ra ndítuꞌun ra kuaꞌa ni nuu tuꞌun ndíchi xiꞌin na, sínaꞌa ra na, káchi ra saa: ―Kuni soꞌo ndo ya káꞌan i xiꞌin ndo: Saa ndo̱ꞌo iin ra chíꞌi siꞌva trigo.

San Mateo 13:31

Saa ndi̱tuꞌun tuku Jesús inka tuꞌun ndíchi xiꞌin naꞌa ya sínaꞌa ra na, káchi ra saa: ―Ichí nuu xáꞌnda chiñu Ndioxi, tá kuꞌva káa ndikin itun mostaza ya chi̱ꞌi iin taa nuu ñuꞌú ra, saa káa ya.

San Mateo 13:33

Saa ndi̱tuꞌun ka Jesús xiꞌin nda inka tuꞌun ndíchi, káchi ra saa: ―Ichí nuu xáꞌnda chiñu Ndioxi tá kuꞌva káa uxan iya, ya chíkaa na xiꞌin uxan xita vaꞌa, saa káa ya. Ni loꞌo ni uxan iya chíkaa iin yá ñaꞌa xiꞌin uxan xita vaꞌa yá, ta kuaꞌa ni ndúu ya, ndínañu ni ya ―káchi Jesús xiꞌin nda.

San Mateo 3:2

Káchi ra saa: ―Ndiko koo ini ndo, ïkan ka ndo ya väꞌa, chi xa ti̱ndaa yati ichí ya kaꞌnda chiñu Ndioxi nuu yo ―káchi ra Juan xiꞌin na.

San Mateo 4:17

Saa xa̱á Jesús káꞌan ndoso ra tuꞌun Ndioxi xiꞌin naꞌa, káchi ra saa: ―Ndiko koo ini ndo xaꞌa ya väꞌa íkan ndo, chi xa yati ni íyo ichí ya xáꞌnda chiñu Ndioxi nuu kutaku ndo ―káchi Jesús xiꞌin na.

San Marcos 4:25

Saa chi ndiꞌi na xa kúndaa vaꞌa ini, ta niꞌi ka na ya vaꞌa nuu Ndioxi. Ta ndiꞌi na loꞌo ni kúndaa ini ta nda ya loꞌo kúndaa ini na ndundaa ya ndaꞌa na ―káchi Jesús.

San Marcos 4:27

Chi iin ra chíꞌi ndikin, ta kíxi ra ñûu saa ndíkoo ra nduvi, ta ndúta ndikin chíꞌi ra saa xáꞌnu ya ta ni köo xíni ra ndá kuꞌva xáꞌnu ya.

San Lucas 13:18

Saa ndi̱kaꞌan ka Jesús xiꞌin na káchi ra saa: ―Ná ndituꞌun i xiꞌin ndo ndá kuꞌva íyo ichí nuu xáꞌnda chiñu Ndioxi, ta ndá ñaꞌa kua vaꞌa kuniñuꞌu yo ya ndikani yo ya.

San Lucas 8:11

Ta soꞌva káchi tuꞌun ndíchi yóꞌó: ―Siꞌva ri ndi̱xita yava ikán ku tuꞌun Ndioxi.

San Lucas 8:5

―Saa ndo̱ꞌo iin ra chíꞌi trigo xa̱á ra xáta yava ra siꞌva trigo. Ta sava ri ndi̱koyo ichí ta ndi̱xañu ndoso na ri, saa xa̱a sàà ta xa̱xi ñaꞌa ri.

San Juan 12:24

Ya ndaa káꞌan i xiꞌin ndo iin ndikin trigo, ya köo chíꞌi na ta köo táꞌi ya, yakan köo ndúkuaꞌa ya, ndóo iindaa mií ya. Sundi tá ná chiꞌi na ya, taꞌi xeꞌe sata ya ta nduta ya, saa kua ndúkuaꞌa ni ka ya.

Santiago 3:18

Ndiꞌi naꞌa, na ndúku kuꞌva ya chindee taꞌan na xiꞌin inka naꞌa ya koo vií na, na íkan saa ta tá íin na chíꞌi ñaꞌa vaꞌa saa íin na nuu Ndioxi.